AMahubo 47
47
UNkulunkulu Ungumbusi Wezinto Zonke
Kumholi wokuhlabelela. Elamadodana kaKhora. Ihubo
1Zizwe zonke, shayani izandla,
hlokomani ngezwi lokuhalalisa kuNkulunkulu.
2Ngokuba uSimakade Ophezukonke uyesabeka,
uyiNkosi enkulu phezu komhlaba wonke.
3Izizwe wazithobisa zaba phansi kwethu,
nabantu phansi kwezinyawo zethu.
4Wasikhethela ifa lethu,
udumo lukaJakobe amthandayo. Sela
5UNkulunkulu wenyuke ngenhlokomo,
uSimakade ngokukhala kwecilongo.
6Hubelani uNkulunkulu, mdumiseni!
Hubelani iNkosi yethu, hubani!
7UNkulunkulu uyinkosi yomhlaba wonke,
hubani ihubo!
8UNkulunkulu ubusa izizwe,
uNkulunkulu uhlezi esihlalweni sakhe
sobukhosi esingcwele.
9Izikhulu zabantu zibuthene,
zibe yisizwe sikaNkulunkulu ka-Abhrahama,
ngokuba izihlangu zomhlaba zingezikaNkulunkulu,
uphakeme kakhulu.
Okuqokiwe okwamanje:
AMahubo 47: ZUL20
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Bible in isiZulu 2020 © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.
Bible in isiZulu 2020 with Deuterocanonical Books © Bible Society of South Africa 2020. Digital Version © Bible Society of South Africa 2020. All rights reserved. www.biblesa.co.za.