Ujuni 25 的熱門經文

分享

Kë Nawat Kabuka aşë ji na a : « Kntaali ktëb kawooŋ ţi kayiŋu kë kntaali ktëb kamkpënuŋ ţi iwi, kaluŋ kagarna du kayiŋ meeţ. Ploŋ pabi kadëm kapel pundu, pi naweek pabi kado kalempar pi nampoţi. »

Aji na Yakob : « Ŧaraan, wulaan nde ţi poŧ bjeenkal buŋ ! Ubon ude'ën. » Ukaaŋ kë bakak adu'a kak aji Edom, uwooŋ najeenkal.

Iŧaak añehan Nawat Kabuka pa aharul ţiki aanhil pbuk. Kë Nawat Kabuka aŧiinka, Rebeka aharul kë awo na kayiŋ.

Kë Eŧawu aŧeema aji : « Tenan, dkeţ abaa dolna we pweek ba ? » Kë Yakob akak aji na a : « Duni imehna ţi kadun naan. » Kë amehna, awaap Yakob pweek pi nul.

Wi akpënuŋ, kë aţa'ul aşë bi kak, amëbana mëban ţi pşoñ ; kë badu'a aji Yakob. Iŧaak aka ŋşubal iñeen-paaj (60) wi babukiiŋ.

Iŧaak ul amagan Eŧawu ţiki aŋal uyemaţ wi pjan, kë Rebeka aşë magan Yakob.