Amavesi eBhayibheli adumile avela kokuthi मर्‌कुस 7

Dlulisela

क्‍यारेकनिसिन सभइ खालको ननाम्‍रो बिचारहान मन भित्‍रभि निस्‍किकनि आउताइ र ओख्‍राइ ननाम्‍रो धन्‍दापट्‍टि फसाताइ, जस्‍ने बेभिचार गर्‌लाहार, चोरालाहार, मानिस मार्‌लाहार, बेस्‍या गर्‌लाहार, लोभ गर्‌लाहार, दुस्‍ट धन्‍दा गर्‌लाहार, फटाहा, फोहोर बोल्‍लाहार, डाहा गर्‌लाहार, कुरा काट्‍लाहार, घमन्‍डि होख्‍लाहार र मुर्‌ख धन्‍दा गर्‌लाहार। इ सभइ दुस्‍ट बोलिहान मानिसको मन भित्‍रभि निस्‍कताइ र एइ बोलिहान्‍इ मानिसके असुद्‍द बनाताइ।”

मानिसको मुखभि खइलो कुन्‍हुँ पनि चिजहान्‍इ असुद्‍द नाबनाताइ, तर मन भित्‍रभि बाइर निस्‍कलो कुराइ मात्‍रे मानिसके असुद्‍द बनाताइ।

येसुइ उनहान्‍के कहिक्, “यसइया अगमबक्‍ताइ ताहान फटाहाहान्‍को बारेमा ठिके अगमबाडि गरिक्, जस्‍नो लेखेलाटि, “इ मानिसहान्‍इ मर्‌हाइ मुखइ मात्‍रे आदर गर्‌तात्, तर इनहान्‍को मन मइपट्‍टि नाटि।

इनहान्‍इ बेकारमा मोरो पुजा गर्‌तात्, क्‍यारेकनि उनहान्‍इ सिखालो कुरा मानिसहान्‍इ बनालो नियम मात्‍रे हो।”

“ताहान त परमेस्‍वरको आग्‍याके छाडिकनि मानिसहान्‍इ बनालो चलन मान्‍ताओ।”