मत्ती 1
1
ईशु ची वंशावली
(लूका 3:23–38)
1अब्राहम ची ऊलाद्ध, दाऊद ची ऊलाद्ध, ईशु मसीह ची वंशावली।
2अब्राहम कनु इसहाक पैदा हुला, इसहाक कनु याकूब पैदा हुला, ते याकूब कनु यहूदा ते ओचे भऊ पैदा हुले। 3यहूदा चे पूत फिरिस ते जेरह हुते ते वांची आई चे नां तमार हुते, हिस्रोन कनु एराम पैदा हुला, 4ते एराम कनु अम्मीनादाब पैदा हुला, ते अम्मीनादाब कनु नहशोन ते नहशोन कनु सलमोन पैदा हुला। 5ते सलमोन ते राहब कनु बोअज पैदा हुला, ते बोअज ते रूत कनु ओबेद पैदा हुला, ते ओबेद कनु यिशै पैदा हुला।
6ते यिशै कनु दाऊद राजा पैदा हुला। ते दाऊद कनु सुलैमान वे असतरी कनु पैदा हुला जको पेहले उरिय्याह ची घराआली हुती। 7ते सुलैमान कनु रहबाम पैदा हुला, ते रहबाम कनु अबिय्याह पैदा हुला, ते अबिय्याह कनु आसा पैदा हुला, 8ते आसा कनु यहोशाफात पैदा हुला, ते यहोशाफात कनु योराम पैदा हुला, ते योराम कनु उज्जियाह पैदा हुला। 9ते उज्जियाह कनु योताम पैदा हुला, ते योताम कनु आहाज पैदा हुला, ते आहाज कनु हिजकिय्याह पैदा हुला। 10ते हिजकिय्याह कनु मनश्शिह पैदा हुला, ते मनश्शिह कनु आमोन पैदा हुला, ते आमोन कनु योशिय्याह पैदा हुला। 11ते बल्ति इस्राएल चे लौका नु गुलाम बणाती बेबीलोन जाणे चे समय मां योशिय्याह कनु यकुन्याह, ते ओचे भऊ पैदा हुले।
12गुलाम हुती कर बेबीलोन पुचाले जाणे चे बाद यकुन्याह कनु शालतिएल पैदा हुला, ते शालतिएल कनु जरूब्बाबिल पैदा हुला। 13ते जरूब्बाबिल कनु अबीहूद पैदा हुला, ते अबीहूद कनु इल्याकीम पैदा हुला, ते इल्याकीम कनु अजोर पैदा हुला। 14ते अजोर कनु सदोक पैदा हुला, ते सदोक कनु अखीम पैदा हुला, ते अखीम कनु इलीहूद पैदा हुला। 15ते इलीहूद कनु इलियाजार पैदा हुला, ते इलियाजार कनु मत्तान पैदा हुला, ते मत्तान कनु याकूब पैदा हुला। 16ते याकूब कनु यूसुफ पैदा हुला, जको मरियम चा मोणस हुता, ते मरियम कनु ईशु जको मसीह किहवावे, पैदा हुला।
17यूं करती अब्राहम कनु दाऊद तक चौहङा पीढ़ीया हुलीया। ते दाऊद कनु बेबीलोन सनु गुलाम बणाती कर पुचाले जाणे तक चौहङा पीढ़ीया हुलीया, ते गुलाम बणाती कर बेबीलोन सनु पुचाले जाणे चे समय कनु मसीह चे पैदा हुवणे तक चौहङा पीढ़ीया हुलीया।
ईशु चा जनम
(लूका 2:1–7)
18 #
लूक 1:27
ईशु मसीह चा जनम ऐ तरीके लारे हुला, कि जिसे बेले ओची आई मरियम ची सग़ाई यूसुफ चे लारे हुती गेली, तां वांचे मिलणे कनु पेहले ही वा पवित्र आत्मा ची ओर कनु गर्भवती लाभली गेली! 19तां विचे घरा आले यूसुफ ने जको धर्मी हुता ते विनु बदनाम करने ना चाहवे ला, विनु चोप-चाप करती कर छोड़ने ची सोचली। 20जिसे बेले ओ यां बाता ची सोच मां हुता तां प्रभु चा स्वर्ग़दूत ओनु खाबा मां ङिसला ते केहले, “हे यूसुफ! दाऊद ची ऊलाद्ध, तु आपणी घरा आली मरियम नु आपणे इठे आणने कनु ना ङर, कांकि जको विचे ढिड्डा मां छै, ऊं पवित्र आत्मा ची ओर कनु छै। 21#लूक 1:31वा पूत जमावी ते तु ओचे नां ईशु राखीयो, कांकि ऊं आपणे लौका चा वांचे पापा कनु उद्धार करी।”
22ईं सारे कोच्छ ऐवास्ते हुले कि जको वचन प्रभु ने भविष्यवक्ता चे जरिये केहला हुता, ओ पूरा हो। 23“ङेखा, हेक कुंवारी ढिड्डा लारे हुवी ते हेक पूत पैदा करी, ते ओचे नां इम्मानुएल राखले जई।” जाया मतलब, “नरीकार अम्चे लारे छै।”
24बल्ति यूसुफ नीङे कनु सुज़ाक हुती कर प्रभु चे दूता ची आज्ञा चे अनुसार आपणी घराआली नु, बीहा करती कर आपणे इठे गेहती आला। 25#लूक 2:21ते जब तक विणे पूता नु नी जणले तब तक ओ विचे गोढु कोनी गेला, ते ओणे ओचे नां ईशु राखले।
CC BY-NC-ND 4.0