Amavesi eBhayibheli adumile avela kokuthi Iruka 7

Dlulisela

Pyno atimoherep epe mekewat haryporia timoherep wyti iwato kahato woꞌokyꞌe hat. Maꞌato uwe imohãpyk kurin kat yn iꞌaparap hap miꞌi hat wyti imoherep kurin yn woꞌokyꞌe hap. Miꞌi hawyi Iesui toꞌe haryporia pe -Pyno eminug saꞌag koꞌi atiwuare yne raꞌyn.

Maꞌato Iesui toꞌe haryporia pe -Uimohey epiat hap ehakyeraꞌat raꞌyn. Pyno waku ereto ro ewepiit hap wywo e.

Miꞌi hawyi haryporia tokosap yt pya hin i Iesui ape kai hawyi tuwak kahato hawyi toimoꞌapuk Iesui pyꞌokpe koꞌi teha hy wo hawyi toitip taꞌasap wo hawyi tohig Iesui pyꞌokpe hawyi toiꞌokpun naꞌyn mohag hy ikamhigse kahato rakat Iesui pyꞌokpe ete.

Maꞌato waku wẽtup ehay wo yn pykai etimowaku kuap kahato raꞌyn uhemiit hat e. Iꞌewyte uito ti areineꞌen miitꞌin poꞌoro kuap kahato hat. Kat pote uito surara akag sese areineꞌen. Miꞌi pote uhesuraraꞌin uiꞌe hap upi yn tukupteꞌen. Miꞌi pote areꞌe wẽtup ok pe ereto ro meiũpe pyi are pote toto hawyi areꞌe wẽtup ok pe eriot ro areꞌe pote meremo tuut. Iꞌewyte areꞌe etunug no uimikyꞌesat are uipotpap nug hat pe hawyi meremo tutunug. Mio tã e hawyi Iesui tuwanetup kahato raꞌyn hawyi tuwemorem miitꞌin sem kape hawyi toꞌe -Pyno areꞌe ehepe meiẽ toineꞌen yt Isareu ywania hin i pykai iwato kahato uimohey hepiat hap e.

Miꞌi turan Iesui tiꞌatumoehãite kahato miitꞌin iꞌahuu rakaria hoꞌopot haria iꞌewyte maꞌãu saꞌag ipiit piat rakaria iꞌewyte yt ihapytig i rakaria. Miꞌi hawyi Iesui tiꞌatuwesat raꞌyn Iuwãu potmuꞌeria -Eweiꞌaipok i ro hawyi ewehenoi ro Iuwãu me aikotã eiꞌakasa hap koꞌi iꞌewyte eimikuap koꞌi katupono mio yt ihapytig i rakaria iꞌatuhapytig i raꞌyn iꞌewyte ipy kĩꞌã rakaria ikohewyry kuap taꞌyn iꞌewyte hepihi pihi rakaria epihi tokãꞌã raꞌyn iꞌewyte yt hewaure kaꞌa i rakaria ikuap taꞌyn sehay iꞌewyte ikuꞌuro rakaria tuwenoꞌẽ raꞌyn guꞌuro pyi iꞌewyte putꞌok e raꞌyn ihakyꞌeꞌi rakaria ete Tupana topyhuꞌat morekuatno hap ete. Pyno ewehenoi ro ihay se rakat Tupana ehay ihakyꞌeꞌi rakaria pe.