Matiu Mǝncau
Mǝncau
Cau Amsǝban a ne mala Matiu ka kǝ na sǝm cau mǝɓoarne mǝnana ama Yesu nda Mǝ'amsǝban mana Ɓakuli pàcau ace, sǝ ɗǝm ngga ama yì nda ɓwa mǝnana nǝbani sǝ Ɓakuli lumsǝ apàcau male mǝnana pea aɓwana male mana a nza mala Kurcau Mǝ'e ka. Mǝnia yì bǝsa cau mǝɓoarne mǝnana yinǝ amsǝban ngga pa ace amǝ Yahudi, aɓwana mǝnana à ɓǝl Yesu sǝ gul aɓalǝia ka, nǝmurǝia ɗang, nda gbal ace ɓanza pupup.
Acau ɓa malǝmce mala Matiu ka à nongsǝia nǝ tsǝkiru pepe aɓa sǝlǝpe. Tite nǝ ɓǝlban mala Yesu, yi bangce batisǝma andǝ karǝkiban male, pǝlǝa yi twal acau mala turo hama, andǝ kanigir, andǝ twalban rǝkwana mala aɓwana a Galili. Anzǝm mǝnia ka Cau Amsǝban mala Matiu ka nyoulǝ cau mala gya mala Yesu twal a Galili aban ká a Urǝshalima, andǝ mala agir mǝnana à kumban aɓa limo mǝ'nzǝmoe mala Yesu, sǝ yi masǝlǝi arǝ cau mala gballe a nggun andǝ loapi ɓembe male.
Mǝnia yì Cau Amsǝban ngga nda ban lǝmndǝ ama Yesu ka nggea Mǝkanigir mǝgule na, mǝnana ndanǝ rǝcandǝa mala mǝnggi ɓa Nggurcau mala Ɓakuli, andǝ kanigir amur Domurǝm mala Ɓakuli ka.
Agir mǝnana a ɓalǝi ka
Tau andǝ ɓǝlban mala Yesu Kǝrǝsti1:1–2:23
Turo mala Yohana Mǝbatisǝma3:1–12:50
Batisǝma andǝ karǝkiban mala Yesu3:13–4:11
Turo mala Yesu aban aɓwana a Galili4:12–18:35
Gya mala Yesu twal a Galili aban ká Urǝshalima19:1–20:34
Limo mǝ'nzǝmoe mala Yesu tu nǝban Urǝshalima21:1–27:66
Loapi ɓembe andǝ lǝmndǝrǝu mala Mǝtalabangŋo28:1-20
Okuqokiwe okwamanje:
Matiu Mǝncau: mbu
Qhakambisa
Dlulisela
Kopisha
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fzu.png&w=128&q=75)
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Wycliffe Bible Translators, Inc. and © The Nigeria Bible Translation Trust 2016