Génesis 10
10
Ebꞌ Yicꞌaal Naj Noé
(1a Crónicas 1:5-23)
1Jaꞌton skꞌaneal ebꞌ scꞌaal naj Noé tiꞌ: Sem, Cam, cꞌal Jafet. Yet jix lawi ecꞌ jun miman yaax nabꞌ tuꞌ, catuꞌ jix ali cꞌal yuninal ebꞌ.
2Jaꞌton sbꞌi ebꞌ scꞌaal Jafet tiꞌ: Gómer, Magog, Madai, Javán, Tubal, Mésec, cꞌal Tirás. 3Ebꞌ scꞌaal Gómer: Jaꞌton Asquenaz, Rifat, cꞌal Togarmá. 4Ebꞌ canwan scꞌaal Javán: Jaꞌton Elisá, Tarsis, ebꞌ Quitim, cꞌal ebꞌ Rodanim. 5Jaꞌ ebꞌ tiꞌ yicꞌaal Jafet ebꞌ masanil. Jaꞌ tituꞌ jix caey ecꞌ ebꞌ bꞌey stiꞌlaj jaꞌ mar, junjun cꞌal bꞌulan yetoj yicꞌaal cꞌal smajul txꞌotxꞌ, yetoj stiꞌ junjun bꞌulan ebꞌ.
6Ebꞌ scꞌaal naj Cam: Jaꞌton Cus, Misraim, Fut cꞌal Canaán. 7Jaꞌ ebꞌ scꞌaal Cus: Jaꞌton Sebá, Havilá, Sabtá, Raamá cꞌal Sabtecá. Jaꞌ ebꞌ scꞌaal Raamá: Jaꞌton Sebá, cꞌal Dedán. 8Jaꞌ Cus, smam Nimrod. Jaꞌ naj Nimrod tuꞌ, jaꞌ bꞌabꞌel yaaw jix yun yoc xol ebꞌ conobꞌ, 9caw ujtem noꞌ jix eloc naj, yutol jaxca tuꞌ jix el yin scꞌul Jehová; yuxan ey jun yalbꞌen ebꞌ ánima chi yal jaxca tiꞌ: Laan naj jaxca Nimrod, jun ujtem noꞌ, caw jelan yul sat Jehová. 10Jaꞌ yet sbꞌabꞌelal, yaaw yeoc naj Nimrod tuꞌ yibꞌan Babilonia, Érec, Acad, cꞌal Calné; yul yet txꞌotxꞌ Sinar ey wan conobꞌ tuꞌ. 11Jix lawi tuꞌ jix too bꞌey Asiria; jaꞌ tituꞌ jix swaꞌne canebꞌxa mimej conobꞌ: Jaꞌton conobꞌ Nínive, Rehobot-ir, Quélah, 12yetoj conobꞌ Resen, jun ey can snan xol Nínive yetoj Quélah. Jaꞌ canebꞌ conobꞌ tiꞌ junxane miman conobꞌal jix yute ey sbꞌa ebꞌ.
13Jaꞌ xol ebꞌ yicꞌaal Misraim jaꞌton ebꞌ Ludeo, ebꞌ Anameo, ebꞌ Lehabita, ebꞌ Naftuhítas, 14ebꞌ Patruseo, ebꞌ Casluhita, yetoj ebꞌ Caftorita (jaꞌton yin ebꞌ tiꞌ titnaj yicꞌaal ebꞌ Filisteo.)
15Naj bꞌabꞌel scꞌaal Canaán, jaꞌton Sidón cꞌal naj Het. 16Jaꞌton naj Canaán tuꞌ yichmam ebꞌ Jebuseo, ebꞌ Amorreo, ebꞌ Gergeseo, 17ebꞌ Heveo, ebꞌ Araseos, ebꞌ Sineos, 18ebꞌ Arvadeo, ebꞌ Semareos, cꞌal ebꞌ Amateos. Jix lawi tuꞌ, masanil ebꞌ Cananeo jix sajlem cantoj ebꞌ. 19Yuxan jaꞌ smoonal xꞌotxꞌ ebꞌ Cananeo tuꞌ, chi apni oc txꞌotxꞌ bꞌey smoonal Sidón, masantaꞌcꞌal bꞌey yetcꞌulal ecꞌtoj Guerar, catuꞌ chi jul txꞌotxꞌ bꞌey Gaza, catuꞌ chi pax cantoj txꞌotxꞌ yetcꞌulal smoonal conobꞌ Sodoma, Gomorra, Admá, cꞌal Seboím, chi lawi tuꞌ chi meltzo pax toj txꞌotxꞌ masantaꞌcꞌal bꞌey conobꞌ Lesa. 20Jatuꞌ jix caey cꞌal ecꞌ ebꞌ yicꞌaal Cam, junjun cꞌal bꞌulan yetoj yicꞌaal cꞌal smajul txꞌotxꞌ, yetoj stiꞌ junjun bꞌulan ebꞌ.
21Jaꞌ naj Sem sbꞌabꞌel yuẍtaj Jafet, ey cꞌal yuninal jix ali, masanil ebꞌ yicꞌaal Éber, jatuꞌ titnaj yicꞌaal ebꞌ yin Sem. 22Ebꞌ scꞌaal Sem tuꞌ, jaꞌton Elam, Asur, Arfaxad, Lud, cꞌal Aram. 23Jaꞌ ebꞌ scꞌaal Aram, jaꞌton Us, Hul, Guéter, cꞌal naj Mas. 24Jaꞌ Arfaxad smam Sélah, jaꞌ Sélah Salatiel smam Éber. 25Jaꞌ Éber tuꞌ ey cawan scꞌaal, jun chi yij Péleg,#10:25 Jaꞌ jun bꞌie chi yij Péleg, jaꞌ yin Hebreo, laan chi yun yal-le yetoj jun kꞌane “poꞌolebꞌail”. jaꞌ yul stiempoal naj tiꞌ jix poꞌocha cantoj ebꞌ ánima sat txꞌotxꞌ txꞌotxꞌ tiꞌ; jaꞌ junxa yuẍtaj tuꞌ chi yij Joctán. 26Jaꞌ Joctán tuꞌ smam Almodad, Sélef, Hasar-mávet, Jérah, 27Hadoram, Uzal, Diclá, 28Obal, Abimael, Sebá, 29Ofir, Havilá, cꞌal Jobab. Masanil ebꞌ tiꞌ scꞌaal naj Joctán ebꞌ. 30Jix can caan ebꞌ bꞌey txꞌotxꞌ txꞌotxꞌ chi tit tacꞌal bꞌey Mesá, masantaꞌcꞌal chi apni bꞌey Sefar, bꞌey sjolomlaj mimej wonan, yetcꞌulal bꞌey chi aol cꞌu. 31Jaꞌton ebꞌ tiꞌ yicꞌaal Sem, junjun cꞌal bꞌulan yetoj yicꞌaal cꞌal smajul txꞌotxꞌ, yetoj stiꞌ junjun bꞌulan ebꞌ.
32Masanil ebꞌ ánima tiꞌ, yicꞌaal cꞌal ebꞌ scꞌaal naj Noé, junjun tujan yicꞌaal ebꞌ yetoj smajbꞌal. Jaꞌ yet jix lawi ecꞌ jun miman yaax nabꞌ tuꞌ, catuꞌ jix sajlem cantoj ebꞌ, catuꞌ jix oc ebꞌ yin conobꞌal bꞌey yul yibꞌankꞌinal tiꞌ.
© 2016, Wycliffe Bible Translators, Inc. All rights reserved.