Lŭka 2

Jezŭ Adèòla

(Mattĕo 1.18-25)

1Hlĕ Caĕsarè Òkŭsto ilagè dèhmèla htè bija lākhopho thèd́è̆b́è kèb́è d́ôcab́è nu. 2Dè d́ôca bija aŭsu tapla jo ḿî hlĕ Cirĭno ŭi Sĭriage akhî nu. 3Bija lŏcăcè legè d́ŏ au cab́ô̆htè ze gē le sela zi mi nu.

4Zŏzè ḿîgè Dăvid akhwĭ acè̆, cò ò d́ŏ Nazarè̆th u, Galilĕage nu, ze le d́ŏ Judĕage, Dăvid au, htè aḿî Bèthlèhèm u nu, 5Cab́ô̆htè ze gē le selabò̄ zi mi ploplo kî zè hmè̆ Marĭa htè ab́èisani cè dèbwè nu. B́ĕnu akhî Marĭa muthèd́ŏgè. 6B́ĕ cò ò b́ĕnu akhè̆ nu, akhîb́ègè zi nikhĭ cab́ô̆htè zo gō phoscilaib́è zo pho nu. 7Zo phoscilai zo phokhŏ adobwe dèbwè, cò b́ò̆b́iigè lōwa tîkî̆jā kî cè b́è̆sòḿĭlăgè lōwa d́ŏ bosèklò bu nu, manè̄ kò̄ d́òdo dō, d́ŏ tî̆tèmè̆ ahibu nu, zi nikhĭ ale tò ò be ńò.

Atcai thŏ kî Mò̄khobwèzo tòcò

8B́ĕ ale ab́ôhtîb́ôwa b́ĕnu, lumunèkhè̆ atcai athŏ ògè tòcò. 9Tcabò̄! B́ĭcè Amò̄khobwèzo la sò̆htoògè b́ĕ cè tòcò ahlò̆mò̄, kî Kib́ĭcè adòathe wekhwè̆b́agè cè tòcò acè̆, zi scisăthabosôgè. 10Mò̄khobwèzo d́ògè cè tòcò, “Scisăbò̄ ḿè, je le d́ò̆sa thĭ Vanzĕlō htè aḿî Lākhopho lŏcăcè anikhĭ nu. 11Khŏdini jo, Amèhlô̆htagedè dèbwè Krĭstu B́ĭcè òla htŏ thĭ nikhĭ d́ŏ Dăvid au bu nu. 12Kî dè ajo gî̄ ḿîkò̆ thĭ nikhĭ dèhmăi; thĭ gā tcahtîkò̆ abĭsèpho aòb́ò̆b́i i kî tîkî̆jā kî sòḿĭlă d́ŏ bosèklò bu dèbwè nu.”

13Kîd́ò̆ taplakhă lò Mò̄kho Abwèzo aboahò tòcò thăbô̄ htăigè Kib́ĭcè kî d́ògè;

14“Dèdòdèthe keb́èd́ò̆bò̄è Kib́ĭcè d́ŏ ahtajîgudŭ nu,

kî d́ŏ Lākho jo dècodèmò kè̄ b́è d́ò̆è bija athowîthamò tòcò nu.”

15B́ĕ Mò̄khobwèzo tòcò gehta hwă Mò̄kho lò, atcai thŏ tòcò d́òhlè lōwa, “Ge le hwă d́ŏ Bèthlèhèm U kî tca dèphî̆hta ajo acab́ô̆ Kib́ĭcè i thîhè̆gè kè nu.”

16Mègōnu d́ō, ze le plaplăgè kî tcahtîb́ègè Marĭa kî Zŏzè kî Abĭsèpho sòḿĭlăògè d́ŏ bosèklò bu nu. 17B́ĕ Atcai thŏ tòcò tcahtî Abĭsèpho d́ō, cò d́ò̆sahlègè bija tòcò htè Mò̄khobwèzo d́ò̆sagè Abĭsèpho dèbwè awîakè̆ nu. 18Gajă bija athîhè̆b́è dè awîakè̆ htè atcai thŏ tòcò d́òb́î̆sagè nu d́ō, zè htèdômô̄dahmă lōgè. 19Ḿî Marĭa nu zò dònigè dè awîakè̆ ajo lŏcăcè kî òigè d́ŏ ca thaobu nu. 20Bija atcai thŏ tòcò geb́agegè alekă kî htăhtaigè Kib́ĭcè d́ŏ dèlŏcăcè htè cè tòcò thîhè̆b́è kî tcahtîb́ègè nu.

Dèlathô̆ Jezŭ

21Cò òla b́a hwă athè̆ lwīthô, dèhô̆rîkî̆ abĭsèpho aphekhĭ akhî nu, htăgè Zi mi Jezŭ, acab́ô̆ Mò̄khobwèzo ilani Cè hlĕ Cò tò ò Zo mo aphŭbu hnî̆ńò nu.

Dèhluhta Jezŭ d́ŏ Zarādo bu

22Kîd́ò̆ b́ĕ dèmètcă anib́è tapla nu, acab́ô̆ Mŏzè adèhmèla ò adĕ nu, cè tòcò htaigè Jezŭ d́ŏ Jerŭsalèm u cab́ô̆htè zu gū hluhtaibò̄ lōwa d́ŏ B́ĭcè ò nu. 23Acab́ô̆ ahwela ò d́ŏ B́ĭcè Adèhmèla abu, “Abĭsèpho amikhŏ adobwe gŏ abwè kè b́èjokò̆ atcahtĭ d́ŏ Kib́ĭcè ahlò̆mò̄ nu.” 24Kî ki ilab́è dèhlu acab́ô̆ Kib́ĭcè adèhmèla abu ad́ò, “Thokŏdru ami dôthô, ḿî̆dîmî ńò ad́ŏ gīb́è nu.”

25Kî tcabò̄, b́ĕnu d́ŏ Jerŭsalèm u bu bija ami ḿî Simeŏnè ògè dèbwè. Zî ḿî bija adî̄ahma kî aòi dèthub́uthèb́è̆ dèbwè, zò sòmò̆dôigè Israè̆lpho adèmèmòhtage kî Spirito Tcahtĭ ògè zo kho. 26B́ĕnu Spirito Tcahtĭ mèhlî̆htanigè cè htè dukhlŭkî za tcahtî hwă B́ĭcè aKrĭstu dèbwè hnî̆ńò nu, za da tcahtîb́è dèthĭ ńò nu. 27D́ŏ Spirito Tcahtĭ adèthodŏ abu, ze lenīgè d́ŏ Zarādo abu nu. B́ĕ mo pa tòcò lei abĭsèpho Jezŭ cab́ô̆htè zo gô̄ lôkômèkôbò̄ anuad́ò̆ adèhmèla akă nu. 28Za zāgloi hwă lōwa d́ŏ cu cud́ò̆bu kî htăhtai hwă Kib́ĭcè d́ō cò d́ò;

29“Ŏ B́ĭcè, khŏnujo hna hèhta d́ò̆è nò zôpho d́ŏ lākho d́ŏ dèmòdèma abu acab́ô̆ nè dèjî̄b́è ògè adĕ nu.

30Manè̄, ja tcahtî htŏ Nè dèhlô̆htage htŏ,

31htè Na pradòlògè d́ŏ bija lŏcăcè amūkă ahlò̆mò̄ dèdè̆ nu,

32bwèthŭkupho tòcò anikhĭ dèd́è̆lî̄hta adèhlî̆,

kî Ni bija Israè̆lpho tòcò adòathe nu.”

33Zo mo kî Ca pa htèdômô̄dahmăgè d́ŏ dèd́òdòlò Zî wî Cè kè̆ tòcò nu. 34Simeŏnè hôwîgè cè tòcò, kî d́ògè zo mo Marĭa gōjo, “Tcabò̄, abĭsèpho ajo dèbwè ḿî d́ŏ Israè̆lpho tòcò aklè̆ bija òè̆bwè anikhĭ dèlakhu kî dè wè̄htoge, dèhtathakă ahô̆agèlè, 35ḿî d́ŏ na tha nu kèb́è phlŏphlò̆ikò̆ d́asĕ kî bija òè̆bwè adègomo gî̄ hlî̄htaphlò̆htakò̆.”

36-37Hlĕnu prò̆fètmo Ana htè aḿî Asè̆ akhwĭ, Phănuèl aphohmu ògè dèbwè. Co thobwethabwesôgè. Cò òkô hwă za wa akă thăthô ted́e za wa thĭgè d́ō, cò ò dò̆ dèbwè lò acab́ô̆ ahmugèmè nu htô̆ ce d́eb́agè ascĭlwīthô kî lwīd́e nu. Zè dè hèhtagè Zarādo akhlŏ tapla U ńò, ḿî d́u dèadèò̆ kî thub́uthèb́è̆ thè̆musè̆munè lò. 38Anu dini, b́ĕ zè hèhta Zarādo bu, ca tcahtib́ègè Abĭsèpho Jezŭ d́ō, za htăhtaigè B́ĭcè, cò d́ò̆sagè abĭsèpho awîakè̆ d́ŏ gajă bija asòmò̆dôi Jerŭsalèm u adèhlô̆htage tòcò nu.

Dègeb́a d́ŏ Nazarè̆th U

39B́ĕ Zŏzè kî Marĭa mèkô pĕhtazòhta hwă Kib́ĭcè adèhtulahmèla akă, ze gelagè d́ŏ Galilĕage, cu u Nazarè̆th nu. 40Abĭsèpho dohta kî khoă òhta. Cò ò pĕhtakîgè kî dèthîhè̆ kî Kib́ĭcè adèwîdèmò lab́ègè Zo kho.

Abĭsèpho Jezŭ d́ŏ Zarādo bu

41Jezŭ amo kî apa tòcò hta d́ŏ Jerŭsalèm u Păskwa Pwè̆ anikhĭ gŏ ad́e lò. 42Kîd́ò̆ b́ĕ ca b́a scigīd́e nu cè tòcò htagè Jerŭsalèm u anuad́ò̆ Pwè̆ anikhĭ. 43Zè mè pĕhta hwă dèthub́uthèb́è̆ d́ō ze gegè akhî nu, Abĭsèpho Jezŭ òdagè d́ŏ Jerŭsalèm u bu nu, kî zo mo ca pa tòcò di thîhè̆ tèpwè ńò. 44Zo gomo ḿî ze gekô tèpwè bija aboahò tòcò akă. Htô̆do dini lumula khaĺè za wāhlèkò̆ lōwa d́ŏ akhwĭakhò̆ kî akhò̆akhè tòcò aklè̆ nu. 45Za da pahtî lōwa ńò akhoacè̆, ze geb́a wāhlèkò̆ lōwa d́ŏ Jerŭsalèm u bu nu. 46Thŏni phlòtôlô hwă ca pahtîge lōwa d́ŏ Zarādo bu nu, Za sanălăò d́ŏ Sarado tòcò athaklăḿè̆bŭ, zò sòkhĕńe lōwa kî htôtcad́è̆tca lōwa tòcò. 47Gajă bija asòkhĕńe Zè dèjî̄b́èdòdò tòcò htèdômô̄dahmă azî̄azô̄ d́ŏ zè dèthîhè̆ kî Zè dèd́òscĭge tòcò akhoacè̆ nu. 48B́ĕ Zo mo Ca pa tcahtî Cè nu Zè htèdômô̄dahmă zî̄gè. Zo mo d́ògè Cè, “Aphokhŏ, Nè mè ma wa gōjo nè? Tcabò̄, d́ŏ dèothootha abu Na pa kî jè wāhlègè Nè.”

49Kî cò d́ògè lōwa tòcò, “Thĭ wāhlè Jè ḿî d́ò̆ cadè̄? Jè gè̄ mèb́è Ja Pa adèmè nu thĭ di thîhè̆gè ńò ā?” 50Dèjî̄b́è cò d́òscĭ lōwa ajo tòcò nu cè tòcò di thîhè̆ tèpwè ńò.

51Ze gelakôgè Zo mo Ca pa akă d́ŏ Nazarè̆th u nu kî sòkhĕńelēthèhô̆ tèpwè lōwa tòcò kî Zo mo nu òi huzògè atha bu dè ajo tòcò nu. 52Jezŭ dohtakîgè d́ŏ dèzadèbla, ad́eahlè̆, kî nib́ègè amūkă d́ŏ Kib́ĭcè kî bija ahlò̆mò̄ nu.

Okuqokiwe okwamanje:

Lŭka 2: GRNT21

Qhakambisa

Dlulisela

Kopisha

Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume

Funda kabanzi mayelana ne Geba Roman New Testament

Amavesi eBhayibheli adumile avela kokuthi
Lŭka 2

Ividiyo ye- Lŭka 2

NgokukaLuka 1:57-2:40

Lumo Project

NgokukaJohane 2:23-3:36

Lumo Project

NgokukaLuka 2:41-3:38

Lumo Project

Lŭka 2

Amavesi eBhayibheli adumile avela kokuthi
Lŭka 2

Ividiyo ye- Lŭka 2

NgokukaLuka 1:57-2:40

NgokukaJohane 2:23-3:36

NgokukaLuka 2:41-3:38

IBhayibheli:

Karen, Geba

Inguqulo: Geba Roman New Testament - GRNT21

Lŭka 2

Lŭka 2

Amavesi eBhayibheli adumile avela kokuthi Lŭka 2

Ividiyo ye- Lŭka 2

NgokukaLuka 1:57-2:40

NgokukaJohane 2:23-3:36

NgokukaLuka 2:41-3:38

IBhayibheli:

Karen, Geba

Inguqulo: Geba Roman New Testament - GRNT21

Lŭka 2

Amavesi eBhayibheli adumile avela kokuthi
Lŭka 2