လံာ်စီၤမိၤရှ့အခီၣ်ထံးတဘ့ၣ်. ၄
၄
1ဒီးစီၤအၤဒၣ်သ့ၣ်ညါအမါနီၢ်အံၣ်အု, ဒီးအဝဲဒၣ်ဒၢ ထီၣ်, ဒီးဆံးစၢ်န့ၢ်စီၤကၤယံၣ်, ဒီးစံးဝဲဒၣ်, ယန့ၢ်ဘၣ် လံပှၤကညီတဂၤလၢယွၤလံ. 2ဒီးဆံးစၢ်န့ၢ်ကဒီးအပုၢ် စီၤဟ့းဘ့းလးလီၤ. ဒီးစီၤဟ့းဘ့းလးန့ၣ်မ့ၢ်ပှၤကွၢ်သိ လီၤ. မ့မ့ၢ်စီၤကၤယံၣ်တဂၤန့ၣ်မ့ၢ်ပှၤမၤဟီၣ်ခိၣ်လီၤ.
3ဒီးတၢ်မၤအသးလၢမုၢ်နံၤတဖၣ်အကတၢၢ်န့ၣ်, လၢ စီၤကၤယံၣ်ဟဲစိာ်တၢ်မၤဘူၣ်ကစၢ်ယွၤလၢ ဟီၣ်ခိၣ်အ တၤသၣ်လီၤ. 4ဒီးစီၤဟ့းဘ့းလးဟဲစိာ်စ့ၢ်ကီးသိအဝဲၢ် ကိတဖၣ်ဒီးအသိန့ၣ်လီၤ. ဒီးဘၣ်ယွၤအသးလၢစီၤဟ့း ဘ့းလးဒီးအတၢ်မၤဘူၣ်လီၤ. 5မ့မ့ၢ်စီၤကၤယံၣ်ဒီးအ တၢ်မၤဘူၣ်န့ၣ်တဘၣ်ဘၣ်အသးဘၣ်, ဒီးစီၤကၤယံၣ် အသးထီၣ်ဒိၣ်ဒိၣ်ကလဲာ်, ဒီးအမဲာ်လီၤသပှၢ်လီၤ.
6ဒီးယွၤစံးဘၣ်စီၤကၤယံၣ်, ဘၣ်မနုၤနသးထီၣ်လဲၣ်, ဒီးဘၣ်မနုၤနမဲာ်လီၤသပှၢ်လဲၣ်. 7နမၤမ့ၢ်ဂ့ၤဒီး, တၢ် ပာ်ထီၣ်ထီနၤတအိၣ်ဘၣ်ဧါ. ဒီးနမၤမ့ၢ်တဂ့ၤဘၣ်ဒီး တၢ်ဒဲးဘးကိာ်လီၤလၢတြဲၤအဃၢၤလီၤ. ဒီးအဝဲဒၣ်က သန့ၤ, အသးလၢနၤ, ဒီးနကပၢအီၤလီၤ.
8ဒီးစီၤကၤယံၣ်ကတိၤတၢ်ဒီးအပုၢ် စီၤဟ့းဘ့းလး,ဒီး တၢ်မၤအသးလၢအအိၣ်လၢတၢ်ပျီပူၤအဖၢမုၢ်ဒီး,စီၤကၤ ယံၣ်ဂဲၤထၢၣ်ထီဒါအပုၢ်စီၤဟ့းဘ့းလး,ဒီးမၤသံ အီၤလီၤ.
9ဒီးယွၤစံးဘၣ်စီၤကၤယံၣ်, နပုၢ်စီၤဟ့းဘ့းလးန့ၣ်အိၣ် ဖဲလဲၣ်. ဒီးအဝဲဒၣ်စံး, ယတသ့ၣ်ညါဘၣ်. ယမ့ၢ်ပှၤ ကွၢ်ယပုၢ်ယဲဧါ.
10ဒီးအဝဲဒၣ်စံး, နမၤတၢ်မနုၤလဲၣ်. နပုၢ်အသွံၣ်အ သီၣ်ကိးထီၣ်ယၤလၢဟီၣ်ခိၣ်လာ်လီၤ. 11ဒီးခဲကနံၣ်အံၤ နဘၣ်တၢ်ဆိၣ်အၢကွံာ်လၢဟီၣ်ခိၣ်, လၢအအဲးထီၣ်အ ထးခိၣ်, ဒ်သိးအကဒိးန့ၢ်နပုၢ်အသွံၣ်လၢနစုပူၤလီၤ.-
12တုၤနမၤဟီၣ်ခိၣ်ဒီး, တဟ့ၣ်လၢၤဘၣ်နၤလၢအဂံၢ်အ ဘါဘၣ်, နကကဲထီၣ်ပှၤလဲၤဝ့ၤဝီၤတၢ်, ဒီးပှၤဃ့ၢ်တၢ် လၢဟီၣ်ခိၣ်ချၢလီၤ.
13ဒီးစီၤကၤယံၣ်စံးဘၣ်ယွၤ, ယတၢ်ဒဲးဘးဒိၣ်န့ၢ် ယ တူၢ်ကဲတက့ၢ်လီၤ. 14ကွၢ်ကွၢ်, မုၢ်မဆါတနံၤအံၤနဟီ ထီၣ်ကွံာ်ယၤလၢဟီၣ်ခိၣ်အမဲာ်ညါ, ဒီးယကအိၣ်တဒၢ ဒီးနမဲာ်, ဒီးယကကဲထီၣ်ပှၤလဲၤဝ့ၤဝီၤတၢ်, ဒီးပှၤဃ့ၢ် တၢ်လၢဟီၣ်ခိၣ်ချၢ, ဒီးတၢ်ကမၤအသးလၢဖဲဒၣ်ပှၤလၢ အထံၣ်န့ၢ်ယၤတဂၤလၢ်လၢ်န့ၣ်ကမၤသံယၤလီၤ.
15ဒီးယွၤစံးဘၣ်အီၤ, မၤသးဒ်န့ၣ်ဒီးဖဲဒၣ်ပှၤလၢအမၤ သံစီၤကၤယံၣ်တဂၤဂၤန့ၣ်, ကဘၣ်တၢ်ဒဲးဘးနွံစးလီၤ. ဒီးယွၤပာ်တၢ်ပနီၣ်လၢစီၤကၤယံၣ်အလိၤ, ဒ်သိးပှၤလၢ အထံၣ်န့ၢ်အီၤအသုတမၤသံအီၤနီတဂၤတဂ့ၤလီၤ.
16ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါ, ဒီးလဲၤ အိၣ်ဝဲဆိးဝဲလၢ ကီၢ်နိာ်အိၣ်လၢ ဧ့ၤဒ့ၣ်မုၢ်ထီၣ်တခီ လီၤ. 17ဒီးစီၤကၤယံၣ်သ့ၣ်ညါအမါ, ဒီးအဝဲဒၣ်ဒၢထီၣ်, ဒီးဆံးစၢ်န့ၢ်စီၤဃနိာ်လီၤ. ဒီးတ့ဝ့ၢ်တဖျၢၣ်, ဒီးယုၢ်ဝဲ အမံၤဒ်သိးဒီးအဖိခွါဃနိာ်အမံၤလီၤ.
18ဒီးစီၤဧၤရး အိၣ်ဖျဲၣ်လၢစီၤဃနိာ်အဂီၢ်, ဒီးစီၤဧၤရး ထီၣ်ဖိစီၤမဃူယအ့လး, ဒီးစီၤမဃူယအ့လးထီၣ်ဖိစီၤ မသူရှ့ၤအ့လး, ဒီးစီၤမသူရှ့ၤအ့လးထီၣ်ဖိစီၤလ့ၤမ့းလီၤ.
19ဒီးစီၤလ့ၤမ့းဟံးန့ၢ်အမါခံဂၤလီၤ. အဝဲတဂၤအမံၤမ့ၢ် နီၢ်ဧဒၤ, ဒီးအဝဲတဂၤအမံၤမ့ၢ်နီၢ်စံလၤလီၤ. 20ဒီးနီၢ်ဧ ဒၤဆံးစၢ်န့ၢ်စီၤယၤဘလးလီၤ.- ဒီးအဝဲဒၣ်မ့ၢ်ပှၤလၢအ အိၣ်ဝဲဆိးဝဲလၢဒဲပူၤ, ဒီးအိၣ်ဒီးဆၣ်ဖိကီၢ်ဖိအဒၢတဖၣ် အပၢ်လီၤ. 21ဒီးအဒီပုၢ်ဝဲၢ်တဂၤအမံၤမ့ၢ်စီၤယူၤဘလး လီၤ.အဝဲဒၣ်မ့ၢ်ပှၤလၢအဒ့တနၢ်ဒီးအူပံတဖၣ်အပၢ်လီၤ.
22ဒီးနီၢ်စံလၤဆံးစၢ်စ့ၢ်ကီး စီၤတူၤဘလးက့ၤယံၣ်, ပှၤ လၢအသိၣ်လိကယဲၢ်ပှၤလၢအမၤတၢ်လၢ တိၢ်ဒီးထးခဲ လၢာ်လီၤ. ဒီးစီၤတူၤဘလးက့ၤယံၣ်အဒီပုၢ်ဝဲၢ်မုၣ် မ့ၢ် နီၢ်နၤဧမၤလီၤ.
23ဒီးစီၤလ့ၤမ့းစံးဘၣ်အမါတဖၣ်, နီၢ်ဧဒၤဒီးနီၢ်စံလၤ သ့ၣ်ဧၢ, ကနၣ်ယကလုၢ်, စီၤလ့ၤမ့းအမါသ့ၣ်သုဧၢ, ဒိကနၣ်ယတၢ်ကတိၤတက့ၢ်. အဂ့ၢ်ဒ်အံၤ, ယမၤသံ ပှၤတဂၤလၢယဘၣ်တူာ်အဂ့ၢ်, ဒီးပှၤဖိၣ်သၣ်ခွါတဂၤ လၢယဘၣ်တီၢ်အလီၢ်အဂ့ၢ်လီၤ. 24ပှၤလၢအမၤသံစီၤ ကၤယံၣ်န့ၣ်မ့ၢ်ဘၣ်တၢ်ဒဲးဘးနွံစးဒီး, မ့ၢ်မးပှၤလၢအ မၤသံစီၤလ့ၤမ့းန့ၣ်ကဘၣ်တၢ်ဒဲးဘးနွံဆံနွံစးလီၤ.
25ဒီးစီၤအၤဒၣ်သ့ၣ်ညါကဒီးအမါ, ဒီးအဝဲဒၣ်ဆံးစၢ် န့ၢ်အဖိပိာ်ခွါ, ဒီးယုၢ်အမံၤလၢစီၤရှ့သးလီၤ. အဂ့ၢ်ဒ် အံၤ, ယွၤပာ်န့ၢ်ယၤလၢတၢ်အချံအသၣ်အဂၤလၢ စီၤ ဟ့းဘ့းလးအလီၢ်, ပှၤလၢစီၤကၤယံၣ်မၤသံအီၤတဂၤ န့ၣ်လီၤ, စံးဝဲဒၣ်.
26ဒီးဖိခွါတဂၤအိၣ်ဖျဲၣ်စ့ၢ်ကီး လၢစီၤရှ့သးအဂီၢ်, ဒီး ယုၢ်ဝဲအမံၤလၢစီၤအနိၣ်လီၤ. တုၤနုၤတစုပှၤကိးထီၣ်သီ ယွၤအမံၤလီၤ.
Sgaw Mason Bible © Bible Society of Myanmar, 1853.