ꓟ˗ꓗꓴ ꓟꓮꓴ ꓢꓮꓴ 5
5
ꓠꓔ ꓙꓴꓟ ꓡꓰ ꓘꓔ ꓑꓬꓟ ꓰ
1ꓮ ꓘꓪꓲ ꓧꓮꓴ ꓠꓳꓥ ꓧꓰ ꓒꓳ ꓟ ꓖꓰ˗ꓣ˗ꓢꓰ ꓐꓥ ꓟꓶꓥ ꓒꓬꓥ ꓬꓥ ꓟꓳ ꓙꓰ ꓗꓳ ꓰ꓿ 2ꓬꓥ ꓖꓶ ꓡꓮꓲꓸꓽ ꓟꓮꓲ ꓕꓳ ꓡꓳ ꓰ ꓘꓴꓠ ꓙꓥ꓾ ꓮ ꓚꓳꓲ ꓮ ꓬꓴꓥ ꓠꓔ ꓓꓑ ꓰ ꓐꓬꓴ ꓣ ꓬꓴ ꓡꓴꓑ ꓓꓴꓥ ꓟꓮꓲ ꓕꓳ ꓡꓳ ꓡꓪꓲ꓾ ꓬꓥ ꓡꓰ ꓔꓰ ꓬꓴ ꓰ꓿ 3ꓧꓮꓴ ꓬꓴ ꓰ ꓠꓲ ꓙꓥ ꓖꓶ ꓡꓴꓑ ꓑꓰ ꓟ ꓥꓴꓔ ꓡꓪꓲ ꓰ꓾ ꓳ ꓥꓴꓔ ꓗꓳ ꓡꓥ꓾ ꓬꓥ ꓡꓰ ꓫꓟ ꓔꓳ ꓔꓪꓲꓸꓽ ꓰ ꓡꓥ꓾ ꓮ ꓪꓳ ꓔꓪꓲꓸꓽ ꓔꓳꓺ꓾ 4ꓘ ꓢꓴ ꓟꓴ ꓖ ꓡꓰ ꓘꓲ ꓗꓴꓟ ꓰ ꓫꓟ ꓔꓳ ꓔꓪꓲ ꓰ꓾ ꓟꓬꓳ ꓟꓬꓳ ꓡꓲꓥ ꓬꓥ ꓡꓰ ꓔꓪꓲ ꓔꓳ ꓗꓳ ꓡꓥ꓾ ꓫꓟ ꓔꓳ ꓔꓪꓲ ꓡꓰ ꓡꓥ ꓒꓲꓔ ꓑꓬꓟ ꓡꓪꓲ꓾ ꓘꓲ ꓗꓴꓟ ꓡꓰ ꓡꓳ ꓘꓬꓳꓑ ꓡꓳ ꓠꓬꓥ ꓑꓬꓟ ꓡꓪꓲ ꓰ꓾ ꓳ ꓥꓴꓔ ꓗꓳ ꓡꓥ ꓬꓥ ꓡꓰ ꓟꓰ ꓬꓴ ꓣ ꓪꓴꓟ ꓮ ꓐꓳ ꓗꓳ꓿ 5ꓠꓲ ꓪꓲ ꓟꓲꓠ ꓪꓲ ꓘ ꓠꓟ ꓡꓰ ꓧꓮꓴ ꓡꓴꓑ ꓑꓰ ꓐꓴꓟ ꓑꓰ ꓘ ꓠꓲ ꓪꓴꓠ ꓡꓪꓲ꓾ ꓑꓴꓗ ꓲ ꓚꓥ ꓬꓥ ꓖꓴꓥ ꓓꓴ ꓡꓰ ꓡꓴ ꓖꓳꓗ ꓰ ꓜꓠ ꓛꓰ ꓠꓲ ꓣ꓿ 6ꓬꓰ˗ꓢꓴ ꓡꓰ ꓪꓰ ꓪꓰ ꓟꓮꓲ ꓐꓬꓴ ꓟꓬꓥ ꓙꓥ꓾ ꓬꓥ ꓓꓲꓠ ꓰ ꓡꓪꓲ ꓬꓥ ꓡꓰ ꓑꓮꓲ ꓡꓰ ꓰ꓾ ꓟꓬꓥ ꓓꓲꓗ ꓰ ꓗ˗ꓣꓮꓲ ꓗ˗ꓢꓥ ꓬꓥ ꓜꓳ ꓬꓰ˗ꓢꓴ ꓰ꓾ ꓥꓳ ꓠꓥ ꓰ ꓧꓮꓲ ꓓꓴ ꓡꓰ ꓕ꓾ 7ꓠꓥ ꓥꓳ ꓡꓰ ꓮ ꓜꓶꓥ ꓣꓲ ꓫꓥ ꓖ꓾ ꓗ˗ꓣꓮꓲ ꓗ˗ꓢꓥ ꓚꓥ ꓥꓳ ꓠꓥ ꓡꓰ ꓓꓴꓥ ꓔꓳ ꓡꓰ꓾ ꓖ ꓡꓪꓲ꓾ ꓕꓰ ꓟꓳ ꓰ ꓑꓴꓗ ꓰ꓿ 8ꓘ ꓢꓴ ꓟꓴ ꓖ ꓡꓰ ꓬꓥ ꓖꓶ꓾ ꓮ ꓚꓳꓲ ꓮ ꓬꓴꓥ ꓠꓔ ꓠꓥ ꓰ꓾ ꓧꓮꓴ ꓬꓴ ꓚꓥ ꓟꓮꓲ ꓕꓳ ꓡꓳ ꓮ꓾ ꓥꓴ ꓡꓪꓲ꓾ ꓬꓥ ꓡꓰ ꓔꓮꓲ ꓔꓳ ꓑꓳꓲ ꓐꓰ꓿ 9ꓬꓰ˗ꓢꓴ ꓖꓶ꓾ ꓠꓥ ꓰ ꓟꓲꓥ ꓧꓮꓲ ꓥꓴꓔ ꓡꓰ ꓕ꓾ ꓖ ꓡꓪꓲ꓾ ꓬꓥ ꓡꓰ ꓟꓲ ꓙꓥ꓾ ꓬꓥ ꓖꓶ꓾ ꓥ ꓟꓳ ꓟꓬꓳ ꓟꓬꓳ ꓥꓴꓔ ꓡꓰ ꓟꓴ꓾ ꓥ ꓰ ꓟꓲꓥ ꓡꓰ˗ꓖꓴ ꓥꓴꓔ ꓡꓰ꓾ ꓖ ꓡꓪꓲ꓾ ꓬꓥ ꓡꓰ ꓔꓴ ꓰ꓿ 10ꓧꓮꓴ ꓕꓳ ꓟ ꓧꓮꓴ ꓟꓶꓥ ꓟꓮꓲ ꓬꓥ ꓟꓳ ꓡꓰ ꓮ ꓘꓔ ꓑꓬꓟ ꓫꓥ ꓖ꓾ ꓬꓥ ꓬꓰ˗ꓢꓴ ꓡꓰ ꓖꓬꓮꓲ ꓚꓴ ꓓꓴꓥ ꓰ꓿ 11ꓮ ꓘꓪꓲ ꓧꓮꓴ ꓐꓴꓟ ꓘꓲ ꓑꓰ ꓟ ꓪꓼ ꓙꓴꓟ ꓟꓳ ꓐꓴꓔ ꓜꓳ ꓠꓲ ꓮ ꓗꓳ꓿ 12ꓧꓮꓴ ꓟꓴ ꓡꓪꓲ ꓠꓔ ꓑꓰ ꓖꓶ꓾ ꓥ ꓟꓳ ꓧꓮꓴ ꓪꓼ ꓑꓰ ꓚꓥ ꓪꓳ ꓪꓥ ꓫꓥ ꓖ ꓠꓥ ꓗꓔ ꓗꓳ ꓡ꓾ ꓖ ꓡꓪꓲ꓾ ꓬꓥ ꓡꓰ ꓓꓴꓥ ꓗꓳ ꓰ꓿ 13ꓧꓮꓴ ꓘꓴꓠ ꓬꓥ ꓬꓥ ꓟꓳ ꓡꓰ ꓮ ꓘꓥ ꓐꓲ ꓗꓔ ꓰ꓾ ꓮ ꓚꓳꓲ ꓮ ꓬꓴꓥ ꓠꓔ ꓑꓰ ꓗꓴꓟ ꓖꓶ ꓕꓳ ꓡꓳ ꓡꓪꓲ꓾ ꓪꓼ ꓑꓰ ꓚꓥ ꓪꓥ ꓰ ꓥꓴꓔ ꓟꓴ꓾ ꓪ ꓙꓴꓟ ꓖꓶ ꓧꓮꓴ ꓖꓟ ꓗꓴꓟ ꓟꓮꓲ ꓠꓳꓥ ꓫꓴꓔ ꓓꓲꓠ ꓪꓥ ꓡꓪꓲ꓾ ꓠꓳꓥ ꓟ ꓟꓬꓳ ꓫꓲ ꓐꓬꓴ ꓗꓳ ꓰ꓿ ꓧꓮꓴ ꓪꓼ ꓑꓰ ꓖꓶ ꓲ ꓔꓴꓥ ꓗꓳ ꓥꓴꓔ ꓮ ꓗꓳ꓿ 14ꓪ ꓜꓴꓥ ꓐꓥ ꓗꓴꓟ ꓖꓶ꓾ ꓒꓥ ꓡꓳ ꓡꓪꓲ꓾ ꓧꓮꓴ ꓪꓺ ꓰ ꓟꓮꓴ ꓘꓺ ꓧꓮꓴ ꓘꓬꓳ ꓔꓮꓲ ꓗꓬꓳ ꓗꓳ ꓰ꓾ ꓧꓮꓴ ꓘꓴꓠ ꓧꓮꓴ ꓢꓴ ꓓꓴꓔ ꓡꓳ ꓰ ꓘꓬꓳ ꓡꓰ ꓪꓴ ꓪꓴ ꓣ꓾ ꓬꓥ ꓟꓳ ꓕꓳꓸ ꓰ ꓡꓳ ꓗꓳ ꓰ꓿ 15ꓬꓥ ꓟꓳ ꓬꓰ˗ꓢꓴ ꓚꓥ ꓙꓰ ꓡꓰ꓾ ꓡꓰ˗ꓖꓴ ꓡꓳꓟ ꓰ꓾ ꓠꓔ ꓓꓑ ꓰ ꓢꓴ ꓖꓶ꓾ ꓟꓰ ꓐꓴ ꓪꓴꓔ ꓡꓪꓲ꓾ ꓧꓶ ꓒꓬꓥ ꓟ ꓰ ꓲ ꓟꓲꓔ ꓐꓴꓠ ꓖꓲꓥ ꓡꓪꓲ ꓜꓴꓥ ꓔꓳ ꓰ ꓡꓰ꓾ ꓬꓥ ꓟꓳ ꓟꓬꓥ ꓗꓳ ꓰ ꓥꓴꓔ ꓟꓴ꓾ ꓖꓬꓴ ꓓꓠ ꓐꓬꓴ ꓗꓳ ꓰ꓿ 16ꓧꓮꓴ ꓘꓬꓳ ꓡꓰ ꓟꓬꓥ ꓰ ꓐꓥ ꓡꓰ꓾ ꓧꓮꓴ ꓠꓔ ꓓꓑ ꓰ ꓐꓬꓴ ꓰ ꓪꓼ ꓑꓰ ꓘ ꓢꓴ ꓓꓴꓔ ꓡꓳ ꓰ ꓡꓰ꓾ ꓬꓥ ꓟꓳ ꓡꓰ ꓡꓳꓟ ꓔꓮꓲ ꓗꓬꓳ ꓗꓳ ꓰ꓿ 17ꓧꓮꓴ ꓟꓴ ꓡꓪꓲ꓾ ꓬꓥ ꓟꓳ ꓰ ꓟꓮꓴ ꓘꓬꓳ ꓟꓮꓲ ꓕꓳ ꓡꓳ ꓣ ꓘꓬꓳ ꓡꓰ꓾ ꓬꓥ ꓡꓰ ꓛꓳꓟ ꓚꓴ ꓓꓴꓥ ꓗꓳ ꓰ꓿ 18ꓧꓮꓴ ꓡꓮꓲꓸꓽ ꓟ ꓡꓳ ꓪꓥ ꓡꓰ ꓬꓥ ꓰ ꓣ ꓧ ꓠꓲ ꓣ ꓖ꓾ ꓧꓶ ꓒꓬꓥ ꓠꓔ ꓓꓑ ꓢꓴ ꓖꓶ ꓬꓥ ꓡꓰ ꓚꓴ ꓓꓴꓥ ꓰ꓿ 19ꓬꓥ ꓡꓴꓟ ꓮ ꓘꓥ ꓮ ꓐꓲ ꓰ ꓜ꓾ ꓠꓥ ꓬꓴꓟ ꓟ ꓐꓥ ꓰ ꓠꓥ ꓰ ꓐꓲꓠ ꓛꓥ ꓪꓲ ꓚꓥ ꓓꓴꓟ ꓡꓳ ꓡꓪꓲ꓾ ꓧꓮꓴ ꓬꓴꓟ ꓢꓶꓥ ꓠꓥ ꓡꓰ ꓘ ꓟꓬꓳ ꓪ ꓗʼꓣꓴꓟ ꓡꓪꓲ꓾ ꓫꓶʼꓖꓬꓳ ꓰ ꓡꓰ ꓡꓳ ꓔꓮꓲ ꓗꓬꓳ ꓮ꓾ ꓖ ꓡꓪꓲ꓾ ꓬꓥ ꓡꓰ ꓔꓮꓲ ꓗꓔ ꓰ꓿ 20ꓧꓮꓴ ꓬꓠ ꓟꓮꓲ ꓬꓥ ꓕꓳ ꓡꓳ ꓡꓪꓲ꓾ ꓬꓰ˗ꓢꓴ ꓬꓥ ꓡꓰ ꓘ ꓟꓬꓳ ꓪ ꓗʼꓣꓴꓟ ꓐꓰ ꓰ ꓡꓰ꓾ ꓓꓰ˗ꓖ˗ꓑꓳ˗ꓡꓲ ꓟꓮꓴ ꓟ ꓔꓮꓲ ꓗꓬꓳ ꓡꓪꓲ꓾ ꓡꓴꓥ ꓡꓥ ꓐꓥ ꓟꓮꓴ ꓧ ꓐꓴꓟ ꓗꓳ ꓰ꓿
ꓬ˗ꓲ˗ꓣꓴ ꓡꓰ ꓪꓴꓔ ꓬꓴ ꓰ
21ꓮ ꓘꓪꓲ꓾ ꓬꓰ˗ꓢꓴ ꓖꓶ꓾ ꓡꓮꓲꓸꓽ ꓟꓮꓲ ꓧꓰ ꓒꓳ ꓫꓴꓔ ꓓꓴꓟ ꓖꓴ ꓓꓑ ꓡꓳ ꓘꓴꓠ꓾ ꓐꓬꓴ ꓙꓴꓟ ꓟꓳ ꓬꓥ ꓚꓥ ꓡꓰ ꓟꓶꓥ ꓗꓳ ꓰ꓾ ꓬꓥ ꓖꓶ ꓧꓮꓴ ꓠꓳꓥ ꓬꓟ ꓟ ꓠꓲ ꓔꓳ ꓡꓰ꓿ 22ꓧꓮꓴ ꓘꓴꓠ ꓔ ꓣ ꓙꓳꓥ ꓮ ꓖꓲ ꓑꓰ ꓟ꓾ ꓬ˗ꓲ˗ꓣꓴ ꓥꓴ ꓢꓴ ꓐꓬꓴ ꓣ ꓬꓴ ꓙꓰ ꓡꓰ ꓡꓪꓲ꓾ ꓬꓥ ꓡꓰ ꓟꓬꓥ ꓙꓥ ꓬꓥ ꓰ ꓘꓲ ꓪꓥ ꓟ ꓘꓲ ꓒꓴꓔ ꓕꓴ ꓟꓴ꓾ 23ꓥ ꓟꓲ ꓪꓰ ꓜꓳ ꓔꓲ ꓢꓴ ꓫꓲ ꓡꓳ ꓠꓲ ꓮ ꓐꓰ꓾ ꓬꓥ ꓖꓰ ꓡꓳ ꓡꓪꓲ꓾ ꓓꓪꓲ ꓠꓲ ꓫꓥ ꓖ꓾ ꓬꓥ ꓰ ꓮ ꓕꓳ ꓟ ꓡꓳꓼ ꓗꓰ ꓐꓲ ꓣ꓾ ꓡꓰ ꓙꓰ ꓮ꓾ ꓖ ꓡꓪꓲ꓾ ꓬꓥ ꓡꓰ ꓖꓬꓮꓲ ꓖꓬꓮꓲ ꓚꓴ ꓓꓴꓥ ꓰ꓿ 24ꓧꓮꓴ ꓟꓴ ꓡꓪꓲ꓾ ꓬꓥ ꓰ ꓣ ꓧ ꓰ ꓡꓳ ꓰ꓾ ꓐꓬꓴ ꓡʼꓙꓴꓟ ꓟꓳ ꓡꓰ ꓬꓥ ꓚꓥ ꓛꓥ ꓐꓴꓟ ꓡꓪꓲ꓾ ꓬꓥ ꓟꓳ ꓖꓶ ꓬꓥ ꓡꓰ ꓜꓥ ꓫꓳ ꓚꓲꓠ ꓚꓑ ꓗꓳ ꓰ꓿
ꓢꓪꓲ ꓬꓴꓔ ꓬꓴꓔ ꓠꓳ ꓰ ꓟꓲ ꓪꓰ ꓜꓳ ꓡꓰ ꓡꓳ ꓖꓰ ꓐꓲ ꓰ
25ꓣ ꓞꓰ ꓲ ꓜꓠ ꓢꓪꓲ ꓬꓴꓔ ꓬꓴꓔ ꓠꓳ ꓰ ꓟꓲ ꓪꓰ ꓜꓳ ꓣ ꓬꓴ ꓡꓰ ꓡꓳꓟ ꓠꓲ ꓣ꓿ 26ꓬꓥ ꓖꓶ ꓛꓶ ꓢ ꓣ ꓟꓬꓳ ꓟꓬꓳ ꓰ ꓡꓳꓼ ꓟ ꓮ ꓫꓳ ꓮ ꓪꓲ ꓟꓬꓳ ꓟꓬꓳ ꓧꓪꓲ ꓡꓰ ꓰ꓾ ꓬꓥ ꓪꓳ ꓟ ꓪꓳ ꓡꓴꓥ ꓡꓥ ꓡꓰ ꓐꓠ ꓒꓬꓴ ꓬꓟ ꓗꓳ ꓡꓥ ꓣ ꓜꓪꓲ ꓡꓰ ꓮ ꓪꓳ ꓖꓰ꓾ ꓙꓰ ꓙꓰ ꓪꓲ ꓡꓳ ꓰ꓿ 27ꓬꓥ ꓖꓶ ꓬꓰ˗ꓢꓴ ꓰ ꓘꓬꓳ ꓡꓰ ꓪꓳ ꓖꓬꓳ ꓙꓥ ꓧꓮꓴ ꓫꓶʼꓪ ꓒꓴꓥ ꓘꓮꓴ ꓬꓟ ꓕꓥ ꓟ ꓰ ꓙꓰ ꓡꓪꓲ꓾ ꓬꓥ ꓰ ꓟꓰ ꓐꓴ ꓡꓰ ꓢꓳꓑ ꓰ꓿ 28ꓘ ꓢꓴ ꓟꓴ ꓖ ꓡꓰ꓾ ꓬꓥ ꓖꓶ ꓬꓥ ꓰ ꓟꓰ ꓐꓴ ꓡꓰ ꓜ ꓡꓥ ꓥꓳ ꓪꓳ ꓢꓳꓑ ꓡꓰ ꓖꓶ ꓥꓳ ꓖꓰ ꓡꓳ ꓣ꓾ ꓖ ꓰ꓿ 29ꓧꓮꓴ ꓘꓴꓠ ꓙꓥ ꓬꓥ ꓰ ꓢꓪꓲ ꓬꓴꓔ ꓗꓠ ꓐꓬꓴ ꓡꓳ ꓡꓪꓲ꓾ ꓬꓥ ꓰ ꓮꓽ ꓠꓽ ꓖꓰ ꓐꓬꓴ ꓰ ꓡꓰ ꓬꓥ ꓖꓴꓥ ꓢꓰ ꓐꓰ꓿ 30ꓬꓰ˗ꓢꓴ ꓖꓶ ꓬꓥ ꓚꓥ ꓟ ꓰ ꓪꓴꓟ ꓳ ꓕꓳ ꓡꓳ ꓰ ꓡꓰ꓾ ꓬꓥ ꓰ ꓲ ꓟꓲꓔ ꓟ ꓧꓮꓴ ꓘꓴꓠ ꓙꓥ ꓢꓰ ꓰ ꓟꓴ꓾ ꓧꓮꓴ ꓫꓶʼꓪ ꓒꓴꓥ ꓒꓬꓥ ꓡꓲꓥ ꓡꓳ ꓴ ꓚꓥ꓾ ꓥ ꓰ ꓟꓰ ꓐꓴ ꓡꓰ ꓳ ꓢꓳꓑ ꓗꓳ ꓰ ꓕ꓾ ꓖ ꓡꓪꓲ꓾ ꓟꓲ ꓰ꓿ 31ꓧꓮꓴ ꓟꓴ ꓡꓪꓲ꓾ ꓬꓥ ꓰ ꓡ ꓖꓬꓳ ꓑꓰ꓾ ꓫꓶʼꓪ ꓐꓬꓴ ꓑꓰ ꓠꓥ ꓡꓰ ꓚꓲꓠ ꓚꓑ ꓠꓬꓟ ꓫꓳ ꓓꓴꓔ ꓰ ꓡꓰ ꓠꓥ ꓟꓬꓥ ꓔꓳ ꓡꓪꓲ ꓰ꓾ ꓥꓳ ꓡꓰ ꓳ ꓢꓳꓑ ꓮ ꓗꓳ꓾ ꓖ ꓮ ꓫꓲ ꓠꓴꓥ ꓡꓲ꓾ ꓖ ꓡꓪꓲ꓾ ꓬꓥ ꓡꓰ ꓔꓴ ꓗꓳ ꓰ꓿ 32ꓬꓥ ꓬꓴ ꓖꓶ ꓧꓮꓴ ꓮ ꓟꓴ ꓗꓴꓔ ꓰ ꓟꓲ ꓪꓰ ꓜꓳ ꓡꓰ ꓐꓬꓴ ꓪꓴ ꓣ ꓟ ꓔꓴ꓾ ꓡꓲꓥ ꓪꓴ ꓠꓲ ꓰ꓿ 33ꓧꓮꓴ ꓟꓲ ꓪꓰ ꓜꓳ ꓗꓴꓟ ꓖꓶ꓾ ꓬꓥ ꓚꓥ ꓓꓴꓔ ꓡꓳ ꓰ ꓮ ꓟꓴ ꓡꓰ ꓢꓰ ꓟꓴ꓾ ꓖꓬꓴ ꓠꓠ ꓴ ꓚꓥ ꓧꓪꓲ ꓡꓰ ꓡꓪꓲ꓾ ꓬꓥ ꓰ ꓧꓶ ꓟ ꓘꓲ ꓒꓴꓔ ꓕꓴ ꓡꓪꓲ꓾ ꓬꓥ ꓰ ꓘꓬꓳ ꓡꓴꓥ ꓡꓥ ꓔꓰꓥ ꓰ ꓘꓬꓳ ꓜ ꓔꓮꓲ ꓗꓬꓳ ꓰ꓿ 34ꓬꓥ ꓚꓮꓴ ꓖꓶ꓾ ꓟꓲ ꓪꓰ ꓜꓳ ꓰ꓾ ꓠꓥ ꓰ ꓡꓴꓟ ꓰ ꓲ ꓟꓲꓔ ꓖꓶ꓾ ꓠꓥ ꓡꓰ ꓡꓳ ꓖꓰ ꓐꓲ ꓐꓰ꓾ ꓥꓪꓲ ꓥꓪꓲ ꓥꓳꓠ ꓥꓳꓠ ꓰ ꓡꓳ ꓮ ꓘꓳꓲ꓾ ꓠꓥ ꓰ ꓮꓽ ꓠꓽ ꓮ ꓘꓬ ꓖꓰ ꓫꓥ ꓖ꓾ ꓖ ꓡꓪꓲ꓾ ꓬꓥ ꓡꓰ ꓔꓮꓲ ꓗꓬꓳ ꓰ꓿
ꓬ˗ꓲ˗ꓣꓴ ꓬꓥ ꓜꓳ ꓡꓰ ꓓꓴꓟ ꓓꓪꓲ ꓡꓳ ꓠꓥ ꓰ
35ꓬꓥ ꓓꓥ ꓠꓬꓳ ꓔꓳ ꓮ ꓫꓲ ꓡꓰ꓾ ꓔ ꓣ ꓙꓳꓥ ꓮ ꓖꓲ ꓰ ꓬꓴꓟ ꓟ ꓐꓥ ꓙꓰ ꓡꓰ ꓡꓪꓲ꓾ ꓠꓴꓥ ꓜꓳ ꓫꓲ ꓐꓬꓴ ꓐꓰ꓾ ꓧꓮꓴ ꓢ ꓣ ꓡꓰ ꓧꓮꓲ ꓟꓴ ꓡꓪꓲ ꓫꓶʼꓝꓥ ꓠꓲ ꓮ ꓫꓲ ꓕ꓾ ꓖ ꓗꓳ ꓰ꓿ 36ꓬꓰ˗ꓢꓴ ꓬꓴ ꓖꓶ ꓧꓮꓴ ꓡꓰ ꓔꓮꓲ ꓰ ꓓꓥ ꓡꓰ ꓧꓮꓲ ꓮ ꓥꓟ ꓟꓴ꓾ ꓘ ꓖꓬꓴ꓾ ꓡꓴꓟ ꓰ ꓲ ꓟꓲꓔ ꓜ ꓐꓳ ꓮ꓾ ꓖ ꓡꓪꓲ꓾ ꓔ ꓣ ꓙꓳꓥ ꓮ ꓖꓲ ꓪ ꓡꓰ ꓔꓮꓲ ꓗꓬꓳ ꓰ꓿ 37ꓧꓮꓴ ꓘꓴꓠ ꓑꓰ˗ꓔꓣꓴ꓾ ꓬ˗ꓗꓴ ꓰ ꓬ˗ꓗꓴ ꓰꓺ ꓬꓥ ꓖꓴ ꓬꓳ˗ꓧꓠ ꓟꓮꓲ ꓖꓳ ꓔꓴ ꓬꓥ ꓚꓥ ꓛꓥ ꓣ ꓮ ꓘꓥ ꓳ ꓡꓰ ꓡꓰ ꓮ ꓐꓲ꓿ 38ꓮ ꓘꓪꓲ ꓧꓮꓴ ꓔ ꓣ ꓮ ꓖꓲ ꓰ ꓬꓴꓟ ꓫꓴꓔ ꓙꓰ ꓙꓥ꓾ ꓗꓲ ꓗꓲ ꓗꓬꓳꓥ ꓗꓬꓳꓥ ꓥꓮꓴ ꓐꓲ ꓥꓮꓴ ꓠꓑ꓾ ꓲ ꓬꓳꓠ ꓠꓲꓗ ꓥꓰ ꓟꓳ ꓡꓰ ꓬꓥ ꓟꓬꓥ ꓰ꓿ 39ꓬꓴꓟ ꓘꓮꓴ ꓒꓬꓥ ꓪꓥ ꓡꓳ ꓡꓪꓲ꓾ ꓠꓴꓥ ꓟꓳ ꓧꓮꓲ ꓟꓴ ꓡꓪꓲ ꓗꓲ ꓗꓲ ꓗꓬꓳꓥ ꓗꓬꓳꓥ ꓥꓮꓴ ꓐꓲ ꓥꓮꓴ ꓠꓑ ꓓꓴꓔ ꓠꓲ ꓮ ꓗꓳ ꓕ꓾ ꓜꓳ ꓫꓥ ꓖꓶ꓾ ꓫꓲ ꓰ ꓮ ꓥꓴꓔ꓾ ꓬꓴꓑ ꓥꓳꓠ ꓠꓲ ꓰ ꓥꓴꓔ ꓡꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓰ꓿ 40ꓬꓥ ꓟꓳ ꓗꓴꓟ ꓖꓶ꓾ ꓬꓥ ꓡꓰ ꓠꓬꓑ ꓴ ꓚꓥ ꓪꓲ ꓑꓬꓟ ꓗꓳ ꓰ꓾ ꓬꓰ˗ꓢꓴ ꓖꓶ꓾ ꓡꓴꓥ ꓡꓥ ꓐꓥ ꓡꓰ ꓘꓔ ꓑꓬꓟ ꓬꓮꓴ ꓙꓥ꓾ ꓧꓮꓴ ꓜꓳ ꓫꓥ ꓰ ꓬꓥ ꓠꓴ ꓬꓥ ꓪ ꓰ꓾ ꓬꓥ ꓰ ꓣ ꓧ ꓠꓲ ꓰ ꓐꓥ ꓡꓰ ꓪꓴꓔ ꓬꓴ ꓡꓪꓲ꓾ ꓧꓮꓴ ꓜꓳ ꓫꓥ ꓡꓰ ꓔꓳ ꓙꓥ ꓫꓴꓔ ꓪꓥ ꓡꓳ ꓗꓳ ꓰ꓿ 41ꓧꓮꓴ ꓘꓴꓠ ꓜꓳ ꓫꓥ ꓰ ꓡꓳ ꓡꓰ ꓬꓥ ꓜꓪꓲ ꓔꓳ ꓡꓪꓲ꓾ ꓔ˗ꓡꓲ˗ꓕ˗ꓗꓴ˗ꓟꓲ ꓖ ꓰ꓾ ꓧꓮꓴ ꓢꓴ ꓖ ꓰ ꓖꓶ꓾ ꓜꓳ ꓟꓲ ꓰ꓾ ꓔꓳ ꓮ꓾ ꓥꓳ ꓥꓴ ꓔꓳ ꓡꓰ꓾ ꓖ ꓰ ꓥꓴꓔ ꓡꓰ꓿ 42ꓧꓮꓴ ꓘꓴꓠ ꓙꓥ꓾ ꓧꓮꓴ ꓜꓳ ꓟꓲ ꓖꓶ ꓔꓳ ꓡꓪꓲ꓾ ꓢꓳ ꓡꓳ ꓰ꓿ ꓬꓥ ꓰ ꓮ ꓢꓗ ꓖꓶ ꓣ ꓞꓰ ꓲ ꓜꓠ ꓥꓴꓔ ꓔꓳ ꓡꓰ꓿ ꓧꓮꓴ ꓟꓴ ꓡꓪꓲ ꓬꓥ ꓟꓳ ꓖꓶ ꓖꓬꓮꓲ ꓖꓬꓮꓲ ꓟꓮꓴ ꓧ ꓐꓴꓟ ꓗꓳ ꓰ꓿ 43ꓧꓮꓴ ꓘꓬꓳ ꓡꓰ ꓳ ꓡꓰ ꓮ ꓢꓰ ꓫꓥ ꓖ꓾ ꓬꓥ ꓬꓥ ꓟꓳ ꓡꓰ ꓖꓬꓮꓲ ꓖ ꓔꓮꓲ ꓔꓳ ꓐꓰ꓿ ꓧꓮꓴ ꓕꓳ ꓟ ꓜꓳ ꓫꓥ ꓡꓰ ꓜꓳ ꓫꓴ ꓐꓲ ꓣ ꓟ ꓔꓴ ꓬꓥ ꓔꓮꓲ ꓔꓳ ꓐꓰ꓿
Okuqokiwe okwamanje:
ꓟ˗ꓗꓴ ꓟꓮꓴ ꓢꓮꓴ 5: ATB1938
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
First published in Fraser script in 1938.
