Amavesi eBhayibheli adumile avela kokuthi Chɔ᷄ŋ 14

Dlulisela

“Kɔ̄l nyūlōo̍ ya̍ I̍ cho̍ nya̍ mēl ni̍. Kɔ̄l nyūlū ya̍ I̍ nɔ̍ wo̍, ndu̍ ya̍ I̍ cho̍ nya̍ kē ni̍. Kɔ̄l nyūlū kōŋ, chi̍e̍ēŋndo̍ ō nɔ̍lā mbō ke̍ nya̍ ndu̍ le̍. Lā wa᷅ a̍ kɔ̄ltā tāmbɛ̍i̍ le̍. Ndu̍yɛ̍, lā yɔ᷅ŋ īsīōōŋ tē.

Mi̍ Chi̍i̍sū lo᷅ lo̍ŋ mbo̍ dīmūl ndu̍ āā, “Ya̍ cho̍ nɛ̄īyo̍ ni̍, a̍ tōnya̍a̍, a̍ yōōmōo̍. Wānā o̍ wānā nɔ̍lā mbō fu̍u̍lu̍u̍ nāa̍ Mɛ̄lɛ̄ka̍ Fi̍nyāa̍ chūā le̍ mɛ̄ɛ̍ o̍ sa̍bū nūu̍ ni᷄ŋ.

Mi̍ Chi̍i̍sū di̍mūl bu̍ɛ̍i̍yāā ndūa̍a̍ āā, “Lā wa᷅ a̍ kɔ̄ltā tāmbɛ̍i̍ le̍. Lā dɔ̄u̍ ti̍i̍nda᷄ŋ nyāa̍ o̍ Mɛ̄lɛ̄ka̍ ni᷄ŋ, ndu̍yɛ̍, mī lā dɔ̄ū vɛ̄lɛ̄ tīīnda᷄ŋ nyāa̍ o̍ ya̍ ni̍ŋ.

Mɛ̄lɛ̄ka̍ Fi̍nyāa̍ chō nya̍ Wānā Ma̍lāa̍ vīm, ndu̍ yɔ̍nūŋ māā Nyi̍na̍ ndɔ̄ɔ̍ ni̍. Ō chō ndu̍ vīōmɔ̄ɔ̄ a̍ dīōlā nīla̍ŋ. Ō hīŋ pɛ̍, nyɛ̄ o̍ nyɛ̄ nya̍ nɔ̄ le̍ sīnāa̍, ō chō nya̍ mu̍ŋ pɛ̄ɛ̄kū kpo̍u̍. Ndu̍yɛ̍, nyɛ̄ o̍ nyɛ̄ ya̍ I̍ di̍mu̍l nya̍, ō chō nya̍ yīyāla᷄ŋ.

“Wānā o̍ wāna̍ chu̍a̍ sāwāla̍ nīla̍ŋ pɛ̍, mɛ̄ɛ̍ ndu̍ ka̍a̍la̍ ya̍ ni̍. Ndu̍yɛ̍, wānā o̍ wāna̍ ka̍a̍la̍ ya̍ pɛ̍, kāālāa̍ Fi̍nyā nūu̍ ō kāālā wa̍nā ko̍ŋ ni̍. Ya̍ bɛ̍ɛ̍ I̍ cho̍ wānā ko̍ŋ kāālā, ndu̍yɛ̍, mī I̍ chɔ̍mnu̍ŋ ndu̍.”

Ndu̍yɛ̍ o̍ ko̍ŋ kɔ̍ɔ̍lī, I̍ nɔ̍lā mī di̍mu̍l Fi̍nyā nūu̍ mbō ke̍ nya̍ Wānā Ma̍lāā chēle̍ŋ mbō wa̍ a̍ nya̍ la̍tu̍lu̍ le̍ fɛ̍ɛ̍ŋ a̍ fɛ̍ɛ̍ŋ. Ndu̍ Nyi̍na̍ Mɛ̄lɛ̄ka̍a̍, ndu̍ chɔ᷅m wa᷅ŋnda̍ tōnya̍ cho̍ a̍ Mɛ̄lɛ̄ka̍ o̍kɔ̄ɔ̄ wo̍ ni̍. Kɛ̍ ndu̍yɛ̍, wānāa̍ do̍ū ti̍i̍nda᷄ŋ ndāa̍ o̍ Mɛ̄lɛ̄ka̍ ni᷄ŋ te̍ wa̍, ō tu᷅l nda̍ kɔ̄ɔ̄lī le̍. Kāni̍ fu̍u̍le̍, ā chi᷅ ndu̍ le̍, ndu̍yɛ̍, ā si̍nā ndu̍ le̍. Kɛ̍ ndu̍yɛ̍, nya̍ nya̍ sīnā ndu̍ ni᷅ŋ, kāni̍ fo̍ndōle̍, ō chō a̍ nya̍ la̍tu̍lu̍. Ndu̍yɛ̍, ō chō wā nya̍ kɔ̄ɔ̄lī.

Ndu̍yɛ̍, o̍ ko̍ŋ kɔ̍ɔ̍lī, nyɛ̄ o̍ nyɛ̄ nya̍ nyūna̍ le̍ ndu̍ a̍ dīōlā nīla̍ŋ pɛ̍, tōsāa̍ ya̍ I̍ to̍sāl nya̍ ni̍. Kāni̍ fu̍u̍le̍, le̍ mī Po̍ Mɛ̄lɛ̄ka̍a̍ tōsa̍ mī wāŋnda̍ chē mɛ̄ɛ̍ Mɛ̄lɛ̄ka̍ chō wāna̍ kɔ̄ndɔ̄fi̍li̍ yɛ̍. Nyɛ̄ o̍ nyɛ̄ lā nyūna̍ le̍ ndu̍ a̍ dīōlā nīla̍ŋ pɛ̍, tōsāa̍ ya̍ I̍ to̍sā ni̍.”

Mi̍ Chi̍i̍sū di̍mī āā, “Tē lā kāāla̍ ya̍ pɛ̍, mɛ̄ɛ̍ lā chō sāwāla̍ nīla̍ŋ chūā.

Chīɛ̍i̍ Fi̍nyā nūu̍ nɔ̄ yīya̍la̍ŋ ta̍u̍. Ndu̍yɛ̍, I̍ cho̍ lākɔ̄ yīya̍la̍ŋ bɛ̄ɛ̄ndīāā le̍ nya̍. Tē ndi̍ i̍i̍ ve̍ le̍nde̍ le̍, ya̍ i̍i̍ di̍mūl nya̍ le̍nde̍ le̍.

Ndu̍yɛ̍, tē I̍ kɔ̍ chi̍ī yīya̍la̍ŋ bɛ̄ɛ̄ndīāā pɛ̍, I̍ cho̍ mīīŋgū mī I̍ hu̍ŋ kɔ᷅ a̍ nya̍ le̍ mī ŋ̄ wa̍ na̍a̍ nya̍ā nāa̍ ya̍ I̍ wa᷅ ni̍ŋ nda̍.

O̍ ko̍ŋ kɔ̍ɔ̍lī, mi̍ Tɔ̄mɔ̍si̍ di̍mūl Chi̍i̍sū āā, “Māsānɔ̄ɔ̍, ŋ̄ si̍nā na̍a̍ ŋ̄ chō kɔ̄la̍ŋ nda̍ le̍. Mī vɛ̄ɛ̄ na̍a̍ ŋ̄ lōōku̍ yɛ̄ nɛ̄īyo̍ sīnā le̍ kɔ̄la̍ŋ lo̍ŋ?”