Lúqá Dí Injíl 19
19
1TE uh Yarího de vichchoṉ dí laṉghdá jáṉdá sí. 2Te vekho, Zakkáí karke ikk janá sí; uh mahsúlíáṉ dá sardár sí, te uh daulatmand bhí sí. 3Te uh mauqaʼ labbhdá si, paí Yisúʼ núṉ vekhe, paí uh kaun hai? Par bhíṛ de sababoṉ uh dí kujh pesh na challí, kyúṉ jo uh qadd dá maddhrá sí. 4Tad aggáṉ bhajjke uh ikk gúlar de rukkh utte chaṛh gayá, paí vekhe; kyúṉ jo us use rasteoṉ laṉghná sí. 5Te jád Yisúʼ us tháṉ appaṛiá, táṉ uttáṉ dhiáṉ karke uh núṉ ákhiá, Ai Zakkáí, chhetí karke á, kyúṉ jo ajj mainúṉ tere ghar rahná zarúr hai. 6Tad uh chhetí uttriá, te ḳhushí nál uh núṉ qabúl kítá. 7Te sáre ih vekhke kurkuṛáuṉ lagge, paí Uh ikk gunáhíṉ ádmí de ghar já uttriá hai. 8Par Zakkáí khaloke Ḳhudáwand núṉ ákhiá, Ai Ḳhudáwand, vekh, maiṉ ápná addhá mál garíbáṉ núṉ dená háṉ; te je kise koloṉ kujh náhaqq le liyá hai, maiṉ uh dá chaunáṉ bhar dená háṉ. 9Yisúʼ uh núṉ ákhiá, Ajj is ghar vichch naját áí hai, is laí paí ih bhí Ibráhím dá puttar hai. 10Kyúṉ jo Ibn i Adám guáche hoeáṉ núṉ labbhan te bachán áyá hai. 11Te jád uh ih galláṉ pae sunde sán, us ikk hor tamsíl is laí sunáí, paí uh Yarúshalím de neṛe sí, te uh lok ḳhiyál karde sán, paí Ḳhudá dí bádsháhí hune záhir hon laggí hai. 12So us ákhiá, Ikk amír dúr de des núṉ gayá, paí apne laí bádsháhí laike muṛ áwe. 13Us apne dasáṉ naukaráṉ núṉ saddke uhnáṉ núṉ das ashrafíáṉ dittíáṉ, te uhnáṉ núṉ ákhiá, Mere áuṉdiáṉ tíkar wanj bipár karo. 14Par uh de shahrí uh de nál wair rakkhde sán, te uh de magaroṉ qásidáṉ dí hatthíṉ akhwá ghalliá, paí Asíṉ nahíṉ cháhuṉde, paí ih sáḍe utte bádsháhí kare. 15Te aiuṉ hoiá, jád uh bádsháhí laike wápas á gayá, táṉ uhnáṉ naukaráṉ núṉ, jihnáṉ núṉ rupaye soṉpe sán, saddhwá ghalliá, paí maʼlúm kare, paí lain den karke uhnáṉ kí kamáyá. 16Tad pahle áke ákhiá, Ai Ḳhudáwand, terí ashrafí thoṉ das hor ashrafíáṉ paidá hoíáṉ. 17Te us uh núṉ ákhiá, Sháwáshe, change naukar, is laí paí túṉ bahut thoṛe vichch wafádár niklioṉ, dasáṉ shahráṉ utte túṉ muḳhtiár ho. 18Te dujje áke ákhiá, Ai Ḳhudáwand, terí ashrafí ne panj ashrafíáṉ kamáíáṉ. 19Us uh núṉ bhí ákhiá, Túṉ bhí paṉjáṉ shahráṉ utte hákim ho. 20Te ikk hor áke ákhiá, Ai Ḳhudáwand, us terí ashrafí núṉ maiṉ rúmál vichch rakkh chhaḍḍiá hai. 21Kyúṉ jo maiṉ taithoṉ ḍardá sáṉ, is laí paí túṉ karṛá ádmí haiṉ; te jo kujh túṉ nahíṉ dhariá, so chukkná haiṉ, te jo kujh nahíṉ bíjíá, so waḍḍhná haiṉ. 22Us uh núṉ ákhiá, Ai bhaiṛe naukar, maiṉ terá faisala tere hí muṉhoṉ karná háṉ. Jad túṉ játá, paí maiṉ karṛá ádmí sáṉ, te jo kujh nahíṉ dhariá, so chukkná háṉ, te jo nahíṉ bíjíá, so waḍḍhná háṉ; 23Pher túṉ mere rupayeáṉ núṉ sáhúkár kol kyúṉ na rakkhiá, paí maiṉ áke uhnáṉ núṉ biáj sane laiṉdá? 24Te us kol khalote hoeáṉ núṉ ákhiá, paí Uh ashrafí ih de koloṉ le lo, te das ashrafíáṉ wále núṉ de deo. 25(Tad uhnáṉ uh núṉ ákhiá. Ai Ḳhudáwand, uh de kol das ashrafíáṉ táṉ hain). 26Maiṉ tuhánúṉ ákhná háṉ, paí Jis kise kol hai, uh núṉ dittá jáegá, te jih de kol nahíṉ hai, uh de thoṉ jo kujh uh de kol hai, uh bhí khoh liá jáegá 27Par mere uhnáṉ wairíáṉ núṉ jihṛe nahíṉ sán cháhuṉde, pai maiṉ uhnaṉ utte bádsháhí karáṉ, itthe liáo, te uhnáṉ núṉ mere sámne qatl karo. 28Te ih galláṉ ákhke uh Yarúshalím wall jáṉdiáṉ hoiáṉ agáháṉ ṭuríá. 29Te ajihá hoiá, jáṉ Baitfage te Baitʼaniá de neṛe us paháṛ kol, jih dá náṉ Zaitún dá hai, appaṛiá, tad uhnáṉ shágirdáṉ vichchoṉ do núṉ ih ákhke ghalliá, 30Paí sámne de pinḍ vichch jáo, te uh de vichch waṛdiáṉ ikk khottí dá bachchá, jih de utte kadi koí sawár nahíṉ hoiá, baddhá hoiá vekhoge; uh núṉ khol liáo. 31Te je koí tuhánúṉ puchchhe, paí Káhnúṉ kholde ho? us núṉ is tarah ákho, paí Ḳhudáwand núṉ ih loṛídá hai. 32So jihṛe ghalle hoe sán, uh gaye, te jihá us uhnáṉ núṉ ákhiá si tihá hí vekhiá. 33Te jáṉ khottí dá bachcha kholan lagge, uh de málikáṉ uhnáṉ núṉ ákhiá, Bachche núṉ káhnúṉ kholde ho? 34Uhnáṉ ákhiá, Ḳhudáwand núṉ ih loṛídá hai. 35Te uh uhnúṉ Yisúʼ kol liáe, te apne kapṛe us bachche utte páke Yisúʼ núṉ cháṛh liá. 36Jád uh piá jáṉdá sí, uhnáṉ apne kapṛe ráh vichch wichháe. 37Te tad uh shahroṉ neṛé Zaitúṉ de paháṛ dí utaráí utte appaṛiá, uh de shágirdáṉ dí bhíṛ uhnáṉ sabhnáṉ karámátáṉ de sabab, jihṛíáṉ uhnáṉ vekhíáṉ sán, ḳhush hoke baṛí áwáz nál Ḳhudá dí waḍíáí karan laggí paí 38Dhaun uh bádsháh, jihṛá Ḳhudáwand de náṉ utte áuṉdá hai; ásmán vichch sulh te álam-i-bálá vichch jalál. 39Te bhíṛ vichchoṉ kaíáṉ Farisíáṉ uh núṉ ákhíá, paí Ustád, apne shágirdáṉ núṉ jhiṛak. 40Te us jawáb dittá, Maiṉ tuhánúṉ ákhná háṉ, Je ih chup kar rahan, táṉ patthar bol uṭṭhange. 41Te jád uh neṛe áyá, táṉ shahr núṉ vekhke uh de utte royá, 42Te ákhiá, Kásh túṉ apne ise din vichch uhnáṉ galláṉ núṉ jándá, jihṛíáṉ salámatí díáṉ ne; par hun uh teríáṉ akkhhíáṉ thoṉ luk gayíáṉ ne. 43Kyúṉ jo uh din tere utte áwange, paí tere wairí tere duále morchá bannhke te gherá páke tainúṉ sabhí pásíṉ qábú karange. 44Te tainúṉ te terí aulád núṉ tere andar ghaṭṭe vichch ralá-wange, te uh tere andaroṉ patthar utte patthar na chhaḍḍange; is laí paí túṉ us wele núṉ na siátá, jad tere utte nazar sí. 45Tad haikal de andar waṛke uh vechanwáleáṉ núṉ kaḍḍhan laggá. 46Te uhnáṉ núṉ ih ákhiá, paí Likhiá hoiá hai, paí Merá ghar duʼá dá ghar hai; par tusáṉ uh núṉ ḍákúáṉ dí khoh banáyá. 47Te uh roz diháṛe haikal vichch taʼlím deṉdá sí. Par sardár káhin, te faqíh, te qaum de sardár uhnúṉ qatl karan dá dá labbhde sán. 48Te mauqaʼ na labbhá, paí kis tarah karan; kyúṉ jo sáre lok bárí cháh nál uh dí sunde sán.
Okuqokiwe okwamanje:
Lúqá Dí Injíl 19: PNT1927R
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Historical texts published by British and Foreign Bible Society 1917-1927.
