Psalms 46
46
1God amiqhijiujuq hakugingniuplunilu, ikajurumapluta ajuqhaliraigupta.
2Talvuuna iqhiurunaiqtugut nunat hajulaqikpata, maniilrullu katakpata tagjungmun itijuamun.
3Tariurluunniin nipiqquqtujumik qaraqpata, maniilrut ingutaarlutik akhutakjuarmik.
4Godipli igluqarviani kuugaq quviahuktittijuq kingitqijaujum iglumiuqatainnik.
5Godiplu igluqarvik tamna najurmani nungulaittuq, qaulraaqtillugu qaitjutiginiaqtaa ikajurumaplugu.
6Nunaqatigiit iqhitakpiaqtun, atan'nguviillu in'ngumakpakhutik God nipliqpan nuna nunguniaqtuq.
7Atan'ngum ajuqhaittum ilagijaatigut, Jacobim Godinga uquutaupluni pipluta.
8Qaititti takujaqturlugu Atan'ngum havaanga, nunami arlingnaqtunik pivangman.
9Nunami tamainni taffuma angujaktailijain inuit, navikhugit pitikhiit, ahiruqtitugillu kapuutit, makagillu ikualapkaqhugit.
10Uqaqtuq, “Angujaktailitjavuhi ilihimaqupluhi Godiugama ataniuplunga nunaqatigiini nunani tamainni.”
11Atan'ngumli ajuqhaittum ilagijaatigut, Jacobim Godinga uqutaupluni pipluta.
