Ubwandilo 10
10
Aba Nkikolo kya Nwaka
1Aba bo bāndu aba bāfụmịle nndujụ̄ngụ lwa bāna ba Nwaka; Syemụ, Hamụ na Jafetị, bababa bo aba bāpāpịle abāna abanyambala bo umwelēsyo gukīndịle.
2Abāna ba Jafetị bo aba: Gomelị, Magogị, Mandai, Jafanị, Tụbalị, Mesyekị na Tịlasị. 3Abāna ba Gomelị bo aba: Asekenasị, Lịfatị na Togama. 4Abāna ba Jafanị bo aba: Elịsa, Talasịsị, Kitịmụ na Londanimụ. 5Ukufụmila nndi bababa po ifịkolo fya bāpānja fịlinkwenda nukubalanịla mfị̄su ifị fịpalamēne ni nyanja, ikikolo kimo kimo ukukōngana ni njobelo syabo mfịkolo fyabo, bababa bālị banya Jafeti. 6Abāna ba Hamụ bo aba: Kụsị, Mịsịlaimụ, Pụti na Kanānị. 7Abāna ba Kụsị bo aba: Seba, Habila, Sabita, Lama na Sabuteka. Abāna ba Lama bo aba: Syeba na Ndetanị. 8Kụsị alinkumpāpa Nịmụlotị, jo alinkuja mụ̄ndu ugwakwanda ugwa maka nkị̄su; 9uju kangi āli mfwimị ugwamaka fị̄jo kumāso kwa Kyala. Fyobēne abāndu bịkuti: Mfwimị, ulwa Nịmụlotị, umfwimị ugwa maka nkyenị mụ NTWA. 10Ubwandilo bwa butwa bwake āli jo Babelị, Elekị, Akati na Kalịne; utwaja tōsa tututu twali nkị̄su kya Sịnala. 11Ukufụma nkị̄su kila kila po āsāmị̄le mụ Asụlụ mo alinkujenga utwaja utu: Nịnịbe, Lehobotị na Kala. 12Kangi alinkujenga Lesenị, akāja aka kali pakati pa Nịnịbe, na Kala, aka kāli kāja akakulūmba. 13Misilaimu alinkubapāpa: Lutịmụ, Anamịmụ, Lehabịmụ na Hafụtụhịmụ. 14Patịlusịmụ, Kasuluhịmụ mụno bafụmịle Abafịlịsịtị na Kafịtolịmụ.
15Kanānị ālimpāpịle Sịtonị, ugwakipānda gwake, na Hetị. 16Kangi na banya Jebusị, na banya Amolị, na banya Gịlịgali; 17na banya Hịfị, na banya Elịkị, na banya Sịnị. 18Na banya Alafatị, na banya Semalị na banya Hamatị. Pānyụma pa bāndu bababa ifịkolo fya Bakanānị fịlinkubalanịla mōsa. 19Umpaka gwa ba Kanānị gwalyendịle mụ Sịtonị ukwịsa ku Gelali ukufịkila ku Gasa; kangi ukubūka ku Sotomụ na Gomola na Andima, na Seboịmụ, mpaka ku Lasya. 20Bababa bo bāna ba Hamụ, aba bābūngānaga mbukamụ mbukamụ na mfị̄su mfị̄su, mfịbụgutila fya njobelo aba ijābo aba ijābo. Ukukōngana ni fịkolo fyabo.
21Jōpe Syemụ ugwịse gwa bāna bōsa abamuebelị unkulu gwa Jafetị alinkupāpa abāna. 22Abāna ba Syemụ bo aba: Elamụ, Asyụlụ, Alipakisatị, Lundi na Alamụ. 23Abāna ba Alamụ bo aba: Usị, Hulị, Getelị na Masị. 24Alipakisatị alinkumpāpa Syela, jōpe Syela alinkumpāpa Ebelị. 25Mwa Ebelị bāpāpīgwemo abāna abālumyāna babili; Untasị āli jo Pelegị, namanga mmasịku gāke ikị̄su kyatapukēne, unnụgụna āli jo Jokatanị. 26Jokatanị alinkumpāpa Alimondati na Syelefụ, na Hasamafetị, na Jela. 27Na Handolamụ, na Usalị na Ndịkila. 28Na Obalị, na Syeba. 29Na Ofịlị, na Habila, na Jobabụ; bōsa bababa bālị bāna ba Jokatanị. 30Bājēngịle ukufụma mụ Mesya ukubūka mu Sefalị nkyamba kya kubusōkelo. 31Bababa bo bāna ba Syemụ, mụno bājēngị̄le mbukamụ bwabo, mụ njobelo syabo, mfị̄su fyabo, na mfịkolo fyabo. 32Bōsa aba bo ba nndujụ̄ngụ lwa Nwaka, ukukōngana nifịkolo fyabo, ukufụma mụli bababa ifịkolo fya bāndu fịlinkubalanịla mfị̄su fyosa bo umwelēsyo gumalị̄ke.
Nyakyusa Bible © Bible Society of Tanzania, 1996.