SAN MATEO 19 的熱門經文

分享

Toctzen tcyeꞌyenxin ejeeꞌxin, bix e xiꞌ ttzakꞌbeꞌnxin: —Cye xjal, mlay bint cyuꞌnx tuꞌn cyocx tuj tcawbil Dios. Pero jatzen te Dios, cykilca baꞌn tbint tuꞌn―tz̈ixin.

Juꞌ tzunj, yaaꞌn caꞌbatl cybet, sino tisen jun xjal mlay tzꞌel pax. Juꞌ tzunj, j-o tzꞌoc tmojbaꞌn Dios te junx, yaaꞌn tuꞌn tcub cypaꞌn cyiib―tz̈i Jesús cyexin.

Bix aj ttzakꞌbeꞌnxin cyexin: —¿Bajxpa jaw cys̈iꞌna tuj tyol Dios ti toc tuꞌn Dios tiꞌj jun moj xjal tej tbint tuꞌn? Tzin tkbaꞌn tyol Dios cyjulu: “E cub tbinchaꞌnte Dios xinak tuya xuuj. Juꞌ tzunj cyjela tkꞌoꞌn xinak tman bix ttxu tuꞌn toc maje tuya xuuj. Cycaꞌbeltzen chi elel tisen junx xjal bix tuꞌn cyel junx,” tz̈i tyol Dios.

Pero e xiꞌ tkbaꞌn Jesús: —Cytzakpiꞌnctz kej neeꞌwa tuꞌn cytzaj wiꞌja, cuma nuk ka juꞌ tanem jun xjal tisen ejeeꞌ neeꞌwa, baꞌntzen tocx tuj tcawbil Dios―tz̈ixin.

Pero nim xjal nintzaj jaꞌlewe, ejeeꞌ tzunj chi oquela te chꞌin tuj tcawbil Dios. Bix nim xjal yaaꞌn nintzaj jaꞌlewe, ejeeꞌ tzunj chi oquel te nintzaj tuj tcawbil Dios tzul―tz̈i Jesús.

Bix alcyej nuk wiꞌja ma cyaj tkꞌoꞌn tja, bix ma titzꞌen, ttzicy, tman, ttxu, ke tcwal, ttxꞌotxꞌ, nimxsen ctzaal kꞌoꞌn te, bix ctiikꞌeltzen tchunkꞌlal te junx maj.

E xiꞌ tkbaꞌn Jesús tekꞌa: —Ka taja tuꞌn toca tzꞌaklxix, qꞌueyex tikꞌch tey, bix kꞌonxse twiꞌ cye mebe. Juꞌtze cnetela tkꞌinemala tuj cyaꞌj. Ojtzen tbint tuꞌna, lpetztzen wiꞌja―tz̈i Jesús.

Aj ttzakꞌbeꞌn Jesús tekꞌa: —¿Tikentzen nchin oca tkꞌoꞌna te baꞌn? Min-alte jun xjal baꞌn. Nuk ja te Dios baꞌn. Yal tzunj tkanbila, ka taja tuꞌn tcamana tchunkꞌlala te junx maj, nimanx kej mandamyent e cyaj tkꞌoꞌn Dios―tz̈i Jesús.

Cxeꞌl nkbaꞌntl cyey, mas cyiw tuꞌn tocx jun kꞌina tuj tcawbil Dios twitzj tuꞌn tex junjil tz̈ej tuj tẍyoꞌp bak―tz̈ixin.

Jatzen weya, cxeꞌl nkbaꞌna cyey, alj ma tzꞌel tpaꞌn tiib tiꞌ t-xuꞌl, bix ka mintiiꞌ nbint tuꞌn t-xuꞌl, bix ma maje tuya juntl xuuj, tzin tbinchaꞌn pajlel―tz̈ixin.

Bix e xiꞌ tkbaꞌn Jesús cye t-xnakꞌatzxin: —Jaxxix cxeꞌl nkbaꞌna cyey, cyiwxsen tuꞌn tocx jun kꞌina tuj tcawbil Dios.