মথি 6
6
আহ্লু পিইফুচাগু সুয়েংসাং পিইখ্রাং
1“সিঃধি রেঃকে, লুঃউগো প্রাফু কিজু কংমুঃ-কুকসো মুলুককেকি; য়াংপুয়েং লুককিরা নাংরোমা গংখাং ফাখাংবাগা তুখুউলি ছুউক মাঃরা মুহুক।”
2“য়জংকিজু যাখা নাং ছারিসাঃরোগু তুখুকমাসা পিইরি য়াংখা ক্রং সুউদরোঞ্যং মাপ্যাংগি। য়াংসুউরোগা লুঃউরোগা খিম্যুয়েং রাঃফু কিজু তাঃরা চেঃরেমা অর লেংদৈং লৈংদৈং দুং-ভুং খেঃরো আহ্লুউ পিইরি। ঙা নাংরোগু আম্হেং প্ররি, য়াংসুউরো কুঃ ছুউকচা রাঃব্রিব্যা।” 3ছুগি নাং যাখা ছাংরিসারোগু তুখুকমাসা পিইরি য়াংখা নাকমা ঞাফাক যা লুকতিলি, য়াংচা নাকমা বিঃফাককো মিসিকজিইগি। 4যাফুলিছুগি নাংরো লুঃউ মিসিকরাঅং হ্লুউগে। য়হ্লকপ্রিঃমা নাক গংখাং ফাখাংচা, যাসুউ আলুংচা ম্রাংরি, য়াংসুউরো নাককো ছুউক পিইমি।
ছুউক তংচাগু সুয়েংসাং পিইচা
(লূক ১১:২-৪)
5“নাংরো যাখা ছুউক তংরি, য়াংখা ক্রং সুউদরোঞ্যং মাপ্যাংগেকি। আক্রংগা য়াংসুউরো লুঃউরোগু প্রাফু কিজু তাঃরা চেঃরেমা অর লেংমা-ক্রংমা রেঃরো ছুউক তংফুচা সায়ারি। ঙা নাংরোগু আম্হেং প্ররি, য়াংসুউরোচা কুঃ ছুউককো রাঃব্রিব্যা।” 6ছুগি নাং যাখা ছুউক তংরি য়াংখা ইং দুওয়ংদুঃ ওয়ংরো লেংখুওয়া পুয়িই অর নাক গংখাং ফাখাং, যাসুউগু মাম্রাংগিলি বামা হিকরি, য়াংসুউবামা ছুউক তং। নাক ফাখাং, যাসুউ আলুংচা ম্রাংরি, য়াংসুউরা নাককো ছুউক পিইফু।
7“নাংরো যাখা ছুউক তংরি য়াংখা যিহূদী লুঃউ ম্যুও মুহুকঞ্যং আপ্রেইং আপ্রেইং সারামিহিক চাঃগাগু মপ্রগেলিইগি। যিহূদীমুহুক লুঃউ চিইমা তুওয়কতিগা, আম্যা চাঃগা প্রগি থাওরা ফোরাচা য়াংসুউরো ছুউককো নাঃথংমি।” 8য়াংসুউরোঞ্যং মুলুককেকি, আক্রংগা নাংরো ফাখাংবামা তংফু হ্রিইগা, নাংরো ফাখাংচা সিকরি নাংরোমা যা লুঃরিলি। 9য়াংচা কিজু নাংরো দিঃ পুয়েং ছুউক তংগি:
অ-ঙুরো গংখাং ফুংমা ফাখাং,
কুঃবাং নাঃমিচা সেংস্যাংসছুরো লাক খেংবাজিই।
10কুঃবাং নেংঙাইংদচা আচু রাঃবাজি।
কুঃবাং ছেংদাচা যাপুয়েং গংখাং ফুংমা
য়াংপুয়েং লঃগামালি ছেংদা প্রিজুংবাজি।
11যা আঃচা ঙুরোমা লুঃরিলি
য়াংচা গিনি ঙারোগু পিইবা।
12যাসুউরো ঙারোগু আঞ্যচি প্যাংগেতি,
ঙারো যাপুয়েং য়াংসুউরোগু খুওয়ং রুওয়েতি
য়াংপুয়েং কুঃবাংলি ঙারোমা হিকচা আপ্রইকো খুওয়ং রুওয়েপা।
13ঙারোগু কুঃবাং চেংজাখ্রাংমা মাখ্যাবাগি,
প্রফুছুগি রেংসুউ আলাককা ঙারোগু কুয়িরো থাঃরা।
14নাংরোরা অর লুঃউরো আপ্রইকো খুওয়ং রুওয়েকি, য়াংখারা নাংরোমা গংখাং ফুংমা ফাখাংচা নাংরোগুলি খুওয়ং রুওয়েফু। 15ছুগি নাংরোরা অর লুঃউগু খুওয়ং মুরুওয়েছুগি, য়াংখা নাংরো ফাখাংলি নাংরোগু খুওয়ং মুরুওয়েমুহুক।
সাদাং রাককো য়ুউরো সুয়েংসাং পিইচা
16“নাংরো যাখা সাদাং সুংগেতি, য়াংখা ক্রং সুউদুরোঞ্যং ম্যাকহা মঃমঃ প্যাংরো মিনিংগি। য়াংসুউরো সাদাংসুংচাগা লুঃউগু প্রাফু কিজু আগংনা খুনাংমা প্রাঃ লুউরো লিঃগেতি। ঙা নাংরোগু আম্হেং প্ররি, য়াংসুউরোচা কুঃ ছুউককো রাঃব্রিইব্যা।” 17ছুগি নাং যাখা সাদাং সুংরি য়াংখা গংনা খুনাংমা ছিই থিঃলি, 18যাফুলিছুগি লুঃউরো মিসিক রাঅং, নাং সাদাং সুংচাগু। য়জংছুগি নাক ফাখাংচা, যাসুউগু মাম্রাংরাগিলি বামা হিকরি, য়াংসুউরা ম্রাংরিব্যা। নাক ফাখাং, যাসুউ আলুংচা আথাককা ম্রাংরি, য়াংসুউরা নাককো ছুউক পিইফু।
লঃগামা আম্যা অলুহিকগু সুয়েংসাং পিইচা
(লূক ১২:২২-৩৪; ১৬:১৩)
19“দিঃ লঃগামা নাংরো কোঃ কিজু উচ্চা-পৈচি মায়াংগেকি। লঃগামা য়াংচারো ছুইরো লাঃরি অর পোঃথুরো ফ্যাকতি অর সুখুও বুঃউগু ফ্যাকরো খুও য়ুউলাঃরি।” 20ছুগি গংখাং ফুংমা মুঃছুই, পোঃলি মাফ্যাক অর সুওখুলি বুঃউগু ফ্যাকরো মুখুও। য়জংকিজু গংখাং ফুংমা কুঃ কিজু উচ্চা-পৈচি য়াংগে, 21আক্রংগা নাক উচ্চা-পৈচি যাদেমা হিকফু, নাক চিদানাচা য়াংদে হিকফু।
22“ম্যাকচিচা কাইংথা ছিইমিং। য়াংচা কিজু নাকমা ম্যাকচিরা আকং ছুগি, নাকমা আলুং কেইংথাচা আলাংনা প্রিজুংফু।” 23য়জং ছোগেলেঃ নাংরো ম্যাচিই চা মকংছোগে নাক কাইংথা কুঃলোং মঃমৈ ফ্রৈলিইমি। নাকমা থুঃউ আলাং মঃমৈ ফ্রইতিছুগি য়াং মঃমৈচা আরুওয়াইং মঃমৈ ফ্রইতি।
24“ইংস্যাং নৈয়ককো তয়কচা মুপ্রুকজুনৈং আক্রংগা য়াংসুউ তয়ককো মুংরাফু অর তয়ককো খ্যরাফু। য়াংসুউচা তয়ককোরা য়ুউলো চিই খ্যাফুব্যা অর তয়ককো মিক্রিনৈং প্যাংফু। থাওরা ফোরানা উচ্চা-পৈচিই দিঃ নৈখুগো তিখিংমা মুপ্রুকজুনৈং।”
25“থুঃউ আক্রং ঙা নাংরোগো প্ররি, ‘যা চাঃলো হ্রাং নিংফুলিঃ য়াং আক্রংগো য়ুউলো মুহুককিলি কেইংথামা যা ওয়েফুলি য়াংচাগো য়ুউলো মেচেইংযাগেকি। আসাক হিকগি চাঃফু-সকফুব্যা সাসাক মুহুক অর সেইংথাচা আওয়ে-অাঃচা ওয়েফুব্যা সাসাক মুহুক।”
26“গংখাংমা ঙ্রাকরোগো ক্রিগে; ঙ্রাকরো আচিই মুপ্যুও, আসিই মুরুয়িই, কেইংমালি য়াংলো মাঃথা, য়িগিলি নাংরোমা গংখাং ফুংমা ফাখাংচা য়াংসুউরোগো আঃচা পিই থাঃরি। নাংরো ঙ্রাকরো থাক অরআম্যা আঃফু হিকরি মুহুক লঃ?” 27নাংরোমা খ্যাংসুউমুছুও তয়ক চেংজা প্রুকলো কুঃ আসাককো তানাড়ি আম্যা প্যাংনৈং ফুলঃ?
28“আওয়ে-আঃচা আতুওয়ক যাফু চেংজালিঃ? ক্যুউক প্রাংমা পেংবাংরোগু ক্রি য়াংচারো যাপুয়েং প্যাংলো ক্রিই তাকতিলিঃ। য়াংসুউরো ক্রুজালি মুক্রুজা, খ্রিলিঃ মাফ্রে। 29য়িগিলি ঙা নাংরোগু প্রচাগা, শলোমন মাং কংগং আখেইংসামা নিংহারোলি দিঃচারো তুখুকগোরি কুঃ চিই সায়াঞ্যং মাপ্যাংনৈংলিই। 30প্রাংরোমা গিনিক যা ম্রাকরো হিকরি, হ্নাকফ্রেং য়াংচারোগো মিং থিফুব্যা, ছুগি থাওরা ফোরাচা যাখা দিঃচারোগো দিঃপুয়েং প্যাংরিলি য়াংখা অ..চিইমা আনইং ক্যুংসারো, ফোরাচা নাংরোগো আমেইং তুখুক প্যাংজারা হিকরি য়াংচাগো মিসিকগেলঃ। 31য়াং আতুওয়ক যা চাঃফুলিঃ অর যা ওয়েফুলিঃ য়াংচাগো য়ুউলো মেচেংজাগেকি। যিহুদী মুহুক লুঃউরোরা য়াংচাগো য়ুউলো চেংজারি; 32য়িগিলি নাংরোমা গংখাং ফুংমা ফাখাংচাগা সিকরি, য়াংচারোচা নাংরোমা আলু হিকরি। 33ছুগি নাংরোচা পাথামা ফাখাং নেইংঙেংদগো য়ুউলো চেংজাগে অর ফাখাং ছেংদা আলৈই নিংফুগো ক্রিগে। য়াহ্লকমিগি য়াংচারোচা নাংরোলি রাঃমি। ন্হাকফ্রেং যা ফ্রইফুলিঃ য়াংচাগো য়ুউলো মেচেংজাগেকি; 34হ্নাকফ্রেং চেংজাচাগো হ্নাকফ্রেং লুউক। গিনি দুঃখাওয়াচা গিনি আতেংব্যা।
Okuqokiwe okwamanje:
মথি 6: BBSRMZ
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
