Amavesi eBhayibheli adumile avela kokuthi Lug 9

Dlulisela

Ɨni na, ban yen̰ kalaŋ nɔm ga ba tɔgɨyige le hɨn̰: «Hɨn̰ gɨ ungo na gey aye-cay-tɨbanɨ na, kuɗa gɨ ban aya gusi dɨbɨ coŋ ayan̰ sɨya-gɨ-dagɨli gɨ kan gagɨlɨn̰ge ungo gɨ kɔl ƴom cay nee n̰anan̰ gusi, dan̰ wɔlɛ pɨna pɨna kɨya dogɨn̰ nerɨn̰ bɨ, kɨya marɨn̰ bɨ.

Waŋ waŋ gɨ na gey pɔɗɛ gusi na, ban kɨya mɔndɛ gusi coŋ. Ama waŋ waŋ gɨ na mɨnda gusi coŋ kɨya canɨ na, ban kɨya pɔɗɛ gusi leen̰ cɨndi.

Jesu dɨbii cay nee hɨn̰: «Waŋ waŋ gɨ na ƴɨma seri yagan̰ ma na pɨlɨn̰ sɨla kɨɗɨn̰ kardi na, ɓala lɔɔ gɨye boy dɔɔ-ƴaa di da Kumu dɨŋ naŋ.»

Ungo na ɨran̰ dan̰ hɨnga wɔɔ ga cay gɨsəŋ gaŋ nɔm, ma na waa habe gɨ ni somɨn̰ dan̰ cɨndi naŋ le, wɔɔ hɨnga ga nee le kɨya lɔɔ danayi hayi ga? Naŋ!

Hɨn̰ gɨ ungo na daa dasi, kɨɗɨn̰ ga kan na tɨga gusoŋnɨ bɨ kɨɗɨn̰ ga kan na dɨra kɔl hɨnge bɨ na, ɨŋ-bandi Kurɨn̰-ungo le, ɨŋ kɨya dɔɔ dasi kol cayi kɨɗɨn̰ ga ɨŋ kɨya ɨrga dan̰ asɨn̰a tɨnge bɨ, dan̰ asɨn̰a da Banɨ bɨ, dan̰ asɨn̰a da ka-ƴɔbɛ ga daa nii ga woyge dan̰ cɨndɨge bɨ.

Jesu dɨbɨn̰ ungo le cay nee yeyi hɨn̰: «Gajaŋ kalɨn̰ ma orɨn̰ge dan̰ umboŋdɨge nee bɨ, cɨɗəŋ ga daa kalɨn̰ ma orɨn̰ge dan̰ ƴaadɨge nee bɨ, ama ɨŋ-bandi Kurɨn̰-ungo le, ɨŋ wa kɨɗɨn̰ ga ni dobɨn̰ canɨ nee naŋ.»

bɨ ban yege hɨn̰: «Waŋ waŋ gɨ na ƴɨma kɨye gɨ n̰əŋ hɨn̰ gɨ kɛ le gusi dan̰ gusoŋnɨ na, ban ƴɔmɔŋ na ɨŋ-bandi gusii bɨ, waŋ waŋ gɨ na ƴɨmaŋ ɨŋ-bandi gusii na ƴom na ban gɨ ba gɨygəŋ gusii bɨ. Ɨni na, sɨlagɨŋ ungo gɨ n̰əŋ duroygɨŋ nɔm na, ban ma na gɨ gumu.»