Amavesi eBhayibheli adumile avela kokuthi Luukha 7

Dlulisela

Wa nuguul leek, da yiwassif kadar zunuubha al-katiiriin saamahoohum leeha. Wa achaan da, hi tihibb katiir. Laakin al-naadum al-saamaho leyah chiyya, yihibb chiyya.» Wa Isa gaal leeha : «Akiid zunuubki ankhafaro.»

Wa Isa hajja le l-mara battaan wa gaal : «Be sabab iimaanki nijiiti. Amchi be salaam.»

Wa wagafat wara Isa jamb rijileenah. Wa hi gaaʼide tabki wa badat tibill rijileenah be dumuuʼha wa tuguchchuhum be chaʼarha. Wa gaaʼide tihibb rijileenah wa tamsah fooghum al-itir.

Achaan da bas, ana zaati khijilt wa ma macheet leek. Wa laakin guul kilme waahide bas wa khaddaami yalga al-aafe. Achaan ana kula indi kabiir min foog leyi al-nitabbig amrah. Wa ana kula masʼuul fi naas al-tihit minni al-yitabbugu amri. Wa kan nuguul le waahid ‹Amchi›, hu yamchi. Wa kan nuguul le naadum aakhar ‹Taʼaal›, hu yaji. Wa kan nuguul le abdi ‹Sawwi ke›, hu yisawwiih.» Wa wakit Isa simiʼ kalaamah, hu alʼajjab bilheen wa anlafat le l-naas al-jaayiin waraayah wa gaal : «Nuguul leeku ma ligiit naadum waahid min Bani Israaʼiil al-indah iimaan chadiid misil iimaan al-naadum da !»

Wa fi l-wakit da bas, Isa chafa naas katiiriin min al-mardaaniin wa l-taʼbaaniin wa l-muchootiniin. Wa fattah uyuun amyaaniin katiiriin. Wa Isa radda leehum wa gaal : «Amchu wa ooru Yahya be kulla cheyy al-chiftuuh wa simiʼtuuh. Al-amyaaniin gaaʼidiin yichiifu wa l-uruj yuruukhu wa l-induhum jidaam yalgo al-aafe wa l-tarchaaniin yasmaʼo wa l-maytiin yabʼaso wa l-masaakiin gaaʼidiin yasmaʼo al-bichaara.