aMatiyu 1
1
Izo̱ro̱k iya aYeso tú ku wuruk
(aLuk 3.23-38)
1Izibir natoon izo̱ro̱k iya aYeso Kiristi #1.1: aKiristi: fa: Akanang Ike̱re̱ Ikak, kaye̱e̱r nafarap'e nakak. Igon aDauda tú ku wuruk, kaye̱e̱r kasa Ibrahim.
2Ibrahim ne a nye atek Ishaku
ne Ishaku tes aYakub.
aYakub ne a nye atek aYahuda be ribir áronyining wu.
3aYahuda ne a tes aPeres be aZera, anyining ba tá nye aTamar.
Ne aPeres ne a nye atek aHeruna,
ne aHeruna tes Aram.
4Aram ne a nye atek Aminadap.
Ne Aminadap tes aNashon,
aNashon ne a nye atek aSalmon.
5aSalmon nye atek aBowas, anyining wu tá nye aRahap,
aBowas ne a nye atek aBida, anyining tá nye aRut,
ne aBida tes aZhese.
6aZhese ne a nye atek aDauda a tá nye agwo̱m.
aDauda ne a tes aSolomon anyining wu tá tsang a nye abining aYuriya.
7aSolomon ne a nye atek aRahobom,
ne aRahobom nye atek Abizha.
Abizha ne a nye atek Asa.
8Asa ne a nye atek aYehoshafa,
ne aYehoshafa tes aYoram,
ne aYoram ne a nye atek aYuziya.
9Ne aYuziya tes aYotam.
aYotam ne a nye atek Ahas,
ne Ahas tes aHezekiya.
10aHezekiya ne a nye atek aManasa,
ne aManasa tes Amon.
Amon ne a nye atek aYosiya.
11aYosiya ne a nye atek aZhekoniya be ribir aronyining wu nizen iya a tá kok áner aYahuda nong a tá se te ásam ni iben aBabila.
12Nama kutseng ba na aBabila:
aZhekoniya se tes aSheltiyel,
ne aSheltiyel tes aZarubabel.
13aZarubabel ne a nye atek Abiyud,
ne Abiyud tes Aliyakim.
Aliyakim ne a nye atek Azuro.
14Azuro ne a nye atek aZadok,
ne aZadok tes Akim.
Akim ne a nye atek Aliyudu.
15Aliyudu ne a nye atek Aleyara,
ne Aleyara tes aMatana,
ne aMatana ne a nye atek aYakub.
16Ne aYakub tes aYusufu a tá nye amitek aMarya
aya a tá tes aYeso, aya a tú ku yis ye aKiristi.
17Kamok anong, izam se kuso̱k be anaas kum be izen Ibrahim ma nizen aDauda. Izam se kuso̱k be anaas kum be izen aDauda ma izen a tá tseng ni iben aBabila. Izam se kuso̱k be anaas be izam a tá ne na aBabila ma nizen a tá tes aKiristi gip.
Kutes aYeso Kiristi
(aLuk 2.1-7)
18Ana ne kutes aYeso Kiristi se. Nizen iyong anyining nye kanamang kusam aYusufu, a be kafa kum ne an nye kuwe̱ne̱ng'e baꞌ, a be kafa'me be Kabik Kazhe̱l'e. 19Acam wu aYusufu'me nye aner atek nasho̱o̱n Adakunom, iyong a shim nong a tá te aMarya isum nasho̱o̱n ánerawe baꞌ, iyong a nye kanye̱k nong a tú won kyo̱o̱n.
20A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e. 21A tà tes igon, wan tù ku te riyerek ye aYeso, #1.21: aYeso: fa: Akanang Ike̱re̱ Ikak, kaye̱e̱r nafarap'e nakak. kamok wu ne a tà shesh ánerawe kaye̱e̱r rine̱n ba.”
22Cei ike̱re̱ na nye nong a tá shining ike̱ng iya Adakunom tá fe̱ nanu aner kuzarap, a tá fe̱ ye, 23“Di yin, kanamang tà be kafa, a tà tes igon, a tù ku yis ye Imanuwel. (Imanuwel sor, Adakunom se mak be yir.)”
24Nizen aYusufu tá shiming ni ida, a nye kyo̱ndi amaleka Adakunom'me tú ku tak ayong a sok abining wu nong a tá tseng'e. 25Amma aYusufu tsang a ku ren kyo̱ndi aner abining baꞌ, ma nama a tá tes igon'e, a tú ku yis ye aYeso.
Okuqokiwe okwamanje:
aMatiyu 1: izrNT
Qhakambisa
Dlulisela
Kopisha
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fzu.png&w=128&q=75)
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Wycliffe Bible Translators, Inc