Lŭka 4

Jezŭ Khab́è Dèhnakă

(Mattĕo 4.1-11; Mărko 1.12,13)

1Jezŭ ò pĕhtakî Spirito Tcahtĭ, zè hèhtagè Jòrdănoge kî Spirito Tcahtĭ leihŭgè Cè 2d́ŏ lothĭḿizekho ani lwīscĭ athè̆ lwīscĭ adābu, khab́ègè Mod́èlî adèhnakă. B́ĕ anu aniathè̆ tòcò abu nu ca ta a dimĭ ńò dō Za thaẃiscôgè.

3Mègōnu d́ō Mod́èlî d́ò cè, “Ni gi ḿî b́eḿĕ Kib́ĭcè Apho d́ō, d́òbò̄ cab́ô̆htè lo jo tod́ŏ gī phî̆htabò̄ toko dèmè̆ nu.”

4Ḿî Jezŭ d́òscĭgegè cè, “Dèhwela ò gōjo, ‘Bija tò òthôḿô̆ikò̆ toko lò ńò, ḿî cò kò̄ òthôḿô̆ikôkò̆ Kib́ĭcè Alēahwè gŏ ahmô̆ nu dòkhò̆.’”

5Mod́èlî htaigè cè d́ŏ ahtajî nu kî d́è̆lî̄gè Cè Lākho Htĭge lŏcăcè. 6Kî cò d́ògè lōwa, “Ji kī i lŏ tèpwè Nè dèphlŭdèthere kî dèdòdèthe, manè̄ dè ajo tòcò b́è ila lŏ htŏ ju cukhò bu kî ja tha ilani bija arră nu aza tèpwè. 7Mègōnu d́ō, Ńò gō gò̄la thèb́è̆hta ma d́ŏ jò hlò̆mò nu d́ō dè ajo tòcò gī ḿî lŏ tèpwè Nè è̆.”

8Jezŭ d́òge cè, “Dèhwela ògè gōjo, ‘Nè gè̄ thèb́è̆htab́è Dèado Nî B́ĭcè, kî nè kèb́è mè htĕ Zè dèmè lò.’”

9Mèhwă ze lei lōwa d́ŏ Jerŭsalèm u kî d́ò̆lăgè Cè d́ŏ Zarādo akhotòcò̆ akho nu kî cò d́ò lōwa, “Nî gî̄ ḿî b́eḿĕ Kib́ĭcè Apho d́ō cŭladēbò̄ Ne ne b́ĕjo. 10Manè̄, dèhwela ò ad́ò, ‘Za gā hnakò̆ Zò Mò̄khobwèzo tòcò ki i gā tca thoŏthèè Nè.’ 11Ad́òwe, ‘Za gā zāhtagloi Nè cab́ô̆htè na khakhò tò tòb́èbò̄ lo ńò nu.’”

12Jezŭ d́òscĭge cè kî Cò d́ò, “‘Na da hnakăb́è Dèado Nî B́ĭcè ńò,’ dèhwela ò do.”

13Mod́èlî hnakă hwă Jezŭ amŏamo d́ō, zè hèdòbògè lōwa tod́odasa.

Jezŭ d́ŏ Galilĕage

(Mattĕo 4.12-17; Mărko 1.14,15)

14Jezŭ ò pĕhtakî Spirito Tcahtĭ aphlŭathere d́ō, Ze geb́agè d́ŏ Galilĕage nu, kî Zi mi hŏhtathèlagè thèd́è̆htĭthèd́è̆ge. 15Cô thôithò̆idè d́ŏ Sinagŏgā abu kî bija kòihtăi tèpwè Cè gô̄khĭgô̄bwè.

Nazarè̆thpho Dè Lèkha Jezŭ Ńò

(Mattĕo 13.53-58; Mărko 6.1-6)

16Jezŭ legè d́ŏ Nazarè̆th u htè zo dohtagè abu tu u nu, acab́ô̆ anuad́ò̆ ògè adĕ nu, ze lenīgè Sinagŏgā abu b́ĕ Munisòd́è̆ ani nu kî wè̄hto phagè Cè Tcahtĭ. 17Bija igè Cè Prò̆fèt Izaĭah Acèhtŭ duhtŭ. B́ĕ ca ẃala Cè duhtŭ nu, ca pahtîgè dèhwela dagla htè ad́ò,

18“B́ĭcè Spirito Tcahtĭ lela jo kho,

manè̄, Zô htôrôgè Jè kî Si Tcahtĭ, Zo thodŏlegè Jè d́ŏ assègnè̆pho tòcò ò,

cab́ô̆htè Jò kò d́ò̆sabò̄ ab́èphòb́ècŏ tòcò dè b́ăplèkè̆,

agè̄ mèhlî̆htage agādŭkhi tòcò

kî agè̄ mèhlô̆mèlabò̄ ab́èdòbijīla tòcò

19kî d́ò̆sa bija akhîb́è htŏ

htè Kib́ĭcè gè̄ mèhlô̆htage abijakhwĭpho tòcò nu.”

20Zu htŭtuklŭhtage hwă Cèhtŭ, Ci igè atcai Sinagŏgā kî sańălăògè. Bija aò Sinagŏgā abu tòcò tca dîgrî̄nî̄ Cè lò. 21Cò d́ògè lōwa tòcò, “Khŏdini Cè Tcahtĭ b́è pĕhtazòhta htŏ b́ĕ thĭ sòkhĕńe dèphahlî̆hta abu jo.”

22Bija lŏcăcè b́èthob́ètha kî htèdômô̄dahmăi tèpwè dèjî̄b́è ahèhta d́ŏ Zò lòmò abu tòcò ale. Cè tòcò d́ògè, “Ajo ḿî Zŏzè apho tè b́ènò ā?”

23Kî Cò d́ògè lōwa tòcò, “Thĭ kò d́òi ladŭè Dèd́ò, ‘Dihwi sara, prabò̄ ne ne dòkhò̆!’ Gajă wî thîhè̆b́è dè mè ane d́ŏ Kapèrnaum u nu, mèbò̄ cè d́ŏ no d́ŏ na phă nu.” 24Jezŭ d́òwe, “Jò d́ò̆sa thĭ adî̄ahma, htè Prò̆fèt di nib́è amūkă d́ŏ ad́ŏaphă bu dèbwè̆ ńò. 25Jò d́ò̆sa thĭ adî̄ahma, hlĕ Elĭjah alethîkhè̆ nu, d́ŏ Israè̆lge nu ahmugèmè ò daga d́o, b́ĕ Mò̄kholè̄ ò b́ò̆b́i thŏd́e kî ahlè̆thăthô d́ō dèwīthô̆ lab́ègè bija. 26Nòthò̆ hnò̆nu Elĭjah tè b́è thodŏle d́ŏ cò ò nu dèbwè̆ ńò, ḿî cè b́è thodŏle tèpwè d́ŏ Sidŏnage, Zarè̆path u ahmugèmè dèbwè ò lò. 27Kî hlĕ Prò̆fèt Elizĕo alethîkhè̆ nu, d́ŏ Israè̆lge nu bwèkalaki ò daga d́o. Barasă tè b́è mèplî̆mètcăge dèbwè̆ ńò, ḿî Naaman, Sĭriapho dèbwè lò.”

28B́ĕ bija thîhè̆b́è dè ajo tòcò d́ō, aò Sinagŏgā bu lŏcăcè tòcò thèhtèsôgè. 29Cè tòcò wè̄hto kî cwihtaphlògè Jezŭ d́ŏ U akhlŏ nu kî leigè lōwa d́ŏ bla akhèdî̄kho nu htè bija b́òhta u athara ale, cab́ô̆htè ze gē hwĕlădēbò̄ lōwa d́ŏ blabu nu. 30Barasă Jezŭ hè thî̆bî̄thô̆bô̄ hwă cè tòcò d́ō ze legè Cè klè.

Bija Ahnèò Dèbwè

(Mărko 1.21-28)

31Mèhwă Ze legè d́ŏ Kapèrnaum u htè aḿî Galilĕage u tu u nu. B́ĕnu zô thôithò̆igè bija b́ĕ Munisòd́è̆ ani nu. 32Kî bija tòcò htèdômô̄dahmă tèpwè, manè̄ Cô thôithò̆i bija d́ŏ dèphlŭdèthere abu akhoacè̆ nu. 33D́ŏ Sinagŏgā abu nu bija htè dèhnè akî̆kkè òwè̄ alò dèbwè kèwohta sôtèklè, 34cò d́ò, “Wò ò d́ò̆è wa, wè b́èkja kî nè danè̄, Ŏ Jezŭ Nazarè̆thpho. Ne le mèkè̆ mèhlè̆mè̄gè wa ā? Jî thîhè̆ tèpwè Nè. Ni ḿî Kib́ĭcè Abija Tcahtĭ dèbwè nu.”

35Jezŭ hò̆ cè kî Cò d́ò, “Òzòlò, hèhtakè̆ d́ŏ cò ò nu.” Dèscidèhnè htîladē hwă cè d́ŏ bija aboklè̆, ahèhtakè̆ tèpwè, ḿî adèmè tèpwè cè da dimĭ ńò.

36Bija lŏcăcè htèdômô̄dahmă, dòdò̄dòthò̆ kî d́ò, “Dèjî̄b́è ajo ḿî danè̄? Bija ajo dèbwè jo d́ŏ dèphlŭdèthere kî dècô̆dèthèlè̆ abu Ci ila ze lē, d́ō dèhnè akî̆kkè hèhtakè̆ tèpwè.” 37Dèwîdèkè̆ ab́èkja Jezŭ nu d́èlò̄d́èkhò̆ tèpwè d́ŏ d́ŏwēd́ŏwă ab́ôhtîb́ôzò tòcò nu.

Jezŭ Mèhmage Bija

(Mattĕo 8.14-17; Mărko 1.29-34)

38Jezŭ hèhta hwă Sinagŏgā bu Ze legè d́ŏ Simŏnè ahi nu. B́ĕnu Simŏnè amubwē scwihtasôgè kî bija tòcò d́ònikhĭsanikhĭgè cè. 39Jezŭ sò̆hto ò hwă d́ŏ zò hlò̆mò̄ zò hò̆gè dèsè̆ d́ō abāladē danā tèpwè cè, kî zè wè̄hto mèamèò̆ ni tèpwè bija tòcò nu.

40B́ĕ lumuladēni nu, bija lei gajă ascwiasè̆ tòcò d́ŏ Jezŭ ò nu. Zè htèla zu cukhò lōwa tòcò akho kî mèhmage tèpwè cè tòcò nu. 41Dèscidèhnè hèhtakè̆ d́ŏ bija alò òè̆bwè kî kèwohta, “Ni ḿî Krĭstu, Kib́ĭcè Apho.”

Ḿî Jezŭ hò̆ cè tòcò kî Ci ti i tèpwè lōwa tòcò akhwè agî̄ jî̄b́èhta ńò. Manè̄ cè tòcò thîhè̆ htè Zî ḿî Krĭstu akhoacè̆ nu.

Jezŭ D́ò̆htôla d́ŏ Sinagŏgā tòcò abu

(Mărko 1.35-39)

42B́ĕ dèhlî̆hta nu Jezŭ legè d́ŏ bija tò ò ńò alle nu. Ḿî bija aboahò tòcò wāhlè Cè, lehtî Cè kî jolaglo tèpwè Cè cab́ô̆htè Zè dè hèbābò̄ lōwa tòcò ńò nu. 43Barasă Cò d́ò lōwa tòcò, “Jò gò̄ bò̄ib́è Kib́ĭcè Ahtĭage aVanzĕlo d́ŏ u kî d́ŏ alewe tòcò nu nu. Manè̄, jè b́è thodŏlegè dè ajo anikhĭ khĭ acè̆ nu.”

44Kî Cò d́òŭd́ò̆sa tèpwè dè d́ŏ htĭge tòcò aSinagŏgā abu nu.

Okuqokiwe okwamanje:

Lŭka 4: GRNT21

Qhakambisa

Dlulisela

Kopisha

Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume

Funda kabanzi mayelana ne Geba Roman New Testament

Amavesi eBhayibheli adumile avela kokuthi
Lŭka 4

Ividiyo ye- Lŭka 4

NgokukaLuka 4:1-44

Lumo Project

Lŭka 4

Amavesi eBhayibheli adumile avela kokuthi
Lŭka 4

Ividiyo ye- Lŭka 4

NgokukaLuka 4:1-44

IBhayibheli:

Karen, Geba

Inguqulo: Geba Roman New Testament - GRNT21

Lŭka 4

Lŭka 4

Amavesi eBhayibheli adumile avela kokuthi Lŭka 4

Ividiyo ye- Lŭka 4

NgokukaLuka 4:1-44

IBhayibheli:

Karen, Geba

Inguqulo: Geba Roman New Testament - GRNT21

Lŭka 4

Amavesi eBhayibheli adumile avela kokuthi
Lŭka 4