Psalms 84
84
1God ajuqhaituq, angatjuvikpagjuan nakuugigapku akhutagjuaq.
2Angaatjuvikpagjuani najurumaliqtunga. Taffuma avaluit takujumanaqpiaqtun. Ilumnin atuqpaktunga alianaqtumik Godmun inuuliqtumun.
3Qupanualluunniin upluliuqtun, qupanuaqpagjuallu inikhanikpakhutik pikhamingnik pamiqhiplutik ikpativit haniani Ataniq ajuqhaittuq, Atanira Godiga.
4Tapkuat inuit angatjuvikpagjuaqpit iluaniittun najuinarumik quviahukpaktun atuinaqhutik ilingnun.
5Quviahukpaktullu tapkua hakugiktitaugumik ilingnin, maniilgunun Zionmik atiqaqtumun aquijumaplutik.
6Apqutigilugu natirnaq paniqhimajuq kuutirunguqtainnaqtuq nipaluum immiqtiriliqpaktait.
7Tapkua aullaqhutik hakugikpallialiqtun tautungniaramitku godit Godinga Zionmi.
8Ataniq God ajuqhaittutin, qin'ngautiga tuhaaguuk nalaullutin ilaa, Jacobim Godinga.
9Nunapta ataninga nakuruqtitauli Godmin, tamna pilluaqhimagami.
10Upliguma atauhirmik angaatjuvikpagjuarni nakuutqijaq uplunin amigaittunin ahiniitkaluaruma. Uvangalu Godim igluata ukkuangata haniani nangirama nakuutqijaujuugaluaq najuriamnin huinniqitujun igluangni.
11Ataniq amiqhigijaqqut ataniupluni alianaqtumik nakuruqtittiplunilu uvaptingnik naammaktumik anirniniktitpiaqhugit humilliqa, kitkullikiat nakuujumik pikpata.
12Quviahuutun tapkuat ukpiringmatin God ajuqhaittuq.
