Mathew 25
25
1-46“A'r amser 'ny bydd Teyrnas Nefodd in debyg i ddeg morwm briodas, sy'n cwmryd u lampe a mynd mas i gwrdd â'r priodfab. We pump o nhwy'n dwp, a pump in gall; achos we'r rhei twp wedi dwâd â'u lampe ond heb ddim oel; ond we'r rhei call wedi dwâd â oel 'da nhwy gida'u lampe. Achos bo'r priodfab in slow in dwâd dachreuon nhwy i gyd hepia a cisgu. Ganol nos we gwaedd, ‘Drichwch, co'r priodfab! Cerwch mas i gwrdd ag e.’ Wedi cododd i morinion priodas i gyd a cinnu'u lampe. Gwedo'r rhei twp wrth i rhei call, ‘Rhowch peth o’ch oel chi i ni, achos ma'n lampe ni bitu ddiffod.’ Ond atebo'r rhei call, ‘Sdim dal a wes digon i chi a ni. Gwell ichi fynd mas i'r shop i bernu peth ich chi’ch hunen.’ Fel wen nhwy ar i ffordd i bernu oel, dâth i priodfab, a âth i rhei we'n barod miwn 'dag e i'r weldd briodas, a gaunon nhwy'r drws glep. Nes mlân, dath i morinion priodas we ddim wedi mynd miw, a gweud, ‘Syr, Syr, agorwch i ni ‘fyd.’ Ond atebodd e, ‘Dwi'n gweud i gwir wrthoch chi, sena i in ich nabod chi.’ Watswch wedyn 'te, achos senoch chi'n gwbod i dwarnod na'r awr.
“Mae'n gowir fel bise dyn in mynd dros i môr ing galw i geithion ato, a'n gofyn iddyn nhwy ofalu ar ôl i eiddo fe; i un oiodd e bump talent, i un arall dwy, a i un arall un, fel wen nhwy'n galler neud, a fe âth e bant dros i dŵr. Nâth ir un we wedi câl oum talent fynd ati ar unweth i ddachre busnes da'r talente a enillodd e bump arall. Run ffordd nâth ir un we wedi câl dwy dalent ennill dwy arall. Ond nâth ir un we dim ond wedi câl un dalent fynd a torri twll in i ddeair a cwato arian i fishtir. Wedi amser hir dâth mishtir i ceithion 'ny gatre a setlo pethe gida nhwy. Dâth ir un we wedi câl pump talent â pum talent arall, a gweud, ‘Syr, nes ti drysto fi i ofalu ar ôl pump talent. Dricha, dwi wedi ennill pump talent arall.’ Gwedodd i fishtir wrtho, ‘Da iawn, wit ti wedi neud in dda iawn, wit ti'n geithwas da galla i i drysto! Ces ti di drysto 'da bach o bethe; dwi mynd i di roi di dros lot. Dere a sharia in llawenydd di fishtir.’ Dâth ir un we wedi câl dwy dalent ‘fyd, a gweud, ‘Syr, nes ti drysto fi i ofalu ar ôl dwy dalent. Dricha, dwi wedi ennill dwy dalent arall.’ Gwedodd i fishtir wrtho, ‘Da iawn, wit ti wedi neud in dda iawn, wit ti'n geithwas da galla i i drysto! Ces ti di drysto 'da bach o bethe; dwi mynd i di roi di dros lot. Dere a sharia in llawenydd di fishtir.’ Ond fe ddâth ir un we dim ond wedi câl un dalent a gweud, ‘Syr, wen i in di nabod di: wit ti'n ddyn caled, wit ti'n cwen lle wenot ti wedi hou, a wit ti'n casglu lle wit ti ddim wedi gwasgar. We ofon arna i, so es i a cwato di dalent di in i ddeiar. Dricha, ‘co beth sy berchen i ti.’ Gwedodd i fishtir wrtho fe, ‘Ceithwas drwg a joglyd wyt ti! Wet ti'n gwbod, ond wet ti, bo fi'n cwen lle wena i wedi hou, a'n casglu lle wena i wedi gwasgar? Ddilet ti wedyn 'te fod wedi rhoi'r arian i ddinion i banc ddrich ar i ôl e; a pan fisen i wedi dwâd nôl bisen i wedi câl beth we'n eiddo fi nôl gida llog. Cerwch â'r dalent wrtho fe a'i rhoi ddi i'r un sy â deg talent 'dag e; achos i bob un sy â rhwbeth, ceith mwy i roi, a bydd digonedd 'dag e; ond wrtho fe sy â dim 'dag e, geith hyd-nôd beth sy 'dag i gwmrid wrtho fe. Towlwch i ceithwas diwerth i'r tewillwch tu fas; bydd wben a crenshan dane fan'ny.’
“Pan ddeith Crwt i Dyn in i ogoniant a'r angilion i gyd gidag e, wedyn bydd e'n ishte ar i orsedd ogoneddus; a bydd i cenhedlodd i gyd in dwâd o'i flân e, a bydd e'n gwahanu nhwy wrth i gily, fel ma bugel in gwahanu'r defed wrth i gafrod, a bydd e'n rhoi i defed ar i law dde, a'r gafrod ar i law whith. Wedyn bydd i Brenin in gweud wrth i rhei ar i dde, ‘Dewch, chi sy'n câl bendith i Tad, chi sy pia'r Deyrnas sy wedi câl i pharatoi ar ich cownt chi cyn bo'r byd wedi câl i greu; achos wen i'n llwgu a roies ti fwyi fi; we siched arna i a roiest ti rwbeth i ifed; wen i'n ddierth a gwmres ti fi miwn; wen i'n borcyn, a wisheges ti fi; wen i'n sâl a des ti ing ngweld i; wen in i jâl, a des ti ata i.’ Wedi neith i rhei cifion i ateb e, ‘Mishtir pryd welon ni ti in llwgu a rhoi bwyd i ti, neu'n sichedig a rhoi rhwbeth iti ifed.? Pryd welon ni ti'n dierth a’th gwmrid i miwn, neu'n borcyn a rhoi dillad iti? Pryd welon ni ti'n sâl, neu miwn jâl, a dwâd i di weld di?’ Bydd i Brenin in u hateb nhwy a gweud, ‘Dwi'n gweud i gwir wrthoch chi, ma unrhyw beth nethoch chi dros un o'r rhei lleia hyn sy'n frodyr i mi, in rhwbeth nethoch chi i fi.’ Wedyn neith e weud ‘fyd wrth i rhei ar i law with e, ‘Cerwch wrtha i, chi sy wedi’ch condemo, miwn i'r tân tragwyddol sy wedi câl i baratoi ar gownt i diawl a'i angilion; achos wen i'n llwgu a netho chi ddim rhoi bwyd i fi; wen siched arna i, ond nethoch chi ddim rhoi ddim byd i fi ifed; wen i'n ddierth a nethoch chi ddim in gwmrid i miwn; wen i'n borcyn on nethoch chi ddim rhoid dillad i fi, in sâl a in jâl a nethoch chi ddim dwâd in weld i.’ Wedyn newn nhwy ateb, ‘Mishtir, pryd welon ni ti'n llwgu, neu â siched arnot ti, neu'n ddierth, neu'n borcyn, neu'n sâl, neu in jâl a neud dim byd amdano fr?” Wedyn neith e ateb, ‘Dwi'n gweud i gwir wrthoch chi, os ffeiloch chi neud e i unryw un o'r dinion ishel, ffeiloch chi neud e i fi.’ Biddan nhwy'n mynd i gosb am byth, ond bydd i cifion in mynd i fowid am byth.
Y Beder Ifingyl gan Lyn Lewis Dafis. Hawlfraint – M ac R Davies