AMahubo 75
75
UNkulunkulu Wehlulela Ngokulunga
Kumholi wokuhlabelela. Indlela: ungachithi. Ihubo lika-Asafa. Ihubo
1Siyakubonga Nkulunkulu, siyabonga;
igama lakho liseduze,
balanda ngezimangaliso zakho.
2Wena uthi:
“Uma ngiqoka isikhathi esimisiweyo,
yiMina engehlulela ngokulunga.
3Umhlaba uyancibilika
nabo bonke abakhe kuwo;
Mina ngizimisile izinsika zawo.” Sela
4Ngithe kwabazidlayo:
“Ningazidli,”
nakwababi:
“Ningaziphakamisi.
5Ningazikhukhumezi;
ningakhulumi ngokwedelela nokuqhosha.”
6Ngokuba ukuphakanyiswa
akuveli empumalanga, entshonalanga
nasehlane ezintabeni,
7kodwa uNkulunkulu ungumehluleli;
omunye uyamehlisa,
omunye amphakamise.
8Esandleni seNkosi kukhona isitsha,
iwayini liyakhephuzela,
sigcwele iwayini eliqungiweyo;
yiyona elithunga ngaso.
Bonke ababi abasemhlabeni
impela boyimunca inhlese yalo, bayiphuze.
9Kepha mina ngiyakumemezela ngakho
kuze kube phakade,
ngidumise uNkulunkulu kaJakobe.
10Wonke amandla ezikhohlakali ngiyowaqeda nya,
kodwa ngiwandise awabalungileyo.
Okuqokiwe okwamanje:
AMahubo 75: ZUL20
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.