Amavesi eBhayibheli adumile avela kokuthi Chɔ᷄ŋ 13

Dlulisela

Ndu̍yɛ̍, I̍ cho̍ nya̍ sāwā sɛ̍nɛ̄ī dōū, ndu̍ yɔ̍nūŋ ho̍ō ni̍ māā, lā kāāli̍āŋ ve᷅llāa̍ vēllē. Mɛ̄ɛ̍ ya̍ I̍ ka̍a̍la̍ nya̍ yɛ̍, le̍nde̍ nya̍ kāāli̍āŋ ve᷅llāa̍ vēllē ni̍. Tē lā kāāli̍āŋ ve᷅llāa̍ vēllē pɛ̍, o̍ ko̍ŋ, wānā o̍ wānā si̍na̍ dɔ̍ɔ̍ māā bu̍ɛ̍i̍yāā nīa̍a̍ nya̍ chō ni̍.”

Ya̍ cho̍ Ma̍sānɔ̄ nyāa̍, ndu̍yɛ̍, mi̍ wa᷅ Ti̍chɛ̄i̍nɔ̍ nyā wo̍, nāa̍ ya̍ ya̍ I̍ pu̍lū wɔ̄ nya̍ pēlo᷄ŋ, mɛ̄ɛ̍ nya̍ bɛ̍ɛ̍ lā pūla᷄ŋ pe̍lo᷄ŋ vēllāa̍ vēllē le̍nde̍. Tāāmāsi̍o̍o̍ ya̍ I̍ chɔ̍m nya̍ ho̍ō ni̍. Lā tōsa̍ mɛ̄ɛ̍ ya̍ I̍ to̍sa̍ a̍ nya̍ yɛ̍.

Mi̍ Chi̍i̍sū mu̍lī āā, “A̍ si̍nā wɔ̍ nyɛ̄ ya̍ I̍ cho̍ ho̍ō tōsāa̍ wo̍ pɛ̄ŋgu̍ le̍. Kɛ̍ ndu̍yɛ̍, ā chō hūnɔ̄ɔ̄ ndu̍ pɛ̄ŋgu̍ si̍nā.”

Mī di̍mu̍l nya̍ tōnya̍a̍ wa̍la̍ŋ, chɛ̄ o̍ chɛ̄ bɛ̍ɛ̍ cho̍ mbō hīōū wāna̍ ō cho̍ o̍ bā wo̍ le̍. Ndu̍yɛ̍, wāna̍ nda̍ vīām ki̍i̍la̍le̍ŋ ndo̍, ō hi̍ū wa᷅na̍ vi̍ām ndu̍ wo̍ le̍.

Mɛ̄ɛ̍ nya̍ sīna̍ ni᷅ŋ sɔ̄ɔ̍ŋ mu᷅ŋ nu̍a̍ā yɛ̍, tē ō wa̍ pɛ̍ mī lā tōsa̍ mu̍ŋ, mɛ̄ɛ̍ lā pɛ̄l tɔ̄nɔ̄ɔ̍.

Mɛ̄ɛ̍ nda̍ wa̍ nyɛ̄ dīa̍a̍ dīo̍o̍, mi̍ Chi̍i̍sū cha̍ŋ mbo̍ sōlī dōmā le̍cho̍o̍ wa̍ ndu̍ lēkɔ̄ɔ̍ wo̍. Mbo̍ chūā kōlāa̍ mbo̍ yīīnu᷄ŋ o̍ chāŋ. Mbo̍ dūāū mɛ̄ŋnda̍ŋ o̍ hɛ̄ŋgɔ̍ɔ̍ ni᷄ŋ mbo̍ sāā bu̍ɛ̍i̍yāā ndūa̍a̍ pēlo᷄ŋ pūlɔ̄ɔ̍. Bu̍ɛ̍ī o̍ pu̍lū ko̍ pe̍lo᷄ŋ ō wɔ̄ɔ̄sūū mu̍ŋ a̍ kōla̍ wa̍ ko̍ŋ ndu̍ o̍ chāŋ ndo̍.