یوهَنّا 3
3
ایسّا و نیکودیموس
1نیکودیموس نامێن پَریسیے که چه یَهودیانی سرۆکانی دیوانئے باسکان#3:1 باسک، بزان اُزْو، مِمبر. یکّے اَت، 2یکّ شپے ایسّائے کِرّا آتک و گۆن آییا گوَشتی: ”او استاد! ما زانێن که تئو استادے ائے و چه هُدائے نێمگا آتکگئے، چێا که تان هُدا گۆن کَسێا گۆن مبیت، آ اے ڈئولێن مۆجزه و اَجَبَّتێن نشانی پێش داشتَ نکنت که تئو پێش دارگا ائے.“ 3ایسّایا آییئے پَسّئوا گوَشت: ”ترا راستێنَ گوَشان، تان کَسے دوبَر#3:3 یا: چه بُرزا، چه آسمانا. پێدا مبیت، هُدائے بادشاهیا دیستَ نکنت.“ 4نیکودیموسا گوَشت: ”چۆن بوتَ کنت که رُستگێن مردمے پدا چه ماتا پێدا ببیت؟ بوتَ کنت که آ، ماتئے لاپا برئوت و پدا پێدا ببیت؟“ 5ایسّایا پَسّئو دات: ”ترا راستێنَ گوَشان، تانکه کَسے چه آپ و روها پێدا مبیت، هُدائے بادشاهیا پاد اێر کرتَ نکنت. 6آ چیزّ که چه جسما پێدا بیت، جسم اِنت و آ چیزّ که چه روها پێدا بیت، روه اِنت. 7اے گپّا هئیران مبئے وهدے ترا گوَشان که په شما سجّهێنان الّمی اِنت که دوبَر#3:7 یا: چه بُرزا، چه آسمانا. پێدا ببێت.
8گوات هر جاه که بلۆٹیت، کَشّیت. تئو آییئے تئوارا اِشکنئے بله نزانئے چه کجا کئیت و کجا رئوت. آ کَس که چه روها پێدا بیت، آ هم اَنچُش اِنت.“#3:8 یونانی زُبانا ”گوات“ و ”روه“ یَکّێن گال اِنت. 9نیکودیموسا گوَشت: ”اے چۆن بوتَ کنت؟“ 10ایسّایا گوَشت: ”تئو وت اِسراییلیانی استادے ائے، اے چیزّا نزانئے؟ 11ترا راستێنَ گوَشان، ما هما چیزّانی هبرا کنێن که آیانی بارئوا زانێن و هما چیزّ که ما دیستگ‌اَنت، همایانی شاهدیا دئیێن. بله شما مئے شاهدیا نمَنّێت. 12وهدے من زمینی چیزّانی بارئوا هبرَ کنان، شما باوَرَ نکنێت. اگن آسمانی چیزّانی بارئوا هبر بکنان، گڑا چِه پئیما باوَرَ کنێت؟ 13هچکَس آسمانا بُرزاد نشُتگ، اَبێد چه#3:13 اَبێد چه، بزان گئیر چه. هما کَسا که چه آسمانا اێر آتکگ، بزان انسانئے چُکّا. 14هما ڈئولا که موسّایا، گیابانا مار چه زمینا چست کرت،#3:14 موسّائے زمانگا، گیابانا اِسراییلی کئوما ناپرمانی کرت و بازێن مارے آیانی سرا کپت و مردمِش کُشتنت. هُدایا گۆن موسّایا گوَشت که بْرنجێن مارے دارێئے سرا دْرنج. هرکس که اے مارا چاریت چه مرکا رکّیت. همے ڈئولا انسانئے چُکّ لازم چست کنگَ بیت، 15تانکه هرکَس که آییئے سرا ایمانَ کاریت، اَبدمانێن زِندئے واهند ببیت.“ 16چێا که هُدایا جهانئے مردم همینچُک دۆست داشتنت که وتی یکّ و یکدانگێن چُکّی نَدر کرت تانکه هرکَس که هُدائے چُکّئے سرا ایمانَ کاریت، گار و زیان مبیت و تان اَبد زندگ بمانیت. 17هُدایا وتی چُکّ په جهانئے مئیاریگ کنگا جهانا رئوان ندات، پمێشکا رئوانی دات که چه آییئے وسیلها جهانا برَکّێنیت.#3:17 رَکّێنگ، بزان نِجات دئیگ، بچّێنگ. 18هرکَس که چُکّئے سرا ایمانَ کاریت، مئیاریگَ نبیت، بله هرکَس که ایمانَ نئیاریت، چه پێسرا مئیاریگ اِنت، چێا که هُدائے یکدانگێن چُکّئے نامئے سرا ایمانی نئیاورتگ. 19هُدائے دادرَسی#3:19 دادرَسی، بزان هَکّێن پئیسله، هما شئور که چه دادگاهانَ کئیت، داوَری، اِنساپ. اِش اِنت: نور و رُژن جهانا آتک، بله رُژنئے بدلا مردمان تهارۆکی دۆست داشت، پرچا که آیانی کار سِلّ اَتنت. 20چێا که آ مردم که سِلّێن کارانی راها زوریت، چه رُژناییا نپرتَ کنت و وتا چه رُژنا دورَ داریت که آییئے کار و کِرد زاهر مبنت. 21بله آ که راستیئے راها زوریت، دێم په رُژناییا کئیت تانکه زاهر ببیت که آییئے کار هُدایی بوتگ‌اَنت.
ایسّا و یَهیا
22اے چیزّان و رَند، ایسّا گۆن وتی مُریدان یَهودیَهئے مێتگ و کلّگان شت و گۆن آیان همۆدا داشتی و پاکشۆدی‌ایَ دات. 23یَهیا هم سالِمئے نزّیکّا، ائینونا، مردمان پاکشۆدی دئیگا اَت. اۆدا آپ باز اَت و مردم په پاکشۆدیا آتکنت. 24اے وهدان یَهیا اَنگت زندانا بندیگ کنگ نبوتگ‌اَت.
25پاکیزگیئے سرا، یَهیائے مُرید و یکّ یَهودیێئے نیاما دَپجاکے بوت. 26گڑا یَهیائے مُرید یَهیائے کِرّا آتکنت و گوَشتِش: ”او استاد! هما مرد که اُردُنئے کئورئے آ دستا گۆن تئو گۆن اَت و تئو آییئے بارئوا گواهی دات، بچار، آ پاکشۆدی دئیگا اِنت و سجّهێن مردم هماییئے کِرّا رئوگا اَنت.“ 27یَهیایا آیانی پَسّئوا گوَشت: ”تانکه هُدا مدنت، انسانا هِچَّ نرسیت. 28شما وت شاهد اێت، من گوَشت که من مَسیه نه‌آن، بله چه آییا پێسر رئوان دئیگ بوتگان. 29بانۆرئے هُدابُند،#3:29 هُدابند، بزان واجه، واهُند، مالک، ساهِب. سالۆنک اِنت. انچۆ که سالۆنکئے دۆست اۆشتاتگ و سالۆنکئے تئوارا اِشکنت و گَل و شادانَ بیت، منا همے ڈئولێن کامل و سررێچێن شادهیے رستگ. 30آ باید اِنت دێماتِر ببیت و من پداتر ببان.“
آ که چه آسمانا کئیت
31آ کَس که چه بُرزا کئیت، چه سجّهێنان مستر اِنت و آ که چه اے هاکیێن دنیایا اِنت، زمینی مردمے و دنیایی چیزّانی بارئوا هبرَ کنت. بله آ که چه آسمانا کئیت چه سجّهێنان مستر اِنت. 32هر چیزّے که دیستگ و اِشکتگی، آیانی بارئوا گواهیَ دنت، بله کسّ آییئے گواهیا نمَنّیت. 33هرکَسا که مَنِّتگ، گواهی‌ای داتگ که هُدا راستی اِنت.
34آ کَس که چه هُدائے نێمگا رئوان دئیگ بوتگ، هُدائے هبرانَ کنت، چێا که هُدا وتی روها آییارا بێهسابَ بَکشیت. 35پت چُکّا دۆستَ داریت و سجّهێن چیزّی هماییئے دستا داتگ‌اَنت. 36آ کَس که چُکّئے سرا ایمانَ کاریت، اَبدمانێن زِندئے واهندَ بیت، بله آ که چُکّا نمَنّیت، زِندئے واهندَ نبیت و هُدائے کَهر و گزب آییئے سرا کپیت.
Okuqokiwe okwamanje:
یوهَنّا 3: HPKB
Qhakambisa
Dlulisela
Kopisha
Ufuna ukuthi okuvelele kwakho kugcinwe kuwo wonke amadivayisi akho? Bhalisa noma ngena ngemvume
© 2016-22 Wycliffe Bible Translators, Inc.