BEGGAR 12
12
Abramnvn Goqnam
1Kokw so At Sw Abramnvn benum, âNoqg nyookam hoo noqg nyiin-orum mam hoo noqg abwg nam dook gvdangam apaq peel ngoqg nam kaakin tanam gvdab wto. 2âHoo ngo nam koibo nyob hoolu ak gob mvtayin, hoo ngo nam lvqc tayin hoo noqg eminam koi dvb mvtayin, hoggab no lvqc cisiqbo nyi gob nyitayin. 3âNam xinboam ngo lvqc citayin, hoo nam xima boam ngo beetayin, hoo noqg hoqgv swcw soqg imiq dvpar mwlwngam lvqc cidwb nyitayin.â
4âHo At Swg mwam bekjaqb, Abram wnum, hoo Lot mwam wmin gvnum. Hwdlo Abram Haran hoqgv lengyikho vnyw camkvn leq nywng gob nyiknum. 5âHoo Abram mwwg nywxw Sarai nvla mwwg bor ko tuup Lotwn, hoo bulug gumn-ran nookum kunam mam, hoo Haranho bulug nyiilu rvnam mam boola yukul, hoo bulv Kanaan gvdab wrab kunum. Bulv Kanaan gvdaho wc dvb, 6âAbram Sekem gvdag kora svvn dook Moreb wpeqnum. Hoq moodho Kanaan nyi tulungv gvdaho doonum. 7âHo At Sw Abramnvn daqlin banv benum, âNoqg hotam mam ngo soq gvda sam jitayin.â Ho hiyv mwam daqlinl kaakin boam, At Swn mwv hoqho yugw ak mwjnum. 8âHoqgv mwv Betelwg dou-caga diisw daiyab wnum hoo mwwg tombungam dou-haaga daiyag Betel gvla dou-caga daiyag Ai pengko ho mvnum. Hoo mwv hoqho At Sw gab yugw ak mvnum hoo At Swg eminam goqnum. 9âHoo Abram hvraqb Negeb daiyab nyiody boodul doonum.
Abram la Sarai Ijiptho Doonam
10âHoq gvdaho dwr wnum. Ho Abram Ijipt gvdab nyiogy gilnum, hoggab gvdaho vc loodab dwr wnum. 11âHwdlo mwv Ijiptho haasv twqb nyiyikho, mwv mwwg nywxw Sarainvn benum, âNgo cengdo no kangam jaqn bo nyem akv, 12âhoo hwdlo Ijipt nyi tulungv nam kaapayin, bulv betayin, âSoq si mwwg nywxw go.â Ho bulv ngam mengtai, hvbmabde bulv nam swwm tai. 13âNo ngoqg bwrmv hvl beto, ho no ngoqg bwrmv hvl bebnyiloqkam ngo altai, ho noqg emin gab ngoqg swwgv altayin.â 14âHwdlo Abram Ijiptho haanum, Ijipt nyi tulungv kangam bo nyem akam kaanum. 15âHoo hwdlo Parog lvpw atwg ko tuup tulungv mwnwn kaapel, bulv mwnwn Parog agaho paqnum. Hoo nyem akam Parog nammwb bool wgkunum. 16âHoo mwnwg emin gab Abramnvn aljaqb cin-hoonum; hoo mwv sviyangv, svv hvvbv, svdam dampv, nyerangv, paqnv, svdam damnv, hoo svjin tulungam doog kunum.
17âHvbmabde At Sw Abram nywxw Sarai pagoq gab Paro nvla mwwg imiq dvparam koi jaqb swcin-taiyaqkv haamnum. 18âHo Paro Abramnvn goqnv hoo benum, âSoq sib no ngam hoggub nyipa kun? Hog nyitwl mwn noqg nywxwngv hvl no ngam betam maanum? 19âHoggab no benum, âMwn ngoqg bwrmv hvl,â hoqgab ngo mwnwn ngoqg nywxwb naanum? Soq si noqg nywxwngv; mwnwn naag nuku, hoo wnku.â 20âHoo Paro mwwg pagoq gab nyi tulungam gaml jinum, hoo bulv mwam mwwg nywxw lvgab la mwwg gumn doog kunam lvgab kanaml wpaq mvknum.
Okuqokiwe okwamanje:
BEGGAR 12: NYISBSI
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Nyishi Bible - DVRWQ PVVB
Copyright © 2015 by The Bible Society of India
Used by permission. All rights reserved worldwide.