Mak 11
11
1KU te ghet koic Jerut̤alem, ku Bet̤pagi, ku Bet̤ani, te de kur e Olip, ke Yecu toic koicke karou tueng, 2ku yok ke, Lak pan to wenim, ku ato bai t̤ok we abi dan akaija yok ci maic t̤in. Acin ran ci gwa n̤yuic ekou; luoin̤ka ku beika. 3Ku te t̤iec ran we, Yengu luoika kela? jalka luel, E Bain̤ yen ayuic ye, ku abi dai d̤uok eten. 4Goke lo ku yoke dan akaija ci maic gau t̤ok, akenbai. Ku loin̤ke. 5Go koic kaic tet̤iok goke t̤iec, Yengu luoin̤ka dan akaija? 6Ku leke ke wel ke Yecu nia, ku jal koic puol. 7Goke dan akaija t̤el Yecu, ku tauke alet̤ken akaija kou, ku n̤yuic Yecu yekou. 8Go koic juec goke alet̤ken t̤iet̤ d̤olie, ku d̤ongke gak ku t̤iet̤cke d̤olic. 9Ku koic cat̤ tueng ku koic cat̤ cien goke ket, Ot̤ana, ran buo rin ke Bain̤ Dit aci t̤ie. 10Ceng buo aci t̤ie, ceng de waditda Dabid, Ot̤ana.
11Go Yecu jal lo Jerut̤alem, ku ler luang dit de N̤ialic, ku ting kang ked̤ia. Ku te tong ruel ke Yecu jal lo Bet̤ani ke ke koicke kat̤ier ku rou.
12Ku niak te jal koic Bet̤ani, ke Yecu nak cok. 13Ku ting ngap nong yit̤ temaic, ku ler lan ben dau lo yok t̤in. Ku te cen ghet ngap, ke yok yit̤ abaic; pai e ngam luok angot. 14Go Yecu ye yok, An dunga ran do a ber dauku cam alo ghon. Ku ping koickek puoic.
15Goke lo Jerut̤alem, ku lo Yecu luang dit de N̤ialic, ku Ciec koic ke ghaic ku koic ke ghoic t̤in, ku puok tim ke koic war grit piny, ku t̤oic ke koic ghaic reokur ya. 16Ku jei koic bi cien a ran e kang ghat̤ luang dit de N̤ialicic. 17Ku wet koic ku jiam, Kece gar waragakic, Luangdie abi col luang de long e koic ke piny nom eben? ku acak loi e pan e cwer abaic. 18Go bain̤ ke ka ke N̤ialic, ku koic ke waragak goke ping, ku yuicke nang nak kek ye. Arioicke ye; ku koic ked̤ia aci gai e wel wet en ke koic.
19Ku nin ked̤ia te tong ruel ke Yecu pel bai.
20Ku te d̤uk ke niak dur, goke ngam wer ting aci riau. 21Go Pita wel ke Yecu wer tak ku jiam, Rabai, ting, ngam wer ca lam aci riau. 22Go Yecu ke yok, Gamka N̤ialic wepuot̤. 23Wek a ya yok ayic, Te yok ran kur, An jo rot ku cuata rot weric, ku ci rioic puou, ku n̤yic welke ci luel abi loi, yen abi nang puonde. 24Wek a ya yok, Te long wek N̤ialic, t̤iecka wepuot̤, ku duongka rioic ku N̤ialic abi kakuen ping ku gam ke. 25Ku te koic wek ku langka, ku nangka ater we ran do, jalka rane puol, bi Uduen to n̤ial bi karaickuen puol. 26Ku te jai wek e pel e ke ne ran do, ke Uduen to n̤ial aci karaickuen bi puol.
27Goke ber lo Jerut̤alem, ku te cet̤ Yecu luang dit de N̤ialic, ke bain̤ ke ka ke N̤ialic buo ke ke koic ke waragak, ku ror dit, 28ku t̤iecke ye, Loi yin kak e riel e nga? ku yenga yik yi riel bin e kak loi? 29Go Yecu d̤uk, wek aba t̤iec wet tok, ku te ci we ked̤iene luel, ke an bi keduen e rieldie jal luel. 30Ye yor ci Jon koic yor, ye ke de n̤ialic, ko ye ke de koic? Leka gha. 31Goke rot̤ t̤iec kela, Te luel gho, An e ke de n̤ialic, kʼabi ber jam Yengu kec wek Jon gam? 32Ku te luel gho, An e ke de koic — Kek arioic e koic. Koic ked̤ia aci Jon n̤yic lan yen ran de N̤ialic. 33Ku jamke, Akuicku. Go Yecu ber jam, ku wek aca bi lek e riel loi an e kak.
Okuqokiwe okwamanje:
Mak 11: CIEC1916
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© British and Foreign Bible Society
