Amavesi eBhayibheli adumile avela kokuthi Yohanese 4

Dlulisela

Mangale Ma Jou o Baba, Una gea o Womahino dika, ko iwa ai badanga, ho nako o nyawa yomahuba Unangika kiani iwihioriki igou-goungu. De kiani to Una ai Womaha ma kuaha yapake hiadono itiai Unangika yomahuba.” Hokogea o Yesusu womihitararono.

Masara, ma oraha ahao iboa, de igoungu naa adonokau ma oraha, abe o nyawa yomahuba o Babaiye de ma titi iwihioriki ma gou-goungu. De Ma Jou ai Womaha yaduhunu hiadono yomahuba itiai. Ho ona yomahuba Unangika ma titi iwihioriki igou-goungu de o nyawa hokogea abe Ma Jou walingiri.

Masara onagona dika yokere o akere abe Ngohi ka idadi tahidoaka, gea ma moi dika yaokere de ko yopereluokaua yokere o akere gea. Angamoi o akere gea ahao idadi o akere ibubungiye manga badanga ma goronaka de genangino yomamake o wowango ma ngango ho ka hiado-adonika.”

Masara o Yesusu wopaluhu munangika wato, “Hobata, nako ngona nohioriki Ma Jou ai hidoaka o nyawaika, de nako Ngohi nohihioriki Ngohi naa de hokogenangua notemo. Abe nako nohihioriki onaguna Ngohi naa abe togahoko ani akere tokere, marai Ngohi o akere ko togahokuahi de ngona nogahokokau Ngohino o akere ma ngango abe inihidoaka o wowango ma ngango.” Hokogea o Yesusu womahingahu munangika.

Ho angamoi yomakokeleha hokogea, o Yesusu wahingahu onangika wato, “To Ngohi ahi inomo, gea ahi hingounu to Una ai mauika abe wohihidingotino. Abe naga o karajaanga wohihidoaka Ngohino de kiani gea tabootokahi, ho ahi karajaanga gea to Ngohi ahi inomo.” Hokogea o Yesusu wahitararono ona iwitobanii-niikika.

De o Samaria ma ngofeka gea motemo Unangika mato, “Ahi Baluhu, ko iwa ani guguiti de o humu naa kohagurutuku ho done o kiaino namake o akere abe inahidoaka o wowango o nyawaika? Ho done sarakia ngona nato ka idadi nohihiokere ngohino o akere ma ngango gea?

De ahao o ngofeka gea motemoli mato, “Ngohi tohioriki ahao naga o Mesia woboa abe iwifetongo o Kristusu de nako Una woboaka de ahao mata-mata womihitararono ngomino.” De o Yesusu wotemoli munangika wato, “Ngohi naa naga abe homakoketemo. Abe Una gea nifetongo nato o Mesia, gea Ngohi naa.”

De mahigaro onangika mato, “Niaino! Nihiniiki ngohi! Gea Una doka naga nanga humuoka wogogeruku wohihingahu abe hokokia ahi datoro mata-mata. Abeika la nginioo niwilega, bote Una gea o Mesia eko sarakia?”