Mataio 1
1
1Nouri Iesu Keriso Gu oubi painari. Nouvia Davida mereri naiba Aberahamo mereri.
2Aberahamoro Isaka ahomai; Isakaro Iakobo ahomai; Iakoboro Iuda ina Iuda niamamio naibaha iahomai. 3Iudaro Paresara Sarara iahomaimama. Tamaro irotomama; Paresaro Esarona ahomai; Esaronaro Arama ahomai; 4wia Aramaro Aminadaba ahomai; Aminadabaro Naasona ahomai; Naasonaro Salamona ahomai; 5Salamonaro Boasa ahomai, Rahabaro oroto; Boasaro Abeda ahomai, Rutaro oroto; Abedaro Iese ahomai; 6Iesero Davida ahomai, nouri nou Pai‐duburi.
Davidaro Solomona ahomai, Uria o’boai nouro oroto. 7Solomonaro Rehoboamu ahomai; Rehoboamuro Abia ahomai; Abiaro Asa ahomai; 8Asaro Iosepata ahomai; Iosepataro Iorama ahomai; Ioramaro Osia ahomai; 9Osiaro Iotama ahomai; Iotamaro Ahasa ahomai; Ahasaro Hesekia ahomai; 10Hesekiaro Manasa ahomai; Manasaro Amona ahomai; Amonaro Iosia ahomai; 11Iosiaro Iekonia ina Iekonia niamomio iahomai, nou ta’uwa neiio Babuloniaito iaubuaumo.
12Ina Babuloniawa kemidio ta’ui oboiri, dooudo Iekoniaro Salatiela ahomai wia Salatielaro Serubabela ahomai; 13Serubabelaro Abiuda ahomai; Abiudaro Eliakima ahomai; Eliakimaro Asora ahomai; 14Asoraro Sadoka ahomai; Sadokaro Akima ahomai; Akimaro Eliuda ahomai; 15Eliudaro Eleasa ahomai; Eleasaro Matana ahomai Matanaro Iakobo ahomai. 16Iakoboro Iosepa ahomai, Maria uramuri wia Mariaro Iesu naibaha oroto ina oubio nou aiahooumo, Keriso.
17Mabu nouri auwoha ageiio Aberahamoudo Davidaido, nouvia 14 ageiio; wia auwoha ageiio Davidaudo Babuloniaito kiaubuai hiwio’i nouowa, nouvia 14 ageiio; wia auwoha ageiio Babuloniaito kiaubuai hiwiowa Kerisoido, nouvia 14 ageiio.
18Iesu koroto hiwio nou naibaha o’uro. Nou mamu paina Maria, Iosepa emapoumo Iosepa o’boari; ina opuito neiti idabuai biahai, nou umo naibaha oiti Maria niroro naibaha ahioti, Tana‐urioro ahomai. 19Wia Maria uramo Iosepa nou dubu meari, nouri nou niro biahai nou hipo owai; nouro aiararomo nou piroha ahoiouti. 20Ina nou naibaha araromo, Iehova gururu‐mere na’u nouro hiwoito naibaha eauri wia nouro naiba aro: Iosepa, Davida mereri, ro tore kaati biahai ro o’boa Maria ro motoito aubuaiwa, mabu nouri nana nou mere daimowa emidio nou Tana‐urioudo o’uro. 21Ina do’o, ohio nou aiwarotoi wia roro nou paina aiwai‐dodoi Iesu, mabu nouri nou himia oubi nei himia ubauba kidiaudo nouro aiwaiitouti. 22Nouri nana auwoha tau o’umo nouri kiao wade naiheha iwai, naiba Iehovaro peroveta dubu maataudo tau aro; nou naiba iaowa:
23Taauri: Behe nou merero niro aiwahioti,
Ina ohio nou aiwarotoi wia neiio nou paina aiwaimo‐idodoi Imanuela;
wade nouri owaevia naiba, Iehova imomuri. 24Wia Iosepa uwomoudo naibaha o’ibua wia naiba Iehova gururu‐mere nouido nou emapoi nourowia nou aibo idodiai, wia nou himia o’boa nouido naibaha owaiwai; 25ina nou noumu iro’utimama biahai, opuito nou morio mere naibaha oroto: wia nou paina nouro naibaha idodo, IESU.
Okuqokiwe okwamanje:
Mataio 1: KXW1941
Qhakambisa
Dlulisela
Kopisha
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fzu.png&w=128&q=75)
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Published by the British and Foreign Bible Society in 1941.