Zwz Nduq 2
2
1Hoakzaqnaeh, dij Sen chauq fax daj dihndin, daj daengzle sowh gaenq yuq ndaw paenqdix naeh ndae nauq. 2Taeng vaenz daih jiat naeh, dij Sen hoak nauq sowh gaenq dix chauq naeh, zoq chauq gah, zoq cednoiq. 3Vaenz daih jiat, gaj yowngh gaj chauq ndae nauq. Dij Sen zoq gumx vaenz daih jiat, aeu vaenznaeh hoak daj vaenz ndai mboq dungzlumj, hoak Vaenz Cednoiq.
Dij Sen Yez'hoahhuah Chauq Goanz Zaiz
4Suq baihdawj inxnaeh zawh dij Sen hoakrawz chauq fax daj dihndin. Zwz dij Sen Yez'hoahhuah chauq fax daj dihndin naeh, 5dix naengz mboq hawj miz paen daeuj, yaq goj mboq miz dij goanz ndaem raehnaz. Baenzzaqnaeh, dihndin zoq mboq kwnj maexnyaj, raehnaz naengz mboq kwnj kaeujpyaek. 6Gaj dihndin gaj dih gaj miz laemzmoag og maz; gaj dih gaj chauh. 7Daeklaeng dij Sen Yez'hoahhuah aeu namh hoak goanz zaiz ux. Gaenqdix baeuq minghkoan mwz ndaw ndaeng goanz zaiz naeh. Goanz zaiz naeh zoq baenz goanz ux miz aen mingh rux zaeu. Goanz zaiz naeh minxzwh dix hoak Yaqdangz. "Yaqdangz" zawh hax: "dij goanz."
8Dij Sen Yez'hoahhuah yuq ndaw baih tang'vaenz og naeh dih rongx hoak Yizdenh naeh saeh dij goanz hoak dih ux yuq zaih taeuq, dih naeh daj oax sown dwx ux dungzlumj. Yaq dij Sen aeu goanz zaiz dix chauq naeh bae ndaw oax sown naeh yuq. 9Dij Sen Yez'hoahhuah hawj ndaw oax sown naeh gaj dih gaj kwnj maex maeg yaeuq yawz, maeg dix yaeuq jinvan taeuq. Yuq ndaw jinghzang oax sown naeh, miz song go maexmaeg. Miz go ux dij goanz gawz jin maeg dix, gawz zoq zaeu daengznauq. Yaq naengz miz go ux, dij goanz gawz jin maeg dix, gawz zoq ruxndeq hoak sowh rawz zawh sowh ndae, hoak sowh rawz zawh sowh ndog.
10Miz ka dah ux daeq Yizdenh og daeuj, naemx dix aeu hoak naemx zowngx maex ndaw oax sown naeh, yaq lae bae baihnog, baen baenz siq ka. 11Miz ka dah ux rongx hoak Bixcunq, baenq haenz Hazfaezlaz. 12Hazfaezlaz miz jim ndae, miz zaenzzuz, miz maxnaux ndiang. 13Miz ka ux rongx hoak Jizcunh; baenq haenz daengz ndaw Guxsowh. 14Miz ka ux rongx hoak Dixgowhlixswz, gvaq zoah Yaqsuh baih tang'vaenz og naeh. Miz ka ux rongx hoak Yaeuqfahlazdix.
15Dij Sen Yez'hoahhuah aeu Yaqdangz bae yuq oax sown Yizdenh, hawj dix hoak gaengx daj dawz oax sown Yizdenh. 16Dij Sen Yez'hoahhuah daj Yaqdangz hax: "Yuq ndaw oax sown Yizdenh mawz ngaiq jin sowh maeg rawz zoq jin sowh maeg rawz. 17Mizgaj go'maeg dij goanz jin yaq hawj dij goanz ruxndeq hoak sowh rawz zawh sowh ndae, hoak sowh rawz zawh sowh ndog naeh, go naeh mawz hoak rawz goj laek jin. Jixzawh mawz jin, vaenznaeh mawz zoq tai."
Dij Sen Yez'hoahhuah Chauq Puj Nyingz
18Daeklaeng dij Sen Yez'hoahhuah hax: "Dij goanz goanzdoag haeg yuq zawh sowh mboq ndae. Gux saeh dix chauq sowh ux hoj hoak dungzbownh dix, maz saeh dix." 19Dij Sen Yez'hoahhuah aeu namh chauq do dihndin daj dij noag ndaw fax, zowz paenqdix maz doqnaj Yaqdangz, hawj dix nyaek minxzwh. Dix nyaek sowh do rawz hoak minxzwh gaeng, sowh do rawz zoq rongx hoak minxzwh gaeng. 20Dix hawj do ndaw rownz, dij noag ndaw fax, do ndaw bo nyaek minxzwh. Gaj daengzle mboq miz gaenqrawz hoj hoak dungzbownh dix daj saeh dix.
21Yaq dij Sen Yez'hoahhuah hawj Yaqdangz noanzlaep ndae yaengh ndae. Gau Yaqdangz noanzlaep naeh, dij Sen aeu ndukchangj Yaqdangz laenj ux, daeuq hawj nowx dix homq. 22Dij Sen Yez'hoahhuah aeu laenj ndukchangj naeh chauq goanz puj nyingz ux, zowz dix mwz haenz Yaqdangz. 23Yaqdangz hax: "Gaenqnaeh zawh aeu nduk gux daj nowx gux hoak, dix zawh daeq ndaw ndang puj zaiz byenq daeuj, gux zoq nyaek dix hoak: ‘puj nyingz.’"
24Hoakzaqnaeh puj zaiz byaeg bohmeh, daj mijmez zaemh yuq, song goanz dungzhaeb, baenz zaq goanz doag naeh. 25Goanz zaiz naeh daj mijmez dix gawz goj mboq nungh gaeng, gaj gawz goj mboq laizlom.
© 2023, Peace Publishing Co. All rights reserved.