Matiu 1
1
Tau mala Yesu
(Luka 3:23-38)
1Aɓa malǝmce ka tau mǝnana Yesu Kǝrǝsti, Mǝkà Dauda, Mǝkà Ibǝrayim, pur kam ngga ndya ka:
2Ibǝrayim ɓǝl Ishaku,
Ishaku ɓǝl Yakupu,
Yakupu ɓǝl a Yahuda
andǝ amǝ'eambǝi,
3Yahuda ɓǝl Parisa
andǝ Zera.
Nggea nda Tamar.
Parisa nda tar Hezǝron,
Hezǝron ɓǝl Ram,
4Ram ɓǝl Aminadap,
Aminadap ɓǝl Nashon,
Nashon ɓǝl Salmon,
5Salmon ɓǝl Boaza.
Ngge nda Rahap.
Boaza ɓǝl Obet.
Nggea Obet nda Rut.
Obet ɓǝl Jeshi,
6Sǝ Jeshi yi ɓǝl murǝm
Dauda.
Dauda ɓǝl Solomon.
Nggea Solomon ɗiɗyal ka
man-lú mala Yuriya na.#1:6 Ɓalli gbal aɓa: Rut 4:18-22; 1Kpa 2:1-15.
7Solomon ɓǝl Riabwam.
Riabwam ɓǝl Abija.
Abija ɓǝl Asa.
8Asa ɓǝl Jahoshafa.
Jahoshafa ɓǝl Joram.
Joram ɓǝl Uzaya.
9Uzaya ɓǝl Jotam.
Jotam ɓǝl Ahas.
Ahas ɓǝl Hezakaya,
10Hezakaya ɓǝl Manasa.
Manasa ɓǝl Amon.
Amon ɓǝl Josaya,
11sǝ Josaya yi ɓǝl Jekonaya
andǝ amǝ'eambǝi
(a baku mana a bwal amǝ
Isǝrayila a nzali malea
à um nǝia guro
a nzali Babila ka).#1:11 Ɓalli gbal aɓa: 2Amur 24:14,15; 2Kpa 36:10; Ir 27:19-21.
12A nzǝm mana à umna nǝia
a Babila ka
Jekonaya ɓǝl Shaltiyel.
Shaltiyel ɓǝl Jerubabel.
13Jerubabel ɓǝl Abiuda.
Abiuda ɓǝl Iliyakim.
Iliyakim ɓǝl Azura.
14Azura ɓǝl Zadok.
Zadok ɓǝl Akim.
Akim ɓǝl Iliyu.
15Iliyu ɓǝl Iliyaza.
Iliyaza ɓǝl Matan.
Matan ɓǝl Yakupu.
16Sǝ Yakupu yi ɓǝl Yisǝfu,
bura Maryamu.
Maryamu na yi ɓǝl Yesu,
mana à tunǝki ama Kǝrǝsti ka.
17Lǝmndǝ ama tite arǝ Ibǝrayim yi bwal ban Dauda ka anza lum-nong-ine na. Sǝ lo a ban Dauda yi bwal baku mala pwanban aban o a Babila ka anza lum-nong-ine na. Sǝ lo a baku mala pwanban aban o a Babila yi bwal ban Kǝrǝsti ka anza lum-nong-ine na.
Ɓǝlban mala Yesu Kǝrǝsti
(Luka 2:1-17)
18Ani sǝ ɓǝl Yesu Kǝrǝsti pa. Ngge, yì Maryamu ka Yisǝfu pur amuri nǝ̀ ali. Maryamu ka malaká yiu a ɓala mala Yisǝfu peatu ɗang, sǝ muna kpa a bumi nǝ kanì mala Bangŋo Mǝfele. 19Burri Yisǝfu, acemǝnana yì ka, ɓwa mǝɓoarne na ka, eare ama nǝ̀ pe wi kirsakya a mǝsǝ aɓwana ɗang. Yì ka, pak ɗenyicau ama à nǝ̀ gau aɓa sǝmbǝrǝa.
20Lang nda mur mǝnia yì ɗenyicau ka, mǝturonjar mala Mǝtalabangŋo yi pusǝrǝi abani a lorǝo. Mǝturonjar banggi wi ama, “Yisǝfu Mǝkà Dauda, ɓangciu ɓǝ̀ kǝa pakko arǝ twal Maryamu ɓǝ̀ duk mamo ɗang. Acemǝnana muna mana a bumi ka pě mala Bangŋo Mǝfele na. 21Yì ka, nǝ̀ ɓǝl muna-ɓwabura, sǝ a wu nǝ tsǝki wi lullǝu ama Yesu, acemǝnana nǝ̀ yia amsǝ aɓwana male aɓalǝ acauɓikea malea ka.”
22Agir mǝnia kat ka à yì pa anggo ace mǝnana ɓǝa lumsǝ cau mala Mǝtalabangŋo mana pur a kun mǝɓangna male ama:
23“Nsari nǝ̀ kum muna-bum,
nǝ̀ ɓǝl muna-ɓwabura,
à nǝ̀ tunǝi ama Immanuyel,”#1:23 Ɓalli gbal aɓa: Isha 7:14.
ɓālǝi ama,
“Ɓakuli na ata sǝm.”
24Lang Yisǝfu loapi ntulo ka, pak gir mana mǝturonjar mala Mǝtalabangŋo banggi wi ka, twal Maryamu ɓǝ̀ duk mami. 25Sǝ yì ka, pak ɓwama nǝi ɗang yi pur a gbashi muna-ɓwabura male, pǝlǝa tsǝki muna lullǝu ama Yesu.
Okuqokiwe okwamanje:
Matiu 1: mbu
Qhakambisa
Dlulisela
Kopisha
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fzu.png&w=128&q=75)
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© Wycliffe Bible Translators, Inc. and © The Nigeria Bible Translation Trust 2016