Mărko 15

Jezŭ d́ŏ Pilăto Ahlò̆mò̄

(Mattĕo 27.1,2,11-14; Lŭka 23.1-5; Zowănnī 18.28-38)

1B́ĕ lumuwò dèhlî̆hta nu, Phŭgido tòcò, Anedothabwe tòcò, Skrĭbāpho tòcò kî Jŭkho Mādo lŏcăcè laglahlègè lōwa. Co cŏglo Jezŭ, lejoigè Cè d́ŏ Pilăto ò, Hwă d́ō ilagè Cè d́ŏ lōwa acukhòbu nu. 2Pilăto d́è̆ Cè, “Nî ḿî Jŭdapho Asaphra ā?”

Jezŭ d́òscĭge cè, “Ńò d́ò htŏ do.”

3Phŭgido tòcò sawè̄gè dèkèḿè Zò lò amŏamo lò. 4Pilăto d́è̆tcagè Cè, “Tcabò̄, bija sawè̄ ńò lò dèkèḿè amŏamo lò, ńò tò d́òscĭ da dimĭ ńò ā?” Barasă Cò tò d́òscĭge dôhmô̆ ńò.

5Pilăto htèdômô̄dahmă sôgè d́ŏ Jezŭ tò d́òscĭ bija alī dimĭ ńò acè̆ nu.

Jezŭ kî Barăba

(Mattĕo 27.15-26; Lŭka 23.13-25; Zowănnī 18.39—19.16)

6B́ĕ Pwè̆ ani nu, acab́ô̆ anuad́ò̆ ò adĕ nu, bija b́ăhlô nènògè bija aò dèd́owè̄glo abu dèbwèbwè, acab́ô̆ bija adèthaèni ò kî dahta adĕ nu. 7B́ĕnu akhî, bija htè ami ḿî Barăba dèbwè òploplokôgè bija ahtad́ĕd́òdè kî amèthĭ bija tòcò akă d́ŏ dèkî̆dî̄ abu nu. 8Bija aboahò tòcò kèwohta kî dahtagè Pilăto htè dè anuad́ò̆ zè mè nènò ajo nu.

9Zè dè̆gè lōwa tòcò, “Thĭ thaèni ja b́ăhlô ni thĭ Jŭdapho Asaphra dèbwè nu ā?” 10Manè̄, zî thîhè̆gè Phŭgido tòcò ila Jezŭ zu cukhò bu ḿî d́ŏ dèthakla acè̆ nu.

11B́ĕnu akhè̆ lò, Phŭgido tòcò thakăhtagè bija tòcò akă cab́ô̆htè za b́ăhlôbò̄ Barăba d́ŏ lōwa alle nu.

12Pilăto d́ògè cè tòcò, “Jè gè mèib́è bija htè thĭ jo Cè Jŭdapho Asaphra ajo dèbwè cadè̄?”

13Bija kèwohtascĭgè cè alī, “Hlîhtaglothĭ Cè!”

14Pilăto d́ògè cè tòcò, “Manè̄, Zè dèkèḿè ḿîgè danè̄?”

Bija tòcò kèwohtasô d́okhlŏgè, “Hlîhtaglothĭ Cè!”

15Pilăto htè athaè mè b́ètha bija aboahò dèbwè nu, b́ahlô̆htanigè cè tòcò Barăba, mèhwă d́ō, za hnagè bija gū mū gā hta Jezŭ Hwă d́ō, ci ilagè lōwa d́ŏ cè tòcò acukhòbu cab́ô̆htè agā htalaglo thĭ Cè nu.

Klĭpho Tòcò Adèsòlŭsò̆jè̄ Jezŭ

(Mattĕo 27.27-31; Zowănnī 19.2,3)

16Klĭpho Tòcò lenī igè Jezŭ d́ŏ Hid́o ahiò̆bu, htè bija jo ami Pretorium abu kî jo ladēplo klĭpho thèd́è̆pho d́o. 17Zò thònigè lōwa scid́ŏ alî tèb́è, zi b́î̆thagwă hwă dèscu cab́ô̆ khocò̆ nu d́ō, za phlalagè lōwa akokho. 18Kî zò sòlŭgè lōwa, “B́èmò, Jŭdapho Asaphra!” 19Zò dòklòigè lōwa ako kî gòbòmu, zî htwî nī lōwa agādŭ bu. Zo dōhnŏla lōwa ahlò̆mò̄, kî d́ŏbèj́ab́è barasagè Cè. 20Zò sòlŭsò̆jè̄ hwă lōwa d́ō, co b́oladē lōwa ascid́ŏ alî tèb́è nu, kî thòhtanige lōwa Zi scid́ŏ kî Ze ne, Hwă d́ō, zè hèigè lōwa cab́ô̆htè zî gî̄ hlîhtaglothĭ lōwa nu.

Dèhtalaglo Jezŭ Krusu Alò

(Mattĕo 27.32-44; Lŭka 23.26-43; Zowănnī 19.17-27)

21Bija htèglè̄nigè Simŏnè Cerenĕopho, htè Alèssăndro kî Rŭfas apa aò d́ŏ lèbu age dèbwè nu d́ō, bija hnanohnabègè cè akā j́azo Jezŭ Akrusu. 22Bija dole d́ŏ Gò̆lgòtha (htè dèkokhwi ale) dokhlo nu. 23Bija igè Cò ò̆ thobiscihtĭ aòklè̆d́ò kî mĭrrah, ḿî Jezŭ tò ò̆gè ńò. 24Cè tòcò hlîwè̄glo hwă Cè d́ō, zo b́o mè̆ kî belanigè lōwa zi scid́ŏ.

25Bija htalaglogè Cè d́ŏ Krusu alò nu, ḿîgè b́ĕ lumuwò lwīthô danare nu. 26D́ŏ Co kokho nu, dèhwela ògè gōjo, “JŬDAPHO TÒCÒ ASAPHRA.” 27Ploplo kî Cè nu, bija htalaglogè dehwĕpho gībwè, d́ŏ Cu cudèhtwè dòkhò̆b́è dèbwè kî Cu cutîcî dòkhò̆b́è dèbwè.

28Dèhwelahnè ò, ad́ò, “Zè kè̄ b́è dèlè̄plo Cè kî bija amèkèḿèdèpho,” pĕhtazòhtagè. 29Bija lekôgekô b́ôhtî tòcò htodijī ako kî d́òjod́òlè̄ Cè, d́ògè, “Ha ha! Nè gè̄ mèkè̆ Zarādo, mèhwă thŏni lò, Na gā prahtage Ńò d́òthè̆ d́o nî̄! 30Mèhlô̆htage Ne ne kî gelabò̄ d́ŏ Krusu alò dakha.”

31Phŭgido kî Skrĭbāpho tòcò ḿî ḿî d́òkôgè bija tòcò akă, “Zè mèhlô̆hta thè̆ bija nî̄. Ḿî Zè dèmèhlô̆htage za Ze ne ńò. 32Khŏnujo Mèssĭah, Israè̆lpho Asaphra gē gela d́ò̆è d́ŏ Krusulò cab́ô̆htè wa gā tcahtî kî b́ubò̄ Cè nu.”

Bija ab́èhtawè̄glo plo Cè tòcò ḿî ḿî htèkè̆htèôgè Cè Cè.

Jezŭ Adèthĭ

(Mattĕo 27.45-56; Lŭka 23.44-49; Zowănnī 19.28-30)

33B́ĕ lumuhtihta nu, dèkhilagè thèd́è̆htĭthèd́è̆ge htô̆do lumuhtikhlèb́a thŏnare nu. 34B́ĕnu akhî nu Jezŭ kèwohtasôgè, “Eloi, Eloi lama saba thani!” Ahtabohtab́ă ḿî, “Ŏ B́ĭcè, Ji B́ĭcè, Na bāphlòmĭ ma Jè nè?”

35Bija asò̆hto òb́ôhtî b́ĕnu tòcò, thîhè̆b́è dèlē ajo d́ō, cò d́òhlègè lōwa, “Sòkhĕńebò̄ nu, Zo johtagè Elĭjah!” 36Ḿî cè tòcò aklè̆ dèbwè, cwèlephîgè dè ală thôô, ajôgloza htĭ domo nu kî zu thrŭlănī thobiscihtĭ ascî aklè̆ kî zo cŏwè̄ hwă gòbò tòb́ò̆ alò d́ō, ci ihtagè lōwa ò̆ kî d́ògè, “Khŏnujo gā tca mò̄kô, b́ètèb́èńò Elĭjah gā la mèhlô̆htage Cè lòmò̄!”

37B́ĕnu, Jezŭ kèwohtasô tapla be, kî Za tha hèhtagè.

38B́ĕnu akhè̆, dèthèd́od́îd́ă tîkî̆jā aò Zarādo abu tèb́è htèlègè gīkò̆lā b́ĕ ako htô̆ dola akă nu. 39Klĭpho dègèjè akho dèbwè, sò̆hto ò Ca kăhtî, thîhè̆b́è Cè kèwo kî tcahtîgè lōwa adèthĭ ajo d́ō, d́òphlò̆htagè, “Bija ajo dèbwè ḿî thĕbwegè B́ĭcè Apho adî̄ahma hŏ!”

40Amihmu ò d́ŏ adòbò, atcawè̄ Cè ògè tòcò. Cè tòcò aklè̆ ḿîgè Marĭa Madalè̆nā, Marĭa, Zăkomo ascipho dèbwè kî Zŏzè amo kî Salŏmè. 41Cè tòcò lôkô kî mèzo Cè hlĕ Cò òwe Galilĕage nu. Amihmu òèòò aò d́ŏ Jerŭsalèm u ahtakô Ca kă ḿî ògè gè.

Dèb́ŭlă Jezŭ

(Mattĕo 27.57-61; Lŭka 23.50-56; Zowănnī 19.38-42)

42Dèkhilagè kîd́ò̆ aḿî kòd́ò̆ dèpradòlò ani, htè lumula dukhlŭkî Jŭdapho aMunisòd́è̆ ani hnî̆ńò nu. 43Zŏzè htè aò d́ŏ Arimattĕa u dob́agè. Zî ḿî Sanhedrîn, Jŭdapho ajŭkho anedothabwe dèbwè. Zî ḿî bija adôi dòlò Mò̄kho ahtĭage dèbwè. Zu khŭ tèpwè Pwĕ acab́ô̆ ze lehtî Pilăto kî dagè Jezŭ aco nu. 44Pilăto htèdômô̄dahmăgè d́ŏ Jezŭ thĭ plăgè d́ō zo jogè klĭpho dègèjè akho kî d́è̆tcagè lōwa htè Jezŭ thĭ hwăgè ā? nu. 45Pilăto thîhè̆b́è Jezŭ thĭ hwăgè d́ō, ci igè Zŏzè Jezŭ aco. 46Zŏzè bwî hwă lū atîkî̆jā kîd́ò̆ cè b́è̆lăgè lōwa d́ŏ lobu, htè bija prahtakô losò nu. Agudulă ca b́atoklŏbigè lobu kî lodo dèmè̆. 47Marĭa Madalè̆nā kî Marĭa Zŏzè amo, tcahnè̆lăigè ale htè bija b́ŭlă Cè taklaẃa nu.

Okuqokiwe okwamanje:

Mărko 15: GRNT21

Qhakambisa

Dlulisela

Kopisha

Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume

Funda kabanzi mayelana ne Geba Roman New Testament

Amavesi eBhayibheli adumile avela kokuthi
Mărko 15

Ividiyo ye- Mărko 15

NgokukaMarku 14:53-15:32

Lumo Project

NgokukaMarku 15:33-16:20

Lumo Project

Mărko 15

Amavesi eBhayibheli adumile avela kokuthi
Mărko 15

Ividiyo ye- Mărko 15

NgokukaMarku 14:53-15:32

NgokukaMarku 15:33-16:20

IBhayibheli:

Karen, Geba

Inguqulo: Geba Roman New Testament - GRNT21

Mărko 15

Mărko 15

Amavesi eBhayibheli adumile avela kokuthi Mărko 15

Ividiyo ye- Mărko 15

NgokukaMarku 14:53-15:32

NgokukaMarku 15:33-16:20

IBhayibheli:

Karen, Geba

Inguqulo: Geba Roman New Testament - GRNT21

Mărko 15

Amavesi eBhayibheli adumile avela kokuthi
Mărko 15