Luk Kwôlo kôl kwôli magtubu to Luk li hen
Kwôlo kôl kwôli magtubu to Luk li hen
Mega wo Matiyé liɲ Kwôlo Dôri wori hen iyôŋ na, Kwôlo Dôri wo Luk li bô magtubu tori a hen na, ôbi li môɲ Mark na liɲ kwori hen iyôŋ. Kwôlo ôbi li bô magtubu tori hende to hen a na:
1. Ôbi kôl na kwôli Ja ôbi lê batêm mega wo ré na ôbi kelê kwôli sa wo Jésu (3: 1-20) men, batêm to Jésu li men, lamê wo ôbi bare lamni a men (3: 21 - 4: 13).
2. Ôbi kôl kwôli derê kwôlê wo Jésu dô Galilé men, berarê wo ôbi berare ɓiɲé a men (4: 14 - 9: 50).
3. Ôbi kôl na kwôli kergare to Jésu hena Galilé ô Jérusalêm a hen (9: 51 - 19: 28). Niɲba, Luk hô kôl kwôlo ɗaŋgi gaɲ sa kwo Mark na kôl niɲ hen. Kwôlo ôbi kôl ôbi a na: Gawra wo Samari woɲ ôbi bô derê men, ôbi uɲé woɲ ôbi galê hen men, kema gawra wo ge kay aɲ bay hô uwoɲni hen men, erê wo Jésu ô iyé si Mart naɲ Mari a a men.
4. Ôbi kôl na kwôlê yê wo bay yê Jésu Jérusalêm a (19: 29 - 21: 38).
5. Na kwôli gerɲé gusiɲ to Jésu naɲ kwôli temayri (Sapitre 22-23).
6. Ôbi duu kibi magtubu tori hende to hen naɲ kwôli wulê woɲ Pak (Sapitre 24) kiriɲa Jésu siɲ sa bay tôri ka wôô ka ô wô erê Emayus hen pa dema ré sa kôl kwôli ayê wo Emen ay Jésu hôriɲ derômaraŋ a tô.
Sapitre 1: 1-4 na, Luk kôl kwôli kwôni wo ôbi li magtubu hende to hen biri hen men, kwôli soderé wo ôbi soderé magtubu tôri hende to hen a men. Bô magtubu Kwôlo Dôri hende to ôbi li hen na, ôbi kôl kwôli tô môɲ wo Jésu naɲ kwo Ja ôbi lê batêm (Sapitre 1-2). Na ya hen a ôbi ré kôl kwôli sé wo *mana wo derômaraŋ a si sa Mari a men, kwôli yê Ja ôbi lê batêm men, yê Jésu naɲ ayê wo bay abê gamgê ay kibri hen naɲ kurôŋ wo Mari kebe hen men, kwôli Jakari men, kwôli Siméɲôn a men. Men, Luk kôl wo Jésu ré na Emen men, ré na tô môɲ wo *Israyêl men, kwôli aŋga saari li biɲ ɓiɲé ka sa terare a na a men. Luk kôl kwôli geyé wo Emen gey ɓiɲé ka bay bôrji môɲ ani ré hen men, ka bay tôrɲêji hen men, yébé men, bay nimré men, ɓiɲé ka na Jubɲê ré hen a men. Men kwôli jé wo dami wo Tini Emen li men, yi derê men, heramê men, uwôlê Emen a men wo Kwôlo Dôri bi wo hen biɲ ɓiɲé hen.
Perê bay lê magtubu ka pôrbu ka gengiɲ sa Kwôlo Dôri hen na, na Luk a ɗé yiri yi ɓiɲé ka na Jubɲê ré hen a damaŋ. Mega wo bay hôn hara wo Jubɲê ré hen iyôŋ na, ôbi mase wô derê tô aŋga bay hôn né hen sélé biji. Kwona nabay ka kemnêŋ na, na Kwôlo Dôri wo hôniɲ dô. Men, hena nana dêŋse dô ba, naa sé sa ôbi gôliɲ naɲ gawrê kêm hen a men.
Okuqokiwe okwamanje:
Luk Kwôlo kôl kwôli magtubu to Luk li hen: kqpNT
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2007, Wycliffe Bible Translators, Inc. All rights reserved.