Mataio' 1
1
Mataio' Izesu' Avolomoti Gulive'ine Gizine'
(Luka' 3:23-38)
1Izesu' Kilisito' avolomote mini di ani' neti gulive'ine nene ne'mino neive:
Guvelesi ve Davidi' aza Abalahamu' a'vo minine'.
Ido' Izesu' Kilisito' aza Abalahamungi Davidingi nga'vo minine'. 2Abalahamu' nene Isaka'ni gidine'.
Ido' Isaka' minosa Zakobo'ni gidine'.
Ido' Zakobo' minosa Zuda'nisi uvolomotine nakunolomotine nesi gidine'.
3Ido' Zuda' nene Tamala'ni do Pelezangi Zelangi gidine'.
Ido' Peleza' nene Hezeloni'ni gidine'.
Ido' Hezeloni' minosa Lamu'ni gidine'.
4Ido' Lamu' minosa Aminadabu'ni gidine'.
Ido' Aminadabu' minosa Nasoni'ni gidine'.
Ido' Nasoni' minosa Salemone'ni gidine'.
5Ido' Salemone' minosa Lahaba'ni do Boazi'ni gidine'.
Ido' Boazi' aza Luti'ni do Obedi'ni gidine'.
Ido' Obedi' aza Zesai' meleho minine'.
6Ido' Zesai' minosa guvelesi ve naba Davidi'ni gidine'.
Ido' Davidi' nene vene' gono' ma Ulia' elenahine do Solomoni'ni gidine'.
7Ido' Solomoni' nene Lehoboamu' meleho minine'.
Ido' Lehoboamu' minosa Abia'ni gidine'.
Ido' Abia' nene Asa' meleho minine'.
8Ido' Asa' nene Zehosohati'ni gidine'.
Ido' Zehosohati' nene Zolamu' meleho minine'.
Ido' Zolamu' nene Uzia' avoloho minine'.
9Ido' Uzia' nene Zotamu' meleho minine'.
Ido' Zotamu' minosa Ahazi'ni gidine'.
Ido' Ahazi' nene Hezekia' meleho minine'.
10Ido' Hezekia' minosa Manase'ni gidine'.
Ido' Manase' nene Amoni' meleho minine'.
Ido' Amoni' minosa Zosia'ni gidine'.
11Ido' Babelonia ve nete igi lovo hizi ngimi Zuda ve ngivile' igi ngele'mizi Babelonia misubouko vani' gameneu' nene Zekonia' ve uvele mele nene Zosiadati' soto' igi minani'.
12Ido' Babelonia misubouko vi mini adoti' Zekonia' nene Sealetiele'ni gidine'.
Ido' Sealetiele' nene Zelubabeli' meleho minine'. 13Ido' Zelubabeli' soto' ogo minavo ezelati' nene Abiudi' soto' ine'.
Ido' Abiudi' soto' ogo minavo ezelati' nene Eliakimi' soto' ine'.
Ido' Eliakimi' soto' ogo minavo ezelati' nene Azolo' soto' ine'.
14Ido' Azolo' soto' ogo minavo ezelati' nene Zadoku' soto' ogo minine'.
Ido' Zadoku' soto' ogo minavo ezelati' nene Akimi' soto' ine'.
Ido' Akimidoti' nene Eliudi' soto' ogo minine'.
15Ido' Eliudi' soto' ogo minavo ezelati' nene Eleazale' soto' ine'.
Ido' Eleazale' soto' ogo minidoti' nene Matani' soto' ine'.
Ido' Matani' soto' ogo minavo ezelati' nene Zakobo' soto' ine'.
16Ido' Zakobo' nene Zosehe' meleho minine'.
Ido' Zosehe' nene Izesu' izeleho Malia' ne'mi vanaho minine'. A'mine ve Izesu'nimu' nene O'moso'mo leli' do lu' izelive lo imiselelesa live ve lo laa' noune.
17Evene' gulive'ine ne'mino gizune' nene Abalahamu' guliveloti' vo Davidi' gulivelo' ivo nene gulive'ine fotini (14) ne'mine gizune. Ido' Davidi' guliveloti' Babelonia ve nete Zuda ve ngele'mizi Babelonia misubouko vani' gizunida nene evene' gulive'ine gohi fotini (14) ne'mine nene gizune. Ido' Babelonia misubouko vi mini tine' mili ani' gizunidoti' vo O'moso'mo do lu' izelive lo imiselelesa live ne'mi gulivelo' ivo nene gulive'ine gohi fotini (14) ne'mine nene gizune.
O'moso'mo Do Lu' Izelive Lo Imiselelesa Live Izesu'ni Nene Malia' Gidine'
(Luka' 2:1-7)
18O'moso'mo do lu' izelive lo Imiselelesa live Izesu' soto' ine' monovo nene ne'mino neive: Izesu' izeleho Malia' nene Zosehe' izeni elenaho minine'za olihe bizi minamasivo O'moso'mi Sikalahu' ne'mo Malia' mulunou' lemo mino izipe molo imine'. 19Ne'mine ogavo vanaho Zosehe' aza a'minemu' ningo gelo ve lisihe' minine' nenako nemu' Malia'ni nene evene' mukilite nigilavo hulo-deloni' nene ovozo helalive lo gelo zegeno haleko hulo-delove lo giline'. 20Ido' ne'mino gala gele'mo nomonivo Guvelesi ve'mi angelo' mali'mo vamuto' soto' o emo ti' lo lo-imine': Zosehe' gaza guvelesi ve Davidi' a'vo make, veneka Malia'ni nene dalohe hulo-delohe lo gaka gopo nogelaine' nene gelamozo. Izipahala nominine' nene O'moso'mi Sikalahuli'midati' nenako ne ha dalosane. 21Ne'mine oganivo gipe ma gedeleseive. Ne'mine ogavo gulive Izesu' ve lo molalosane. A'mine gulive ne'mi monovo nene do lu' izelive ve. Ido' eze evenele zuho neti lihime'ine hulo-ngedo do ngu' izeline' nenako nemu' gulive've nene Izesu' ve lo molalosane. 22Inite' muki' ne'mino soto' ine' nene O'moso'mi veleti' gamazi lo soto' oga' ive polohete mali'mo Guvelesi ve'mo line' gamazi ma lo-ngimine' nene gihile izelive losa soto' ine'. Ido' a'mine Guvelesi ve'mo line' gamazi nene ne'mino neive:
23Zaha ningamine' alu mali'mo izipahala mino gipele gedeline' nene gulive've Emanueli' ve li milalisave. A'mine gulive Emanueli' ne'mi monovo di velepe' izani' nene ne'mino neive: O'moso lelikisi neive.
24Ido' ne'mine ogavo Zosehe' aza okiseti' otosa angelo' lido' nene gele do elenahine Malia'ni nene ele'mize numu'veu' molani'za 25oko'nolo' damivo gipele ma gedavo gulive Izesu' ve lo molani'.
© 2013, Wycliffe Bible Translators, Inc. All rights reserved.