GÉNESIS 10
10
Noé chachan wawanakapa
(1 Cr 1.5-23)
1Uma taripäwi qhipatsti, Noé chachan Sem, Cam, Jafet yuqanakapax wawanakanïnwa. Jupanakan wawanakapasti akanakänwa:
2Jafet jaqin wawanakapaxa: Gómer, Magog, Madai, Javán, Tubal, Mésec, Tirás ukanakänwa. 3Gómer jaqin wawanakapasti: Asquenaz, Rifat, Togarmá ukanaka. 4Javán jaqin wawanakapasti: Elisá, Tarsis, Quitim, Rodanim ukanaka. 5Jafet chachan wawanakapaw jach'a quta thiyan jakapxäna, pachpa uraqipana, marka masinakaparjama, wila masinakaparjama, pachpa arupani.
6Cam jaqin wawanakapasti: Cus, Misraim, Fut, Canaán ukanakänwa. 7Cus chachan wawanakapasti: Sebá, Havilá, Sabtá, Raamá, Sabtecá ukanaka. Raamá jaqin wawanakapasti Sabá, Dedán ukanakänwa. 8Cus jaqisti Nimrod chachan awkipänwa, jupasti aka uraqinxa munañani nayrïr jaqirakïnwa. 9Tatitun munañapatxa, Nimrod chachax pampankir animalanak jiwayirïnwa. Ukatpï aka arsüwix jutixa: “Nimrod chachjam Tatitun munañapat pampankir animalanak jiwayiri” sasa. 10Jupan apnaqat jach'a markanakasti akanakänwa: Babel, Erec, Acad, Calné ukanaka, uka markanakasti Sinar tuqin jikxatasïna. 11Uksa tuqit Nimrod chachax Asur tuqir mistüna, ukatsti Nínive, Rehobot-ir, Quélah uka markanak sayt'ayäna, 12ukhamarak Resen jach'a marka, ukasti Nínive, Quélah uka markanak taypinkiwa.
13Misraim chachat saraqirinakax, ludeo, anameo, lehabita, naftuhíta, 14patruseo, casluhíta, caftorita taqi jupanakawa, filisteonakasti jupanakan saraqiriparakiwa.
15Canaán jaqisti pä yuqanïnwa, jilïr yuqapax Sidón sata, sullkïristi, Het sataraki. 16Canaán jaqit saraqirinakasti, jebuseo, amorreo, gergeseo, 17heveo, araceo, sineo, 18arvadeo, semareo, hamateo ukanakawa. Ukatsti cananeonakax tam tamaw aywitatxapxäna. 19Cananeo jaqinakan uraqinakapasti, Guerar tuqikamaw purïna, Sidón markatpacha, Gaza sat markakama, ukhamarak Sodoma, Gomorra, Admá, Seboím markanakkama, Lesa sat uka markakamaraki. 20Cam chachan wawanakapasti ukanakänwa, sapa markasa, pachpa uraqipana, marka masinakaparjama, wila masinakaparjama, pachpa arupani.
21Jafet jaqin jilïr jilapa Sem chachasti wawanakanirakïnwa. Éber chachan wawanakapasti Sem chachat saraqirinakkamakïnwa. 22Sem chachan wawanakapasti Elam, Asur, Arfaxad, Lud, Aram ukanakänwa. 23Aram chachan wawanakapasti Us, Hul, Guéter, Mas, ukanakänwa. 24Arfaxad jaqisti Sélah chachan awkipänwa, Sélah chachasti Éber jaqin awkiparakïnwa. 25Uka qhipatsti Éber chachax pä yuqanïnwa, maynïrix Péleg sata, maynïristi Joctán sataraki. Péleg chachan urunakapan jaqinakax jaljtapxäna, ukhamat walja ayllunakasa, walja markanakas uñstäna. 26Joctán chachasti Almodad, Sélef, Hazar-mávet, Jérah, 27Hadoram, Uzal, Diclá, 28Obal, Abimael, Sebá, 29Ofir, Havilá, Jobab, taqi ukanakan awkipänwa, 30jupanakasti Mesá sat chiqata, Sefar sat chiqakam utjir taqi uka uraqinakan jakapxäna, ukasti inti jalsu tuqi qullunkir uraqinakawa. 31Ukanakänwa Sem chachan wawanakapaxa, sapa markasa, pachpa uraqipana, marka masinakaparjama, wila masinakaparjama, pachpa arupani.
32Ukanakaw Noé chachan wawanakapan wila masinakapaxa, tunu awkit saraqiriparjama, uraqinakaparjamaraki. Uma taripäwi qhipatsti, jaqinakax taqi tuqiruw aywitatawayxapxäna, ukatsti jach'a markanak aka uraqin sayt'ayapxarakïna.
Okuqokiwe okwamanje:
GÉNESIS 10: AYOPD
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Biblia Aymara ©Sociedad Bíblica Boliviana 1997.
Mapas ©Sociedades Bíblicas Unidas, 1996