Matye Nsunjikulu
Nsunjikulu
Mu libuuku li Matye, cisonë-n'kaandë ke mu kuleesi mitaandë yinenë mu n'sulikulu yi Mpolu Mboti yivitikë Malëkë :
– Suundu bunkulu bu Yeesu Kliistu (1.1-17).
– Lubutulu lu Yeesu (1.18—2.23).
– Libuungu li Za-Batiisë (3.1-12).
– Lubatuzyaalu i lusoku lu Yeesu (3.13; 4.11).
– Sinsalulu si Yeesu ku libweeti li Ngalilee, kunë kululongilë, kusinë mboongu baatu i kubelusi bibeedo (4.12 – 18.35).
– Lwendulu lwaandi ku livulë li Yelusaleemë (mitu-buungu. 19-20),
– Kunë Yeesu kukalilë mwa bilumbu : lumiingu lumweekë, lumaninë mu lufundusu lwaandi, nfwiilwaandi, cimakë ci luvulumuku lwaandi, i tumonukunu twaandi (mitu-buungu. 21-28).
Kasi Matye wusulikë cin'tetë n'zisi wunënë (mitu-buungu. 1-2) fë ntatukulu, fë lubutulu i lonzukulu lu Yeesu. Mu n'zisi be woowo, naandi wuleesi Yeesu nani kukeeli, wunë wufwenikini kulaandë mu luziingu looso lu Mpolwaandi yi Mboti : Fumu-N'vuuci wo wulukanyu, kasi yivaandi Mënweelë (Nzaambi yimunë beeso) i mu naandi mwa mu vangininë manë Nzaambi kutubë mu N'kangulu Wuntamë.
Mpolu Mboti mu sonukunu Matye yin'leesi yivaandi yiveko sinunu Yeesu mu mikukë taanu :
– N'kukë wun'tetë : «ndongulu Yeesu fë yilu moongo» (mitu-buungu. 5-7), yin'sulikë nguliku nzingulu yi bitamaanë bën'kotë ku «Lwaangu lu Nzaambi».
– N'kukë wumwaali : Sinsulikulu bëvaanë ke bo bëfwenikini kutendulë lwisulu lu Lwaangu lu Nzaambi. (N'tu-buungu. 10).
– N'kukë wun'tatu : Cimakë ci Lwaangu lu Nzaambi, bësulikilë mu saambwali li sisasafë : mu ntaangu ayi, Lwaangu be loolo luswamënë, kasi lum'ba lusangëmë fë ciyalëlë (n'tu-buungu. 13).
– N'kukë wu na : buni bukuzingilë fë cimweekë ku Lwaangu lu Nzaambi (n'tu-buungu. 18).
– N'kukë wu n'taanu : Buni bukucingilë lwisulu lu Lwaangu lu Nzaambi (mitu-buungu. 24-25).
Mu Mpolu Mboti yi Yeesu Kliistu, mu sonukunu yi Matye, Yeesu wumonikë buke Fumu wun'kwisë mu kuzanjikë buloongo bumoonë bu Lwaangu, i wun'twaalë ke bo bëkotë, sinsinunu syo baawu bëke yi n'ciinzë, bwiinji mu kuba simbaanji ke baatu bëmesë.
Okuqokiwe okwamanje:
Matye Nsunjikulu: NTVIL
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2019, Wycliffe Bible Translators, Inc. and © Alliance Biblique du Congo. All rights reserved.