MATIUS 3
3
Nasi i Yohanes Mananahani
(Mrk. 1:1-8; Luk. 3:1-18; Yoh. 1:19-28)
1Su tempo e'e i Yohanes Mananahani nusumongo su tana l᷊inggi su Yudea dang nanita nunasi. 2#Mat. 4:17; Mrk. 1:15Angkunge, “Putobate bou apang dosa ngi kumu, ualingu Mawu Ruata seng maehong mamarenta musul᷊ungu Ratu!” 3#Yes. 40:3I Yohanes i'i taumata ko niul᷊i i nabi Yesaya ware,
“Pia taumata ko kakihae su tana l᷊inggi,
‘Sadiai ko ral᷊eng guna ngu Mawu,
pakatene ko ral᷊eng guna ngi Sie.’ ”
4 #
2Raj. 1:8
I Yohanes nul᷊oho l᷊aku bou pisi ngu onta. L᷊aiki kal᷊uwaenge bou pisingu binatang, dang kange kumbati dingang u ghul᷊angu katiupang. 5Maul᷊i taumata bou Yerusalem, bou kaul᷊i u kampong su Yudea dang bou apang tampa su sindihangu sal᷊uhu Yordan nusumongo sarang koa i Yohanes. 6I Sire nangaku apang dosa ngi sire, bou e'e i Yohanes nanahani si sire su sal᷊uhu Yordan.
7 #
Mat. 12:34, 23:33 Maul᷊i l᷊ai tau Farisi dingang u tau Saduki nusumongo makisahani si Yohanes. Kuteu su tempo i sie nakawua si sire kasongonge, I sie nangul᷊i si sire, “I kumu taumata ko dal᷊ai! I sai nangul᷊i i kumu mal᷊iwiri bou hukumangu Mawu Ruata ko sarung ruminta? 8Andaghi dingang u kakanoau himoneu i kumu tinga-tingari seng nutobati bou dosa ngi kumu. 9#Yoh. 8:33Kumbahang manika i kumu mal᷊iwiri bou hukumang, ual᷊ingu mangul᷊i i Abraham ko i upung i kumu. Putinaung, Mawu Ruata makakoa l᷊ai hintou ngi Abraham bou manga watu tamai i'i! 10#Mat. 7:19Wal᷊iung seng masasadia i panuwang kau sarang hamue. Apang kau ko tamu wuangu wua ko mapia, sarung i tuwang dang i rume su putung. 11Ia manahani si kumu dingang u ake tadeau mupakal᷊ahe i kumu seng nutobati bou dosa ngi kumu; arawe ko sarung ruminta samuringu ia, sarung manahani si kumu dingang u Kawasa ngu Mawu Ruata dingang u putung. I sie nangilebe l᷊abo bou ia. Sarang mamebe sapatu-E ia tanuhino. 12Su l᷊imange pia nihung i pangita kaul᷊i u gandung-E, sarang paka bursi. Gandung sarung i komol᷊-E su ral᷊ungu lumbung, arawe kaul᷊i u kepange sarung i tutung-E su l᷊al᷊ung u putung ko tamate.”
I Yesus nisahani
(Mrk. 1:9-11; Luk. 3:21-22)
13Su tempo e'e I Yesus bou Galilea natamai nakoa sarang sal᷊uhu Yordan. Pai se'e i Sie nusumandighi si Yohanes dang nundo makisahani. 14Arawe i Yohanes sal᷊awe tamakatarima ndo-E e'e. I Yohanes nangul᷊i. “Hinonge ko ia we sahaningi Tuang. Ii nakoawe i Tuang nusumongo si sia.”
15I Yesus nusumimbahi, “Balate, kitang su orasi i'i. Watu u dingang u kiri'i i kite mukoa kaul᷊i u apang ko i kao u Mawu Ruata.” Boko we kere'e, i Yohanes nanahani si Yesus.
16Bou nisahani, I Yesus naehong nuwua bou ake u sal᷊uhi e'e. Singkawua l᷊angi nawuka dang I Yesus nakawua Roh u Mawu Ruata nul᷊umintu musul᷊ungu burung paluma si sie. 17#Kej. 22:2; Mzm. 2:7; Yes. 42:1; Mat. 12:18, 17:5; Mrk. 1:11; Luk. 9:35Bou e'e i Sie nakaringihi tingihu Mawu Ruata nangul᷊i, “Ii Ahusi-Ku ko i Kukindaghi. I Sie makal᷊uasi naung-Ku.”
Okuqokiwe okwamanje:
MATIUS 3: LAISXN
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
2014 Indonesian Bible Society (Lembaga Alkitab Indonesia)
