Lucas 10
10
Jesús tpakex jä Jayeta ni tuupxmajkmäjtsk
1Wa'nit jä Jesús twinkeen tuupxmajkmäjtsk jä y'ixpëjkpatëjkta, jäts tpakex mätskjaty jäts nëjkx t'ayo'oyta jä kajpenta.
2Jesús wya'any: may am te pyutejk jä pëëmtejk, jäts yëë tuumpata wa'ats waanye yëëta, amoteta jä mwintsën, jäts jä tyuumwa tjajk käxet jäts yajkpëjkmukexet jatye yëë pyëëmtejk. 3Nëjkxta miitsta we'en miits mpakäxta borrego ju'n mëy u'k akujk. 4Ka meen xkontat ka' mkaaky mtojkx xpatsemtat ni jä mkë'ëka; nipëna xkakotspookxtat tu'aay. 5Ku mjaytat jaye tyëjk jeet, kotspookxta jayip jäts xnemeta Kunu'kxtee miits mojetap jä akujken jotkuken jä y'oyen yaj mtëjkjeet. 6Pën jäm jaye juu tsojkp jä Kunu'kxtee jyaa jäts jä akujken jotkuken, kutyunjep jä we; pën ka' tkupïjk, nitii mits mkawintojkxet ka' jä Kunu'kxtee myojet jä akujken jotkuken. 7Jä tëjk juma mjayta jäm tantat jäm kaytat m'uuktat mkupëjktap pëntii kaaky ti tojkx myajkmoytep, jä tuumpa tukitaakep tyajkmujuyet. Ka' tëjkm, tëjkm, mwiita. 8Ku mjaytat jäm kajpen këxm juma oy myajkupëjkta, pen tii kaaky tojkx myajkmoytep kayta uukta miits; 9yajktso'ojkta jä pa'am jaye nijum jaye juu pëjketep xyajtsojktat jäts xnëmetat jantsyijaweta wintemep jä Kunu'kxtee kyutujken 10Ku mjaytat jäm kajpenkëxm jäts ka' myajkupëjkta, tsoonta jäm në'ë' aay tuu aay mwantat. 11Jä kajpen nyax jok, tëë jä tian ïïm ntejk këxm, wa'n twinxitme paatty ku kya ketskupëjkta, nijaweta miitsta, jäts teman jä Kunu'kxtee kyutujken. 12Ku wyena jä ijt xëë tpaaty mëjk jä tsaatsyi paaten jä kajpen tpaatat niyujk jäwään katii jä jaye juu Sodoma ijt tsinyetep.
Jä kajpenta juu ka'a ketskupëjktep
(Mateo 11.20-24)
13Miitsta Corazin jayeta ka' miits nëjkx m'oy juukita nawye'en miits Betsaida jayeta ka' miits nëjkx m'oy juukita, ku jäxip tyajay'ixe jäm Tiro Sidon ijt jootm tso jä Jesús jaye tyajktse'ek, jekän jaxip jä Kunu'kxtee x'awimpitetene nyatyuxoxetene jä wit juu poop jäts jäämjootm y'ëxtejktenet. 14Ku jya'yat jä'ä xëë juma jä Kunu'kxtee tïwtunet jä jayeta juu tkaketskupëjktep niyujk jä tsaatsy paaten paatet katii jä Tiro Sidonjayeta. 15Jäts miits Capernaumte jayeta, ¿we'en mwinmay jäts Kunu'kxtee myajputket myajnëjkxetat jäm tsajpjotm? Ka' wye'na wa miits myajkyuuptat akoots ijtem juma yajkpëmta jä ka'aoyjaye jäm mtsaatsyipaatat.
16Pen pën miits m'amotenaxep, ëts jä x'amotenaxp, pen pën miits mka'a tsokjep ku ëts jä nkets n'ayuuk xkotsta, ëts jä'we xkatsojktep, pen pën ëts xka tsojkp jä'ä kyatsejkp juu ëts xkäxp.
Jyaytene jä jaye juu nituupxmajkmätsk
17Jä nituupxmajkmätsk ixpëjkpatëjkta jyaytene xiijkna xoonjtkna jäts tnëmeta jä Jesús:
—Wintsën, të ëëts xmumote jä winëëmpa mits mxëë kë'x.
18Jäts jä Jesús nyë'ëmxete:
—We'en tee n'ix, ku jä'ä winëëmpa wya'anyejk tu'k witskye jäm tsajpjotm. 19Ëts miits nmoota jä ma'jo jä kutujken jäts ku xtuwajkpätat jä tsaan jä tëjpa tënejk jäts xajkwintoketat jä winëëmpa mya'jo ni tii ayoowe'en miits xkapaatat. 20Ka' miits mxoontejkta ku jä winëëmpa mumotxeta, jä'ä miits tuxoontejkta ku jä mxëë jäpyetan ijt jäm tsajpjotm.
Tu'kjye jä unek tnijawa pën tyeep
(Mateo 11.25-27; 13.16-17)
21Jä Kunu'kx poj tyajkjä'tp ku jä'ä Jesús wa'ats xiijkna xoontkna jäts wya'any: Kunu'kxtee mits n'ajootep yëë tsap, yëë naax niwintsen, mits mtuukwinmotep jä jaye juu ka' ixpïjkep juu nïïjk naaxk, jäts xkatuukwinmote jä ixpïjkjayeta juu wï'ï juu ke'eta, mits Kunu'kxtee mits we'en nsëjkp. 22Ëts jä ntee' nijum xkëmookïx. Nipëna tkanijawa pën unek jä'ä, tu'kjye jä unek tee tnijawa, nipëna tkanijawa pën jä unek tee, tu'kjye jä unek tnijawa pën tyumutsejkp jäts tnijawat.
23Jesús tnïma jä y'ixpëjkpatëjkta Kunu'kx jä'ä pen pën te t'ix juu miits kujk x'ixta jäts xjantsyjawa; 24paatty miits tnëmeta we'en, jä Kunu'kxtee mutuumpa jäts jä yajkutujkpatëjkta jekän tjatsojkte t'ixtat, juu miits kujk x'ixta, jäts ka' t'ixte, tjä tsojkte t'motetat juu miits kujk x'moteta, jäts ka' jä'ä motete.
Jä Samaritano jaye tyumu'ixep
25Tu'k jä ixpïjk jaye juu tnijawep jä kutujken yajktïwa jä Jesús, tuunam tjat'ix tso atsowet
—Yajk'ixpëjkpa, ¿tii ëts ntunep wintsoj' ëts npaatet jä juukyën juu xëma këxm?
26Jä Jesús y'atseew:
—¿Tso jä Moisés kyutujken wya'any juu jäpyet ijtp? ¿Wintsoj kujk xkets?
27Jäts jä ixpïjk'jaye juu tnijawep jä kutujken y'atsowempit:
—Tsoke jä mwintsën Kunu'kxtee mëët tukëyë jä mjaawen mëët tukë'yë jä mëkën jä ma'wen mëët tukë'yë jä mwinmaayen jäts xtsoket jä muju'uk tso mits mnatsyekje
28Wa'nit jä Jesús tnïmie:
—Tïwa m'atsëw. Pen mkutyuumw, tso tixkets, mëët mits jä juukyën.
29Jäts yajk'ixpëjkpa juu kutujken tnijawep juu yaja naxwiin, tjä i'xta tjä wanta tso ju'n jä Jesús wintoke tyanet jäts tjakyajktïwekome, jäts tnïma:
—¿Pën ëts ntsokep?
30Wa'nit jä Jesús y'atsew:
—Tu'k jä ya'atyëjk tsyeen jäm Jerusalén jäm nyïjkx Jericó jäm wyena kitaaky tu'u aay, ku jä määtspa tmënawyaate jäts yajknijeen yajkwimwep yajkjëpwep jäts tmajktsooktene ooken jëm. 31Wa'nit nyäx nay jä'ä tu'u jä te'e juu tsaptëjkmutuump ku t'ixpaaty jä jaye yuupna ka' tmëpïïm jä'ye wyajkempit jäts nyijkx. 32Naywe'en nyä'x jä Levita jaye ku t'ix jä ya'atyëjk juu te tsyatsyiene ka' tmëpïïm tïïwye nya'x. 33Wa'nit jä Samaria jaye nyax nay jä'ä tu'u jäts t'ixpaaty jä jaye juu te tsyatsyiene jäts ojts tpa'ayew. 34Wa'nit tninïkx jäts t'apuj t'apïjk jä tsatsya mëët aceite mëët jä në'ë katii jä tsatsya apuutskenteka wa'nit jä wit tu'atsuum. Wa'nit tyujktsëën jaatsy nyikxm jäts tyajknïkx juma tëjk tyajkjay'ajutyuketa o'k juma myatanta jä yo'oywa jaye jäm t'ix ijt tu'k tsuu. 35Jäts ku'ux jä Samaria jaye tsyonwaane jäts mätsk xëë nitun jä meen tyajkpitsem puxen meen, jäts tmooy jä kutëjk jäts tnïmye: ix ijte yëë ya'atyëjk, moe pentii y'amotep pen ka' yëë meen nyipaata jäts xäjk pemet jä mkëm meen, ëts nkujukyexep ku nwinpitet 36¿Nikotsenit pën a'ixep jä muwujk tsojkp yëë nituujkta, pen tputejke jä'ä ya'atyëjk juu yajkmäätsp? 37Jä ixpïjk jaye juu tnijawep jä kutujken y'atseew:
—Jä'ä juu myuju'uk tpa'ayoop.
Jäts jä Jesús tnimie:
—Nëjkxe jäts nawye'en xtunet.
Jä JesĂşs jäm jä'ä Marta mĂ«Ă«t MarĂa tyĂ«jkjootm
38JesĂşs nyax jäm muutsk kajpen kĂ«xm, jäm jyay Marta winte juu yajkmataane. 39Jä Marta jäm jä tsyĂ«'Ă« juu txĂ«Ă« MarĂa, jä'ä mĂ«Ă«t nawin'Ă«xke jäts amotenax jä JesĂşs tii kyetsp. 40Jä Marta may jä tyuunk jä'ä kamayep jäts tninĂŻkx jäts tnĂŻma:
—Wintsën, ¿ka' mits xmay xtaj ku tsyë ntsë'ë tu'kjye xtumukuy'ixa yëë tuunk? Në'ma jäts ëts xputëjka.
41Xäts jä Jesús y'atseew:
—Marta, Marta, yĂ«Ă« tuunj pĂ«jk mits mwinmaapy, may jĂ«p mits xmay xta, 42tu'k jĂ«pye jä'ä juu tnimĂ«jep. MarĂa te twinken juu nimĂ«jep nipĂ«na kyapĂ«jkxet.
Okuqokiwe okwamanje:
Lucas 10: LKMIXHUI
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
