GENESIS 8
8
Bumassit dagiti dandanum. Ti Wac ken ti Calapati. Ni Noe panawanna ti Daong ket Mangidaton.
1Ket ti Dios #Gen. 19:29. Ex. 2:24. 1 Sam. 1:19.inimatanganna ni Noe, ken amin nga an-animal a narungsot, ken amin nga animal a naamo, nga adda kencuana idi daong: #Ex. 14:21.ket pinalabas ti Dios ti maysa nga angin iti rabaw ti daga, ket nagsardeng dagiti dandanum;
2 #
Gen. 7:11. Naripcan met dagiti ubbog ti yuyeng, ken dagiti langit, ket ti tudo ti langit nagsardeng.
3Ket dagiti dandanum nagsublida a cancanayon manipud iti rabaw ti daga: ket nages-es dagiti danum iti calpasan ti #Gen. 7:24.sangagasut ket limapulo nga aldaw.
4Ket di daong naisadsad idi maicapito a bulan, idi maicasangapulo ket pito nga aldaw ti bulan iti rabaw dagiti bantay ti #2 Ar. 19:37. Isa. 37:38. Jer. 51:27.Ararat.
5Ket bimmassit la a bimmassit dagiti danum agingga iti maicasangapulo a bulan: idi maicasangapulo a bulan, iti umuna nga aldaw ti bulan, nagpakita dagiti pantoc dagiti bantay.
6Ket naaramid nga, iti calpasan ti uppat a pulo nga aldaw, ni #Gen. 6:16.Noe linuctanna ti tawa di daong nga inaramidna idi:
7Ket imbaonna ti maysa a wac, ket napan nagsublisubli, agingga iti di nagati dagiti danum iti rabaw ti daga.
8Ket imbaonna ti maysa a calapati, tapno mapanna kitaen no dagiti danum naabbatanda iti rabaw ti daga;
9Ngem ti calapati saan a nacasarac ti pangibatayanna iti sacana, ket nagsubli kencuana iti daong; gapu ta dagiti danum addada idi iti rabaw ti langa ti amin a daga: ket inunnat ni Noe ti imana ket innalana, ket impastrecna iti uneg ti daong.
10Ket naguray pay laeng iti sabali a pito nga aldaw; ket imbaonna manen di calapati iti ruar di daong;
11Ket di calapati nagsubli kencuana iti sumipnget ket, adtoy, iti ngiwatna ti maysa a bulong ti olivas a sinippitna: iti casta naawatan ni Noe nga naabbatan dagiti danum iti rabaw ti daga.
12Ket naguray pay laeng iti sabali a pito nga aldaw, calpasanna imbaonna di calapati; ket isu saanen a nagsubli kencuana.
13Ket naaramid nga iti maicanem a gasut ken maysa a tawen, iti umuna a bulan, iti umuna nga aldaw ti bulan, dagiti danum pimmanawda iti daga: ket iniccat ni Noe ti calub ti daong, ket kinitana, ket, adtoy, ti langa ti daga simamaga.
14Ket idi maicadua a bulan, idi maicaduapulo ket pito nga aldaw ti bulan, namagan ti daga.
15Ket nagsao ti Dios ken Noe a kinunana.
16Rumuarca iti daong, #Gen. 7:13.sica, ken ti asawam ken dagiti annacmo a lallaki, ken dagiti assawada agraman kenca.
17Ipanmo iti ruar a maicuyog kenca isu-amin a lasag, nga addaan biag nga adda kenca, uray tumatayab, ken an-animal a naamo, ken amin nga agay-ayam nga aguy-uyas iti daga; tapno agputotda cadagiti adu, ken #Ex. 1:22.agbunga, ken agadu iti rabaw ti daga.
18Ket ni Noe rimmuar, ken dagiti annacna a lallaki, ken ti asawana, ken dagiti assawa dagiti annacna a kimmuyog kencuana.
19Amin nga animal, amin nga aguy-uyas, ken amin a tumatayab, uray ania nga aggaraw iti rabaw ti daga, cas mayanatup iti cakitada, rimmuarda idi daong.
20Ket nangbangon ni Noe ti maysa nga altar ken Jehova, ket nangala iti tunggal nadalus nga animal, ken tunggal nadalus a tumatayab, ket impaayna dagiti daton a mapuuran iti rabaw ti altar.
21Ket nasay-up ni Jehova ti #Ex. 29:18, 25, 41. Lev. 11:9. Eze. 16:19; 20:40. 2 Cor. 2:15. Efe. 5:2. Fili. 4:18.nabanglo a sayamusom; ket kinuna ni Jehova iti pusona, #Gen. 3:17; 6:17.Diacto sublienen nga ilunod ti daga a maipuon iti tao, ta ti #Gen. 6:5. Sal. 51:5. Mat. 15:19. Rom. 1:21.darepdep ti puso ti tao dakes manipud iti kinaubingna; #Gen. 9:11. Isa. 54:9.diacto met sublienen a cabilen amin a nabiag, cas inaramidco.
22Bayat ti caadda ti daga, ti panagmula ken ti panagapit, ken ti lamec ken ti pudot, ken ti calgaw ken ti sibabasa, #Jer. 33:20, 25.ken ti aldaw ken ti rabii saandanto nga agsardeng.
Okuqokiwe okwamanje:
GENESIS 8: TB1973
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
Ti Biblia © 1973 Philippine Bible Society