Lukga 20
20
1Egi herena, wankshigra wohokhu‐hojhixeteja washa wagigusjega, egi worag phira wihokhunjera, hambnaka hisha eja nabhoruxaj hirukana hungra egi wowagax hiperesra hirahirena xetera wakishu.
2Egi hokit’airena, wairena: Hungiragwire, homashja jaguisha waragishu rajeshe washa sh’urajane? Egi peshe homashja de‐e hornik’ushe?
3Egi horniharna egi wawagena: Hishge washaisha hinigipaix‐janihawina, egi hungiragwire.
4Johnga ni‐wawaxu harnira, wangregi howajishe, nigeshge wankshigregi howajishe?
5Egi kikewewi hajiarairena, wairena: Wangregi howajina hiawigi, wekjanegaja, jagu‐u inke harnanaxguwinishe?
6Egi wankshigregi howajina hiawigi, wankshignagre harnaj ini wangirojinekjanihawigaja, Johnga prophet hisha herera hirananke esge.
7Egi hornihairena, hajinja howajigi inke hiapereswinina.
8Egi Jesus wawagena: Nishge inke hornigitagwinina, homashja jaguisha hiauanjera washa de‐e hauanjane.
9Egi wankshigra washinsgera de‐e wirokit’ajirena: Wangisha habsinsh max‐isha una, egi hirakara wagigina, egi ma hari howarena s’ixji.
10Egi hijarnajexjinegi wareisha max hirakarananka eja howaregigina, habsinsh maxananka eja hisge hokuinekjege, eshi max hirakarajega hojina egi rokarni keregigirena.
11Egi shige ware hijanesha regigina, egi hishge hojinena, egi washangishga‐shgainena, egi rokarni keregigirena.
12Egi shige hidanina regigina, egi hishge gikunukunughirena egi jangra hot’unairena.
13Egi habsinsh max hirukanara wena: Jasge hakjaneshe? Hinighara wakaragixetera reagigikje. E nigete gishaghirege hajairegi.
14Eshi habsinsh max hirakarara jaja hajairegi, hokikit’airena, wairena: Washa hoishjanairera haniga deerena, huwire, d’ehikjawina, washa hoishjanairera harnikjawina.
15Egi habsinsh max jangeja hot’unairena, egi d’ehirena. Egi jagu habsinsh max hirukanara wagiunkjaneshe?
16E jiarnaga max hirakaranagre maisinsh‐wahikjanena, egi habsinsh maxra hijahieja wawogakjanena. Egi jaja naxguinegi wairena: Inke shesgarnikjanena.
17Egi waworuxujshana, egi wena: Jasge wagaireshe wagaxangre: Inisha jhiura nigeot’unairera e hahi ini haminag hopassera herenana?
18Higu peshe ini de‐e eja hashibregi, gishishishjanena, eshi ininaka peshe hashibregi rujoibjanena.
19Egi nabhoruxaj hirukana hungra egi wowagax hiperesra howagix eja harukos‐nainena, egi wankshigra warnakawairena, hiperes‐hirena washinsgera de‐e wawirokit’are ewawagewege esge:
20Egi hirakarairena, egi wawesiwira rewagigirena wanaiksab hiranakik’ina, hoit’e hirokit’une hirekjege, de‐shegu hiregi egi waehieja harniahirekjanena egi shige hung homashja warninera jowehireja.
21Egi higiwaxhirena, wairena: Wawagaxhajawagigira, hinipereswina washa wogisog hisharajera egi wogisog waragigus‐rajera egi inke hisha hiranigijerani, eshi Maura woshga harnira wogisogji waragigus rajegaja.
22Jasgeshe phi‐wagiuwinasha Kaiser hirowe‐agigiwigi nigeshge inke phinishe?
23Egi washokit’une wahinaira wawigiperes‐shana, egi wawagena: Jagu‐u hish’ushjawishe?
24Shura woirowera hingiwahare, hokiwagax peshe hijarnakshe egi wowagax peshe harnigi hijakshe? Hornihairena, wairena: Kaiser harnira.
25Egi wawagena: Kaiser hokaraikuwine Kaiser washa warnira, egi Maura hokaraikuwine, Maura washa warnira.
26Egi inke hoit’era hirarukos ruxurug hiranina wankshignaka jowehireja, egi khorairena wornigihagi, egi inke xab‐hiranina.
27Egi Sadusera hota hirajirena, e hakiha wankshigina khibahirena, egi higiwaxhirena,
28Wagairena: Wawagaxhajawagigira, Mosesga hingiwagaxwina, wang khinubhirera d’egi hijawi wahijungi egi ninkjang jushgunijau d’egi, egi khinubra hijawira gikanagnana egi khinubra ninkjang hagarninana.
29Egi kikhinubra shagowingi, egi jowejajega hinugkanakhi egi ninkjang jushgunijau d’egi.
30Egi hinubejajega kanagnana egi hishge ninkjang jushgunijau d’egi.
31Egi hidanina kanagshana egi harnaj shesge hirena shagowihajega, egi inke ninkjang juiranina, egi d’airena.
32Hahi hirowagni hinugjega hishge d’ena.
33Egi hakiha wankshig‐inegi hajanga e kanaikjanihawishe, hishagowinke kanaghirege?
34Egi Jesus wornigiharna, wawagena: Ninkjang maegi herera kikanagnakshana, egi kikanag wagiginakshana.
35Eshi jarnaga washinkisgairera ma‐she‐e ruxurughirena egi hakiha wankshig‐inekjanena, inke kikanag‐hiranikjanena egi shige inke kikanag wagigiranikjanena.
36Egi shige inke d’airanikjanena, waxopiniwarajirera wikisgairekjanena, egi Maura ninkjang warnikjanena, ninkjang hakiha wankshig ira hererekjanena.
37Egi d’arnagra kikawa‐ainena Mosesga xatabisha eja waharna, jaja Hirukanara higegi Abraham Mau harnira, egi Isaak Mau harnira egi Jakob Mau harnira.
38Inke Mau d’esha herenina, eshi niambanakshana, harnaj ningiambnankshana.
39Egi wowagax hiperesra hota hornihairena, wairena: Wawagaxhajawagigira phi wa’shena.
40Egi hageja inke wigiwax ruxurug‐hiranina.
41Egi wawagena: Jasgegaja warnankshe Kristus Dawid hinigra heregaja?
42Egi Dawid wena, Psalm wawagaxeja: Hirukanara wena: Hirukana harnira wagena, hoishoro haregi minagre.
43Jaja hornish’ighirera wanashiningigigi.
44Dawidga Hirukanara higena, jasgegaja hinigra herenaguni?
45Egi hironaghirera wawagena wankshignanka jowehireja naxguinekjege:
46Wowagax hiperesnagre eja hirakikarawiaje, e wonashi serej hornashi mani rogunagre, egi woruwieja hikaraghirera giphinankshana, egi waminag hankshi haminagnankshana, wohokhu‐hojhieja egi worujeja.
47Egi e hikanagit’e jhi‐warninera jeb‐wahinankshana egi Mau gikaraj serej unankshana wajairekjege, e washoshishig howera hijairairekjanena.
Okuqokiwe okwamanje:
Lukga 20: WIN
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the American Bible Society in 1907.
