Amavesi eBhayibheli adumile avela kokuthi Matayi 6

Dlulisela

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Mutakapasyanje nizya ndabi pakuti ivya ndabi vya ndabi. Isiku lili lyosi lili ni ntamyo izyakuyana nalyo.

“Polelo inkubabuzya ukuti mutakapasyanje nizya bumi bwinyu ukuti mukwiza pakulya ichoni, pamo mukwiza pakung'wela ichoni, pamo nizya mabili ghinyu, ukuti mukwiza pakuvwala ichoni. Nkimba ubumi bute bwapamwanya ukuchila ichakulya? Nkimba umubili ghute wapamwanya ukuchila amenda?

Loli bo mukulonda pakwiputa, mwinjile muchipinda chinyu, mwighalile umulyango nukwiputa kwa Ghuso, yuyo atakuboneka. Po Ughuso yuyo akwennya vivyo mukubomba kubusyefu, akwiza pakubapa umuvwalo.

Bo mukwiputa mutinji, ‘Tata witu uwa kumwanya; itabwa lyako lichindikiwanje. Ubumwene bwako bwizaghe, ubwighane bwako bubombiwanje pachisu ichapasi pano ukuyana na mumo kubeleye kumwanya.

Utupe ilelo ichakulya icha isiku ni siku.

Utuhobokele imbibi zyitu ukuyana na mumo naswe bulo tukubahobokela abantu babo bakutunangila.

Utakitikizyanje ukuti tuwile munjelo, loli utupoke kwa Satana, Umubibi yula.’

“Nanti mukubahobokela abantu abanji zizyo babanangila, Ughuso uwa kumwanya akwiza pakubahobokela imbibi zyinyu.

Ennya, iviyuni vitakupesa imbeyu, pamo ukwinula, pamo ukubika ivyakulya muntamba, loli Ughuso uwa kumwanya akuvilyesya. Nkimba mute mwe bapamwanya nkani ukuchila iviyuni?

“Mutakilundikilaye ubukabi pachisu ichapasi, pakuti impezu nu lusima vikubunangannya, sona na biba bope bakupankula nukwiba. Loli mwilundikilaye ubukabi bwinyu kumwanya, kuko impezu nu lusima vitakubunangannya, sona na biba bope batangapankula nukwiba. Pakuti kuko kuli ubukabi bwako, ko kuko kuli nu moyo wako.

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.

Nanti u Chala angaghavwika amasote, ghagho ghaliko ilelo nukughasumbila pamoto indabi, nkimba atangabavwika amwe. Mwe bantu aba lwitiko ulunandi amwe.

Loli nanti mukumwavwa umuntu umupotwe, mutakazibombaye pabuzelu, umwakuti umumanyani wako uwa pamoyo atakazimanye. Po vivyo mwabomba vikwiza pakuba vya kubusyefu. Ughuso yuyo akwennya izyakubusyefu akwiza pakubapa umuvwalo.

“Muchebaye, mutakabombaye imbombo zyinyu ingolosu pabuzelu ukuti abantu babapale. Nanti mukubomba bunubu mutakwiza pakupokela umuvwalo uwakufuma kwa Ghuso uwa kumwanya.

“Nanti mukutuzya pakulya mutakalanjizyanje ichitima ukuyana na mumo bakubombela abazimbuli. Bakulanjizya ukukalala pamaso ukuti abantu babennye ukuti bakutuzya pakulya. Naloli inkubabuzya ukuti bapokelela zila umuvwalo wabo. Loli nanti mukutuzya pakulya, sukusula ku maso nukupesa isisi zyinyu kumutu ukuti abantu batakazimanye ukuti mukutuzya pakulya, loli Ughuso mwene yuyo atakuboneka. Po Ughuso yuyo akwennya izyakubusyefu, akwiza pakubapa umuvwalo.