लुका किताबकर परिचय
किताबकर परिचय
ह्य सुसमचारकर किताब लुकान येसुकर बारेनाइ हक्ल घटनाकर बरन गरिके थियोफिलसलाइ लेख्ल पत्र हो।
ह्य सुसमचारकर किताबिन येसुलाइ दर्साइलाछि—येसु इज्राएलिल्को माजनाइ आइछइ बाजिके बाचा गर्ल मुक्तिदाता र सेब्बाइ मान्छे जातिल्काइ बाचाइनारआछ। परमेसोर ब्वान येसुलाइ दुखि र गरिब सेब्बाल्काइ सुसमचार पर्चार गरइ धर्तिनाइ पाठाइल हो। ह्य किताबनाइ सेब्बे कुरोकर खाँचोनाइ पर्लाइ मान्छेल्को वास्ता गरिके लेख्लाछि। ह्य किताबनाइ सुरुकर भागनाइ येसु सन्सारनाइ जन्मिल र अन्तिम भागनाइ येसु स्वर्ग उठाइ लाकाइल कुरो लेख्लाछि।
येसु स्वर्ग जाइल पछि येसु खिरिस्टनाइ बिस्वास गर्नाराइ बाढिके सेब्बे पटि फइलिल कुरो लुकान “पेरितकर काम” बल्ल किताबनाइ लेख्लाछ।
लुकान ह्य सुसमचारकर किताब लगभग इस्बि सम्बत ६५-७० नाइ लेख्ल हो बाजिके बाइबलकराइ धेराइ बिद्वानकिन बाताइलाछत।
छोटो बिसय-सुचि
परिचय १:१-४
बप्तिस्मा दिनार युहन्ना र येसुकर जन्म र बाल्यअबस्था १:५—२:५२
बप्तिस्मा दिनार युहन्नाकर सेवाकर काम ३:१-२०
येसुकर बप्तिस्मा र परिछ्या ३:२१—४:१३
गालिलनाइ येसुकर सेवाकर काम ४:१४—९:५०
गालिलदेखि यरुसलेमसम्म ९:५१—१९:२७
यरुसलेमनाइ अन्तिम हप्ता १९:२८—२३:५६
येसु मर्लबान जिउँते हकिके स्वर्ग जाइल २४:१-५३
© 2024 (Active), Mother Tongue Translators Society and Wycliffe Bible Translators, Inc. All rights reserved.