Matthew 1
1
Chaptergē Swaunshung.
1JESUS CHRIST gwudistahānḡē kogīnēu īching: David kitu il idjan, waigen Abraham kit ishin.
2Abraham Isaac kaiang; waigen Isaac Jacob kaiang; waigen Jacob Judah kaiang, waigen il tuanalung ishin;
3Waigen Judah Tamar stāhā Perez kaiang, waigen Zerah ishin: waigen Perez Hezron kaiang, waigen Hezron Ram kaiang:
4Waigen Ram Amminadab kaiang: waigen Amminadab Nahshon kaiang; waigen Nahshon Salmon kaiang;
5Waigen Salmon Rahab stāhā Boaz kaiang: waigen Boaz Ruth stāhā Obed kaiang;
6Waigen Obed Jesse kaiang; waigen Jesse King David kaiang;
7Waigen David Uriah chā stāhā Solomon kaiang;
8Waigen Solomon Rehoboam kaiang; waigen Rehoboam Abijah kaiang; waigen Abijah Asa kaiang; waigen Asa Jehoshaphat kaiang; waigen Jehoshaphat Joram kaiang;
9Waigen Joram Uzziah kaiang; waigen Uzziah Jotham kaiang; waigen Jotham Ahaz kaiang; waigen Ahaz Hezekiah kaiang;
10Waigen Hezekiah Manasseh kaiang: waigen Manasseh Amon kaiang; waigen Amon Josiah kaiang;
11Waigen Josiah Jechoniah kaiang, waigen il tuanalung ishin; waigen ashgē timegē gud Babylon tligē ā ltha ltha istaodzouāni.
12Waigen Babylon tligē ā ltha ltha istaiang silīd, Jechoniah Shealtiel kaiang; waigen Shealtiel Zerubbabel kaiang;
13Waigen Zerubbabel Abiud kaiang; waigen Abiud Eliakim kaiang; waigen Eliakim Azor kaiang;
14Waigen Azor Sadoc kaiang; waigen Sadoc Achim kaiang; waigen Achim Eliud kaiang;
15Waigen Eliud Eleazer kaiang; waigen Eleazer Matthan kaiang; waigen Matthan Jacob kaiang;
16Waigen Jacob Joseph kaiang Mary tlāl ā, waigen lā stāhā Jesus tlakaiang, waigen Christ hinu il kēyang.
17Gwudistakānḡē wautliwan Abraham stāhā David ā gwudistakānḡē klāalth wok stanshangang: waigen David stāhā Babylon tligē ā ltha ltha istatālangtlo gwudistakānḡē klāalth wok stanshangang; waigen Babylon tligē ā ltha ltha istaiang stāhā Jesus Christ ā gwudistakānḡē klāalth wok stanshangang.
18Itan Jesus Christ tlakaiangtlo, Mary il ou Joseph ināsangang, waigen gwu il inēlthawē kwunast Hānts Las alth il telthkiāyēlan.
19Waigen Joseph il tlāl kwutungē skwunaiang, waigen ltha hangku il tlaēdāgē kum il gwulaangang, il dāngkwolthtiē tlou il gwulāgang.
20Waigen houān ā kin isis addu il kwulthilgundang, kwoking, Shālānā giē Angelgē la an kātlang il kungaiāni, waigen hinū il shouan, Joseph, David kitu dung īching, altsīilth kum Mary chā unga an istiē ga lth lthwaugāng, Hānts Las alth il telthkiēlths althlā.
21Waigen il kit kaiashang, waigen Jesus hin lā dung kēyādāshang, il touilung kin dāunga istas stāhā il kagindāsēsi althlā.
22Tliku Shālānā nung Prophet ga shouan kingān adshi wautliwan ēlthkigang, waigen hinū il shouan,
23Kwoking, nung chitlthlingā nung hāhutsu telthkiashang waigen lā il kaiashang, waigen Immanuel hin lā ltha kēyādāshang; waigen Immanuel Shānungetlagidas ītil alth stungs hinū ēdung.
24Itan Joseph il kattaiang stāhā il kātlouang, waigen tliku Shālānā giē Angelgē lā ga shouan kingānu il waugang, waigen chā unga kinung an il istaiang.
25Kum lā alth il tīdaangang il kit kaiasēs kwunast; waigen Jesus hin lā il kēyādaiang.
Okuqokiwe okwamanje:
Matthew 1: HAIDA
Qhakambisa
Dlulisela
Kopisha
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fzu.png&w=128&q=75)
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
First published by the British and Foreign Bible Society 1891-1899.