Jenesis 28
28
1Ondaka o Isaak ikharda e Jakobe ta blagosisarda le, ta mukla gala alava pe lete:
Te na zini tut ni iekhe diskiniaia katar gaia phuv katar o Kanaan. 2Lla ando Padan Aram kai o cher che papoko o Betuel, ta le pala tu iek katar e chorra katar o Laban, o phlal katar chi dei. 3Ta o Del kai si le sa e zor te blagosil tut, ta cho porodo te avel baro ta but sueto ta phuvia te liken tutar. 4Ta te del tut ta i che porodo o blagosipe kai dia e Abraame, ta te sai avel chiri ta che porodoki gaia phuv kai akana zivin, soke o Del dia la e Abraameke.#Jen 17.4-8.
5Ta gia si sar o Isaak bichalda e Jakobe ando Padan Aram. Ta avilo kai o cher katar o Laban, kai saia chaurro katar o Betuel o arameo, ta kai saia phlal katar e Rebeka, e dei katar o Jakob ta o Esau.
O Esau zinilpe
6O Esau dikhla kana o Isaak blagosisarda e Jakobe, ta bichalda le ando Padan Aram, te sai zinilpe iekhe diskiniaia kotar, ta i acharda kai kana blagosisarda le, phenda leke te na zinilpe ni iekhe diskiniaia katar o Kanaan, 7ta kai o Jakob kandia pe dade ta pe da, ta llelo ando Padan Aram. 8Gia o Esau llangla kai leke dadeke ni saia drago e diskinie katar o Kanaan, 9goleke llelo kai o Ismael, o chaurro katar o Abraam, ta zinisailo leke chorraia kai ikhardola Majalat, kai saia phiorri katar o Nabaiot. Kana vou lia gale diskinia, ia saia le aver rromia kai sea Kananee.#Jen 26.34-35.
O Del sikadol e Jakobeke ando Betel
10O Jakob llelotar katar o Berseba ta llelo karing o Jaran. 11Ta avilo pe iek rig ta kote racharda, soke lela te perel e riat ta cherda peke iek seran katar e barra kai sea kote, ta thodape te sovel. 12Ta kote o Jakob dikhla iek suno. Ando suno vou dikhela iek eskalera thodi pe phuv, ta resela llik kai o miloso ta latar e suechura e Devleke likena ta fuliena.#Jn 1.51. 13Ta kai o Del saia chak upre katar e eskalera ta kai phenela leke:
Me sem o Gazda, o Del che dadeko e Abraameko ta o Del e Isaakeko. Pe phuv kai akana san inzardo ka dav la chuke ta che porodoke. 14Cho porodo ka avel gia baro sargo o prajo e phuviako, ta ka barion ando norte ando sur katar likel o kham ta katar perel, sa e familie ka aven blagosime cheres tu ta cheres cho porodo. 15Me sem tuia ta ka arakhav tut kaigo tu llaia, ta ka anav tut pale kai gaia phuv, soke ni ka mukav tut lligo ni ka cherav so phendem chuke.
16Kana o Jakob llungadilo katar o suno, phenda:
Chachimaia o Del si pe gava than ta me ni llanava. 17Ondaka vou darailo ta phenda:
¡Gava than si Devlikano! ¡Gava than si o Cher e Devleko ta o udar e milosoko!
18Thiarinako rano ustilo o Jakob ta lia o barr kai thodaiale seran, ta thoda le pe porrne te dikhol, ta thoda zeitino upral pe lete. 19Ta thoda o anav katar gua than Betel, a mai anglal gua foro ikhardola Luz.
20Kote o Jakob jala sovel ta phenda:
Te avilo o Del manchar, ta te arakhla man pe gava drom kai llav, ta te dia man marrno ta so te thovav pe mande, 21ta te irisailem ande pas ando cher me dadeko, o Gazda ka avel mo Del. 22Ta gava barr kai thodem le vazdino te sai dikhol, ka avel o cher e Devleko, ta suako drom ka dav tut o diesmo katar sa so tu dea man.
Okuqokiwe okwamanje:
Jenesis 28: BACHRO
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Biblia ande chib Romani © Sociedad Bíblica Chilena, 2018.