Jenesis 15
15
O Del phenel kai ka del e Abrame iek chaurro
1Kana nakhle gala ezgode, o Del dia orba e Abramea sargo ande iek suno ta phenda leke:
Abram, na dara. Me sem kai arakhav tut. So ka dobi si but baro. 2A o Abram phenda:
Gazda ta Del, ¿a so ka blazil mange te de man so te dobiu, kana tu llane kai inai man chaurre, ta o lleno kai ka achel leke sa mo barvalipe si iek katar me sluge, o Eliezer katar o Damasko? 3Dik kai ni dian man minone, ta mo barvalipe ka achel iekhe slugake kai biandilo ande mo cher.
4Ondaka o Del phenda leke:
Ko ka achel che barvalimaia ka avel chiro chaurro, a na cho sluga.
5Ondaka o Del inllarda e Abrame avri, ta phenda leke:
Dik akana o miloso ta llin e cheraia te sai llinea len. Soke isto gia baro ka avel cho porodo.#Ro 4.18; Ebr 11.12.
6Ta o Abram pachaia e Devle, ta pala gua o Del llinda le chacho.#Ro 4.3,9,22; Gl 3.6; Stg 2.23. 7Ta phenda leke:
Me sem cho Del kai ikandem tut katar o Ur katar e kaldeura te sai dav tut gaia phuv.
8O Abram phenda:
Gazda ta Del, ¿sar ka llanav kai ka lav gaia phuv?
9O Del phenda leke:
An mange iek guruvmi trine bursengi, ta iek busni trine bursengi, ta iek bakro trine bursengo ta iek chirikliorri, ta iek gulubo terno.
10O Abram anda sa gala zivirinie e Devleke, ta putarda len po dopas, ta thoda iek kotor angla aver. A e chiriklien ni putarda len.#Jer 34.15-19. 11Ta e garvanura fuliena pe zivirinie mule, a o Abram tradela len. 12Ta kana peli e riat pela po Abram iek bari lindri, ta pela pe lete iek baro truniariko, ta vou but darailo. 13Ondaka o Del phenda leke:
Morabi te llane kai cho porodo ka zivil ande iek phuv kai ni ka avel lengi, ta kote ka aven sluge, ta ka aven mardine star stotine burs.#Ek 1.1-14; 12.40-41; Ech 7.6.
14A goia phuv kai ka cherel tumenchar gava, me ka dukhavav la, ta mapalal ka cherav chi vicha te likel kotar bare barvalimaia.#Ek 12.40-41; Ech 7.7. 15A tut ka avel tut iek phuripe esmiro ta ka mere ande pas, ta ka prajon tut che puranenchar. 16Ta pala e star stotine burs, cho porodo sai ka irilpe ande gaia phuv, soke e amorreura kai akana zivin kote, si gia bilache kai ande gua vreme me ka tradav len.
17Ta kana peli e riat ta sa saia ando truniariko, dikhila iek furnava kai chudela thuv ta iek kotor kas kai phabola ta kai nakhela po maskaral katar e zivirinie kai sea chinde po dopas. 18Ta isto ande gua llive o Del dia po alav e Abrame ta phenda leke:
Me ka dav che porodo gaia phuv, katar o pai katar o Ejipto llik kai o baro pai katar o Eufrates.#Ech 7.5.
19Gaia phuv si katar e kenitura, e kenizitura, e kadmoneura, 20e jititura, e fereseura, e refaitura, 21e amorreura, e kananeura, gergeseosura ta e jebuseosura.
Okuqokiwe okwamanje:
Jenesis 15: BACHRO
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Biblia ande chib Romani © Sociedad Bíblica Chilena, 2018.