Jenesis 36
36
O porodo e Esaueko
1 Kr 1.34-54
1Gava si o porodo kai likisto katar o Esau, kai si o Edom. 2O Esau zinisailo e diskinienchar katar o Kanaan:
E Adaia, chei katar o Elon o jitita, e Aolibamaia, chei e Anaki ta unuka katar o Zibon o jeveo,#Jen 26.34. 3ta e Basemataia chei katar o Ismael ta phiorri katar o Nebaiot.#Jen 28.9. 4O minono kai dia e Ada e Esaue, saia o Elifas. A e Basemat maladila lake o Reuel. 5E Aolibama maladila lake o Jeus, o Jaalam ta o Kore. Gala sea e chaurre e Esaueke kai biandile kana vou zivila ande phuv katar o Kanaan.
6O Esau lia pe rromien, pe chaurren, pe chorren ta sa e llenen kai zivina lea, ta llelotar te zivil pe aver rig dur katar po phlal o Jakob. Ta inllarda pea sa pe zivirinie ta sa so therdaia ando Kanaan, 7soke pe gachin saia e duien kai nasti zivina pase, ta e phuv kai zivina ni resela te jan lenge zivirinie. 8Goleke o Esau, kai si o Edom, llelo te zivil ande phuv kai ikhardol Seir kai si maskar e burdura.
9Gava si o porodo e Esaueko, kai letar likista e vicha katar e edomitura, kai zivina po burdo katar o Seir. 10O Esau avila le chaurre, gala si lenge anava:
O Elifaz, chaurro katar e Ada ta katar o Esau. O Reuel, chaurro katar e Basemat ta katar o Esau. 11A e chaurre katar o Elifaz, sea gala:
O Teman, o Omar, o Sefo, o Gatam ta o Kenaz. 12A e Timna saia konkubina katar o Elifaz chaurro katar o Esau, ta avila le iek chaurro kai ikhardola Amalek, gala sea o porodo e Adako, iek katar e rromia e Esaueke. 13E chaurre katar o Reuel sea gala:
O Najat, o Zeraj, o Sama ta o Miza. Gava si o porodo katar e Basemat, aver katar e rromia katar o Esau. 14E Aolibama saia aver rromi katar o Esau, ta avila la gala chaurre:
O Jeus, o Jaalam ta o Kore. Voi saia chorri e Anaki ta unuka katar o Sibon.
15Gala si e birovura maskar e chaurre katar o Esau: Chaurre katar o Elifaz, o mai purano katar o Esau, e birovura sea gala:
O Teman, o Omar, o Sefo, o Kenaz, 16o Kore, o Gatan ta o Amalek. Gala si e birovura katar o Elifaz ande phuv katar o Edom, ta sa von sea o porodo e Adako. 17Katar e chaurre katar o Reuel, chaurro katar o Esau, e birovura sea gala:
O Najat, o Zeraj, o Sama ta o Miza. Gala sea e birovura prema o Reuel ande phuv katar o Edom, ta sea katar o porodo katar e Basemat, e rromi katar o Esau. 18Katar e chaurre katar e Aolibama, e chorri e Anaki ta rromi katar o Esau, e birovura sea gala:
O Jeus, o Jaalam ta o Kore. 19Sa gala sea o porodo katar o Esau kai ikharena le Edom, gala si e birovura:
20E chaurre katar o Seir o joreo kai zivina ande goia phuv, sea o Lotan, o Sobal, o Sibon, o Ana, 21o Dison, o Ezer ta o Disan. Gala sea e birovura katar e joreura kai sea katar o porodo katar o Seir, ande phuv katar o Edom. 22E chaurre katar o Lotan sea o Jori ta o Eman. E Timna saia e phei katar o Lotan. 23E chaurre katar o Sobal sea o Alvan, o Manajat, o Ebal, o Sefo ta o Onam. 24E chaurre katar o Sibon sea o Aia ta o Ana. O Ana saia kai maladaia e paiorra po pusto, kana arakhela e magarchura katar po dad o Sibon. 25E chaurre katar o Ana sea o Dison, ta iek chorri kai ikhardola Aolibama. 26E chaurre katar o Dison sea o Jemdan, o Esban, o Itran ta o Keran. 27E chaurre katar o Ezer sea o Bilan, o Zavan ta o Akan. 28E chaurre katar o Disan sea o Uz ta o Aran.
29E birovura katar e joreura sea o Lotan, o Sobal, o Sibon o Ana, 30o Dison, o Ezer ta o Disan. Gala sea e birovura katar e joreura, ande phuv katar o Seir.
31Gala sea e charura kai gazdarisarde ando Edom mai anglal te avel charo ando Israel: 32O Bela kai saia chaurro katar o Beor, kai saia o charo katar o Edom, ta leko foro ikhardola Dinaba. 33Kana o Bela mulo, gazdarisarda pe leko than o Jobab, chaurro katar o Zeraj, kai saia katar o foro kai ikhardol Bosra. 34Kana o Joab mulo, gazdarisarda pe leko than o Jusam, kai saia katar e phuv katar o Teman. 35Kana o Jusam mulo, gazdarisarda pe leko than o Adad, o chaurro katar o Bedad kai dobisarda e Madiane ande umal katar o Moab, ta leko foro ikhardola Avit. 36Kana mulo o Adad, gazdarisarda pe leko than o Samla, kai saia katar o foro kai ikhardol Masreka. 37Kana o Samla mulo, pe leko than gazdarisarda o Saul, kai saia katar o Rejobot, o foro kai si pasa o pai o Eufrates. 38Kana o Saul mulo, gazdarisarda pe leko than o Baal Janan, chaurro katar o Akbor. 39Ta kana mulo o Baal Janan, gazdarisarda pe leko than o Adad, ta leko foro ikhardola Pav. E rromi katar o Adad ikhardola Meetabel, chorri katar e Matred ta saia unuka katar o Mezaab.
40Gala si e anava katar e birovura katar o Esau ta katar leko porodo ta e thana kai zivina, lenge anava sea gala:
O Timna, o Alva, o Jetet, 41o Aolibama, o Ela, o Pinon, 42o Kenaz, o Teman, o Mibsar, 43o Magdiel ta o Iram. E Saue ikharenale Edom, ta gala sea lenge anava prema lenge thana kai zivina. O Edom si isto o Esau, o dad katar e edomitura.
Okuqokiwe okwamanje:
Jenesis 36: BACHRO
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Biblia ande chib Romani © Sociedad Bíblica Chilena, 2018.