Hogusra 7
7
1Egi Jehowa Noah wagena: Hure egi horajhira harnaj wajregi hokawawire. Ne joweharegi phi harnijarna wankshig‐hoi tegi.
2Egi wanoijge sgera jarnagagi nupshanara shagowi shuruisjena, wangra egi hinug earnira. Egi wanoijge inke sgenira nupshana wangra egi hinug earnira.
3Egi ahuirassa wangregi herera hishge nupshanara shagowi, wangra egi hinug earnira managre harnaj hihagregi sura niamb warnianje.
4Hambra shagowihangi, ma hihagra harnishu hakjanena hambra kerepanajop egi hahera kerepanajop. Egi washa niambra jarnaga haura ma hihagreginagra maisinsh wahakjanena.
5Egi Noah Jehowa jagu u‐shira harnaj una.
6Egi Noah ma hogihi‐hakewe‐hangaja, mara ni hirawuhinsh‐shana.
7Egi Noah hijokewena, egi hinigwahira egi hijawira egi hinigwahira hijawi‐wahirera wakishu waj‐eja hokawairena, nira nija xetera hiwusunsh huginige.
8Wanoijge sgera egi wanoijge inke sgenira egi ahuirassara egi washa kikurutira harnaj ma hihagregi nankhi,
9Eja nupshana Noah hirahinankshana waj‐eja, wangra egi hinug earnira, Maura Noah shesge hi‐shina.
10Egi herena hamb shagowi hageja, nira nija xetera ma hihagregi howaji‐huna.
11Noah wankshig‐hoi harnira ma hogihi‐hirakewehanaga, wi hinupeja, hamb kerepanaishanaga‐hishagowihashanahangaja, hamb‐eja hoshewexjieja maira harnaj gihas‐hirena, egi wangregi nija jhirobra gihas‐hirena.
12Egi nishurna ma hihagregi hambra kerepana‐jopaha egi hahera kerepana‐jopaha.
13Hamb‐eja Noah egi Shem egi Ham egi Japhet Noah hinig‐wahira egi Noah hijawira egi hinig‐wahira hijawiwahirera wakishu waj‐eja hokawairena.
14E hereanaga egi wanoijge hokirajra harnaj, egi je hokirajra harnaj egi washa kikuruti hokirajra harnaj ma hihagregi kikurutinankhi, egi ahuirassa hokirajra harnaj, wanig hokirajra harnaj.
15Egi she‐e Noah hirahirena waj‐eja rora harnaj nupshana niambanankhi.
16Egi jarnaga hokewegi, wangra egi hinugra hokawairena, Maura shesge hi‐shina. Egi Jehowa rogeja wornassena.
17Egi nijara hambra kerepana‐jopaha ma hihagregi howa‐huwakshana, egi nira diragshana, egi wajra giharnakshana, egi managre wanghieja giharnakshana.
18Egi nira wawarnana egi ma hihagregi mashja rokana harena, egi wajra ni‐hihageja‐nankshana.
19Egi nira mashja wawarnana ma hihagregi, egi xe hankshira harnaj maxi khuhanegi‐nankhi harnaj hawuhinsh‐hirena.
20Nab‐horushaj nubra kerepanaishanaga‐saja‐hashana de‐shenaga hawinjeja ni hirawuhinsh, egi xe xete‐nankhi hawuhinsh‐hirena.
21Egi rora jarnaga ma hihagregi hixga‐xgankhi harnaj d’airena, harnaj ahuirassara egi jera egi wanoijgera egi washa kikurutira jarnaga ma hihagregi kikurutiakhi egi wankshigra harnaj.
22Washara jarnaga punshjopox jhungi nihaha wankshig‐inankhi jarnaga mo‐wuseja unankhi harnaj d’airena.
23Egi jarnaga washara niamb‐ankhi maisinsh‐shana ma hihagregi unankhi, harnaj wankshigra egi jera egi washa kikurutira egi ahuirassa wangregi herera, she‐e maisinsh‐hirena manegi howahi. Egi Noah eshana niambra hotana egi jarnaga waj‐eja wakishu ungi.
24Egi ni mara hirawuhinsh‐shana hambra hogihishanaga kerepanasaja‐hashanaha.
Okuqokiwe okwamanje:
Hogusra 7: WIN
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the American Bible Society in 1907.