'Olic 5
5
O Pilongoc to Sadipot
O 'olic ni Tafiti. Mapatorod i kakridan no paradiway, o tipolo a lalosidan ko sapacafay a pasoni.
1 Tapangaw, tngilenho ko sowal ako.
Haratengen ko roray no faloco' ako.
2Hongtiaw ako, Kawasaw ako,
tngilen ko pitahidang ako a milongoc to pipadama Iso.
Tapangaw, pasayni kako i Tisowanan a milongoc.
3Matngil Iso ko ngiha' ako to dafadafak,
yo masadak ko cidal i, pasayni kako i Tisowanan a milongoc#5.3 milongoc -- ano ^ca i, mipato'aya.,
mitala kako to pipaca'of Iso.
4Caayay ka olah Kiso o Kawas to tatiihay a dmak,
caay pihayda Kiso to pikapot no tatiihay a tamdaw a maro'.
5Maacek Kiso to misatakaraway ko faloco' a tamdaw.
Mi'intel Kiso to tatiihay ko dmak a tamdaw a ma^min.
6Palasawaden Iso ko misamangahay to sowal.
Ka'osien Iso ko mipatayay ato misa'fitay a tamdaw.
7Tona tadamaolah Kiso i takowanan saka,
manga'ay kako a micomod i Fangcalay Pita'ongan i Tisowanan.
Orasaka, mipitosor kako i Fangcalay Pita'ongan a pasayra i Tisowanan a mita'ong.
8 Tapangaw, ira ko 'ada i taliyok ako a misa'imer.
Nanay kriden Iso kako i mo^celay a lalan, ta pakado^do kako to nafaloco'an Iso,
pahapinangen haca Iso ko malorarakaten ako.
9Caay ka o papaso'linen ko sowal no 'ada ako.
O sakapleng no tamdaw ko i faloco'ay nangra.
Matiya o mafohatay a tadem ko ngoyos nangra,
kameleng ko sma nangra, sahto o misa'fitay ko sowal.
10Kawasaw, nanay pasteken cangra i raraw a mitfoc.
Nanay o sakatfad nangra ko nisafaloco'an nangra.
Nanay fahfahen cangra a paliyas nai Tisowanan.
Nawhani adihay ko raraw nangra a pacoli i Tisowanan.
11Nikawrira, oya miki'adingay i Tisowanan a tamdamdaw i,
nanay mararid cangra a lipahak a mahmek a romadiw.
Nanay dipoten Iso koya maolahay i Tisowanan.
Ta pakayni i Tisowanan ko sakalata'ang nangra a lipahak.
12 Tapangaw, o mipalmeday Kiso to mo^celay a tamdaw.
Matiya o sapatada ko sini'ada Iso a midipot i cangraan.
Okuqokiwe okwamanje:
'Olic 5: AMIS2019
Qhakambisa
Dlulisela
Kopisha
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fzu.png&w=128&q=75)
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© The Bible Society in Taiwan, 2019