Amavesi eBhayibheli adumile avela kokuthi Mataayo 6

Dlulisela

Woori emwe, muyenje okwamba obhukama bhwa Nyamuwanga na obhurengeresi bhwaye, na ebhindi ebhyo bhyone Nyamuwanga kaja okubhoongesisya.

Kurwa ejo, mwasiga okuyaya inguru ya mutondo, kwa okubha mutondo iri na jinyaako jaayo. Bhuri rusuku, ruri na jinyaako jarwo jinu jirwiyire.

“Mbe enibhabhwira ati, mwasiga okuyaya inguru ya obhurame bhwemwe ati, murirya ki, murinywa ki, amwi murifwara ki. Angu, murabhiiywe ati, obhurame bhuri na indiyo okukira ebhiryo, na omubhiri guri na indiyo okukira emyenda?

Tari omwanya gwa okusabhwa, ingira mu‑chisago chaawo, na wigare orwigi. Niwo usabhwe Esomwana unu ari mu‑mbisike. Niwo Esomwana unu kaarora jinu ejikorekena mu‑mbisike, arikuyaana echiyaanwa.

Kurwa ejo, emwe musabhwega Nyamuwanga nimwayika ati, ‘Raata weeswe unu uri mu‑rwire, risiina ryawo rikusibhwe. Obhukama bhwawo bhuuje. Okwenda kwawo kukorekane mu‑chaaro munu, rwa kutyo okukorekana mu‑rwire eyo.

Uchiyaane bhuri rusuku ebhiryo bhyeswe.

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira.

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

Yeesu ˆnaagenderera okubhabhwira ati, “Araabha mukafwira echigongo abhaanu ebhikayo bhyebhwe, Esomwana unu ari mu‑rwire wone aribhafwira echigongo ebhibhiibhi bhyemwe.

Muringire jinyonyi. Jitakuyamba, jitakugesa na jitakwibhiikira ebhiryo mu‑chitara. Noorwo kutyo, Esomwana unu ari mu‑rwire, kaajiriisya. Mbe, mukeenganyirisibhwa na jinyonyi, emwe muri na indiyo muno okukira jinyonyi.

“Mwasiga okwibhiikira ebhibhiikwa ku‑chaaro kunu, anu amayeenje na obhutaretare ebhinyamura na abheefi abhafumura orwigi korereki bheebhe. Tari mwibhiikire ebhibhiikwa mu‑rwire anu amayeenje na obhutaretare bhitakunyamura na abheefi bhatakufumura korereki bheebhe. Okubha anu mwibhiikiiye ebhibhiikwa bhyemwe, awo niwo emyoyo jeemwe wone jiribha.

“Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!

Mbe, araabha Nyamuwanga kaafwafya amanyaasi ga mw‑ibhara ganu gari‑wo reero, na mutondo nigeeswa mu‑muriro, angu, Nyamuwanga oyo ataribhafwafya, emwe abha eriikirisya ritooto?

Ni chimari enibhabhwira ati, bhaamarire okuramira omuyeero gwebhwe gwone. Nawe ukasoosya echiyaanwa, okubhoko kwawo kwa ebhumoosi kwasiga okumenya chinu okubhoko kwawo kwa ebhuryo okusoosya, korereki obhusakisi bhwawo, bhubhega bhwa mbisike. Mukakora kutyo, Esomwana unu kaarora mu‑mbisike, arikuyaana echiyaanwa.

“Mwiyangarire! Mwasiga okukora ebhikorwa bhya ekisi korereki abhaanu bhabharore. Araabha mukakora kutyo, mutariramira echiyaanwa choonechoone okusooka kw‑Isomwana unu ari mu‑rwire.

“Omwanya gunu omwiyima ebhiryo, obhusu bhwemwe bhwasiga okweresya obhusurumbaaye rwa kutyo abheerimaanya abhakora. Abheene abhasurumbara korereki abhaanu abhandi bhabharore ati, bheeyimire ebhiryo. Ni chimari enibhabhwira ati, bhaamarire okuramira omuyeero gwebhwe gwone. Nawe ukeeyima ebhiryo, iyosya obhusu bhwawo na okubhambaga amafuta ku‑mutwe gwawo, korereki abhaanu bhaasiga okumenya ati, wiyimire ebhiryo. Esomwana unu ari mu‑mbisike, niwe amenye era. Niwo Esomwana oyooyo unu kaarora jinu ejikorekena mu‑mbisike, arikuyaana echiyaanwa.