Amavesi eBhayibheli adumile avela kokuthi Mateo 6

Dlulisela

Haikaviveva rãnga pyheka tynonde Tũpa huvisharã'õpe'õ ryheva hareka hekope kavi'õ. Tũpa meẽpope opaite jy'arape mba'etypeva.

Avy pejepy'apy paree verãre, shara paree verã rekojy yngaa jepy'apy. Opaiteva arare, reko heta jepy'apy.

Hãrã she hai pee: Avy pejepy'apyhe peu verãre, hareka pymonde verãre. Ha'eãra hai mbai vasuveva ñandykove timbiuvi hareka ñandyrete mondeavaivi?

Nde rirure potarã, iche ndero'ipe, mboty nyrõche, hãma jurureshu Nderu neĩĩ rẽĩvape. Kyrã Nderu hesha ko neĩĩ rijapovarã, hetavare hỹnondepo opa mbyhekoviajyndekui.

Tẽvã pee kyrãpo pirure: Yreru vate arapy rĩmerẽĩva, avy tymyngy'aha ndyree. Tou ỹrẽãrẽ mburuvisha vasurãrẽĩvavive vateivi ouva. Tijapoha nde ripotava ko yvy'ĩãrẽ, vate arapeva rãĩmi.

Meẽ ore ho'ua verã ko ara pevãrã.

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Pee pyhejareiishi mbai porãmba japo pyndyrehevarã, Peru vate arapy'õ hejareiipo jyve pyndyhevi mbai porãmba pijapo vekua

Pymãihe vyrare haire ñimityãã hai, myno'õavaĩjy hareka mbatyã ñonokavi. Tẽvã Peru vate'õ hareka arapy'õ myngarushu reta, pee rãnga mbai vasuveshi hai reta.

Avy pymbaty maĩnunga hetava yvy'ĩãrẽ, kupii opa houvaipi, maĩnungakuere opa tujavape, hareka mãnãrõ'iare icheseaipi opa ñomi verã. Pymbatyĩ heta maĩnunga vate arapy, kupii ẽẽmbape, maĩnunga ñymbaimbape, hareka mãnarõ'iare ichembaa manarõpe verãpe. Shara maĩnunga heta ryrevape, haipepo ẽẽjyve ndypya.

Mbavẽãpo ijokuekashu mõkue ija pyrokue'ia. Mỹmorããpo penteva, tẽvã ĩrũpo haihuve; maĩrã japoveposhu penteva heishuva, tẽvã ĩrũpo mymorãã. Hãrã katuããpo Tũpa jairojatẽheva, jahaihujy kyrypoti.

Tũpa kyrãĩ mimonde ñana ñuupe puãva, parejyra hapyha tatape, tẽvã japoãrapo jyve pyndyrehe, pee kuareta sa'i jyrojava!

Hãma ĩme'ẽ peeva pavete'iare mboryshuva, avy mbavape tymbeu. Ñemiãpẽipo rijapo hareka Nderu opa hesha ñemiãpeĩ rijapova, haipo mbyhekoviandekui.

Avy pijapo mbaikavi kuaretare hỹnonde, pijeshakashu verã retaĩ. Kyrã pijaporã Peru vate arapy'õ, maĩnungapeãpo mbyhekoviape.

Hãrã pykarumbapepeĩrã, avy pyvy'ããpi hova mokue'iare rãĩmi; kyrã haire japo kuaretare heshahe verãre karuã ñynõĩrã. Ãñete hai pee, myngoviahamashu haire. Mbaimba reuvape rẽĩrã, jyvahe hareka ijakatu, hãrãpo kuaretare kuãã rykarumbape rẽĩrã. Koñẽĩ Nderu vate arapy'õ heshapo ñemiãpẽi rijapova; hãrã myngoviapo nde hetavare hỹnonde.